كي قالوا رآهم زادونا ********* **الكل أيولي حوساب
في النشرة راهم كشفونا************ هذا باطل يالحباب
ضاري بوسا لم يتفنن *********** مثل البومة في الخراب
الكل علينا يتكــــــــــلم ******** جيران اوزيد الأصحاب
واحد حاسدنا يتألم ************ عمرو ما يعرف لكتاب
والثاني دايس وايخمم ************ طامع في دعم الشباب
يالخاوة وين الكرامة ***********ماني واحد من لذنـــــاب
أحنايا أرجال التربية ***********بالفكر أنغذي للبـــــاب
مانا ندعو للسياســـــة ***********لا أنشجع فكر الأحزاب
رآنا في وقت التناقض ***********كبشي ترعــاه الذئاب
عايش في حالة متمرمد*********كي نهدر قالوا كــــــذاب
ما نعرف غير السبورة ********** لا لوحة ولاكتـــــاب
طبشوري لحرش في جيبي******** نكتب كلمة بالعذاب
وليخدم في التحــــضيري *********كاره عمر جلد طاب
الموشر يا سر تتعايط *********للمكتب يضرب طبطاب
مرة يلعب دور الما ما **********مرة يجلس عند الباب
زيد ولو ضرك اللاصفي *********يلزم للنصاب أيوفي
ألفيا مــــوش أمكفــــي ********* وروني و ين الصواب
يا لهوني رآهم حقروني ******** كيفا ش أيكون الجواب
وينك يابن أم البواقي ******* تعطينا فصل الخطــــــاب
يا عادل يا صفر ربعـــــــة ******* عيط كلمـــــلي لحبـــــاب
قوللهم رانا في حيرة ********* كي الحاضر والغــــــــاب