صور جديدة وطريقة جديدة

sarsora777 · 2011-09-24, 20:03

تعيشي لكان تقدري تعطيني الطريقة بالكتبة بالتفصيل باه كي يجوني ضياف نديرها تحمر الوجه

OU SS AMA · 2011-09-24, 20:28

اقتباس:

المشاركة الأصلية كتبت بواسطة sarsora777

تعيشي لكان تقدري تعطيني الطريقة بالكتبة بالتفصيل باه كي يجوني ضياف نديرها تحمر الوجه

شوفي اختي طبقي المقادير كيما كتبتهم اقسميها على النص عجينة خليها بيضة والاخرى لونيها بالكاكاو حتى تصبح قهوي نصيحة نصيحة نصيحة باه ناكدلك مليح خلي العجينة ترتاح ليلة كاملة بليها فاليل والصباح اخدمي تولي العجينة مثل الحلوى ولازم تكون الفارينة من النوع المليح سيم او لابال تبداي كعبريهم نفس الحجم وبداي حليهم بالقنوط رقاق وحطي في الدراوات نضاف ثم حطي الطاجين تاع الحديد واذا معندكش حطي طاجين الفخار وفوقو سني قديم ونشفيهم يعني يبياضو شوية برك ونحيهم يعني رمشة من العين طيبي وحطي في الدروات كي يتنحالهم العرق غطيهم بكيس بلاستيكي باه مييبسوش وعلى هاذيك لي قلتلكم لازم المعونة ادا كنت وحدك ديري نصف الكمية كي تخلصي حطي وحدة بيضة وفوقها البني وروليه ولصقي الحافة ببياض البيض وقصي بالالة المشرشفة تاع المقروض مائلةكل متميلي يجي الشكل مليح قيس اصبع فقط وبداي اجبدي الريشة لولا صغيرة لي فنص وكملي حتى الفوق في نفس القت يخرجو الريشات من الجهة الاخرى وضغطي على الحبة شوية برك في النص وقليهم وكبي فوقهم الزيت يتنفخو ويتفرقو على بعضاهم تحكم صح اليد بصح هايلين جات عندي زوجة اخي وحطيتهملها قاتلي غاضوني ناكلهم ههههههههههه:d

sarsora777 · 2011-09-24, 21:05

هكذا فهمت يا الفحلة انا من قبل عطاتني وحدة la recette تاع مقرقشات يجيو بهاذ الشكل تقيهم مقرودات و أتحلهم بالقنوط رقاق شوفي تحل المنيرة لي دارتها رقيقة خلاص و دير فوقها مايزينة و امبعد تروليها و تقص مقرودات و تعود تحلهم بالقنوط من الجنب و تقليهم جربيهم نتي بالاك يصلحولك انا ما صلحوليش .تاعك يبانو اسهل و اجمل surtous كي ملونين.
نقولك بنتك ما شاء الله شحال في عمرها

sarsora777 · 2011-09-24, 21:06

ربي يحفظهالك

OU SS AMA · 2011-09-24, 21:11

اقتباس:

المشاركة الأصلية كتبت بواسطة sarsora777

هكذا فهمت يا الفحلة انا من قبل عطاتني وحدة la recette تاع مقرقشات يجيو بهاذ الشكل تقيهم مقرودات و أتحلهم بالقنوط رقاق شوفي تحل المنيرة لي دارتها رقيقة خلاص و دير فوقها مايزينة و امبعد تروليها و تقص مقرودات و تعود تحلهم بالقنوط من الجنب و تقليهم جربيهم نتي بالاك يصلحولك انا ما صلحوليش .تاعك يبانو اسهل و اجمل surtous كي ملونين.
نقولك بنتك ما شاء الله شحال في عمرها

بلا مزية مني هاذي بنتي حواء عمرها سنتين المقرقشات يسميوهم الحنيفيات جربتهم وجاو ملاحدرك نعطيك الرابط وقوليلي هاذو هوما ولا لالا

sarsora777 · 2011-09-24, 21:18

اقتباس:

المشاركة الأصلية كتبت بواسطة OU SS AMA

بلا مزية مني هاذي بنتي حواء عمرها سنتين المقرقشات يسميوهم الحنيفيات جربتهم وجاو ملاحدرك نعطيك الرابط وقوليلي هاذو هوما ولا لالا

Ok اني نسنا

sarsora777 · 2011-09-24, 21:20

اقتباس:

المشاركة الأصلية كتبت بواسطة sarsora777

Ok اني نسنا

هي سماتهمليles baleines

sarsora777 · 2011-09-24, 22:21

إيه حبيبتي هوما نظن