زوجة أخي تعتمد على أمي المسنة في أداء أشغال البيت

دكتورة بإذن الله · 2011-10-24, 16:45

اقتباس:

المشاركة الأصلية كتبت بواسطة ميمنة الجزائر

انا مع هاذا الرد لانو الاولى تجيوها باللين وانها تكون معاكم كاخت وانزعي الكراهية من قلبك انو انت كمان يجي اليوم وتعودي كنة فلا تشككي بها لانها ربما تكون ما توجدش روحها ما بينكم يعني

قاسموها الدالة واعاملوها كانها اخت لكم لانا مازالت صغيرة ولكن اذا لم تتبدل ديرولها بيتها احسن لها ولكم

واش اختي ميمنة تفاهمتي علينا انت و فارس

المخلوقة راها تقول لالة مازالت تتعرس و تتصدر و لحد الان مافهمتش روحها ..قريب تقفل عام 10 اشهر

في ميزك وحدا كنة في الدار تشوف عجوزتها مغبونة و تقعد تشوف فيها ؟؟؟؟؟؟

يا اختي كاين بنات يروحو ضياف و يعاونو فمابالك بكنة على الاقل الاحسان لام زوجها ...

تخيلي تقلها عاونينا تقلها كلام اكبر من راسها

...و تولي تبكي

و تقلهم جبتوني خدامة

وووو و علابالك واش يصرا من باعد

رانا شفنا اكثر و اكثر من هاك يا اختي ...لو تسمعين عجايز يحكولك تولي تبكي من واش راهو صاير

و تسمعي كنات ثاني محقورين في ديار رجالاتهم مساكن عمال نضافة بدون انقطاع

و تندب حظها السئ

********

و هاذي الحالة

حلها الوحيد مطبخ وحدها باش ما يخسروش خوهم

و يولو في حكايات اخرى ...و يبقى القدر بيناتهم و فرات

و عندما تدير مطبخ وحدها تزول الحساسية بيناتهم سواءا بين لبنات و بين مرت خوهم

(لان مرت خوهم تقلك مانيش خدامة عندهم راه عندي راجلي و خلاص

و هوما يقلك زوجنا خونا و زدنا حصلنا فيه و في مرتو و ماناش خدامين عندها

و بالتالي تولي حرب البسوس ياربي تفهميني واش نقصد)

و كي يديرولها مطبخ وحدها كل وحده تتحمل مسؤوليتها

و كل وحدا تحس روحها عليمن مسؤولة و بالتالي تزول الحساسية بيناتهم و راهي تندمج وحدها معاهم ........براي هذا هو الحل و راي لا الزم به احد

مع التحية اختي ميمنة .......سلااااااااااااام