خواتاتي العاصميات الفحولة قولولي على المقرود

[شوقية]

السلام عليكم انا من العاصمة وهده هي الوصفة لي حنا نديروها احكمي صحفة اوديري
3كيلات سميد تاع المقروط molin و لا سيم اشري تاع 2كلغ ايكونوا معمرين مليح +قرصة ملح+1/2 سميد تاع لعجين يعني دقيق رقيق بزاف
1كيلة زيت نقصي منها 5مغارف كبار- في هدا الكيلة تاع الزيت زيدي السمن دايب حتي يفيض شوية (بول تاع الزيت و السمن ديريه وسط سميد لي تكوني كيلتيه او درتيه في الصحفة من بعد دخلي الدهان مليح في السميد (افتليه و متعجنيهش ) حوالي 15د وانت دخلي الدهان في الدقيق منبعد كي تكملي رشيه بشوية تاع الماء الزهر و فتليه خليه يرتاح حوالي ساعة .

وجدي كيلة فيها نصف ماء و نصف ماء الزهر + حبة بيض كاملة خلطيهم مليح منبعد جيبي الخليط الاول و رشه مرة اخرى بشوية من هاد الخليط كيلة فيها نصف ماء و نصف ماء الزهر + حبة بيض كاملة و فتليه

منبعد ابداي تخدمي بشوية يعني نحي شوية من خليط تاع السميد او زيديلوا شوية من كيلة تاع نصف ماء و نصف ماء الزهر + حبة بيض كاملة اهنا يمكنك تعجني ما تخافيش
قبل ماديري كمية كبيرة جربي 2 حبات قبل كي تخدميهم ديريهم يتقلاو الزيت تكون سخونة و النار هادئة ادا تفتحلك في الزيت زيديلوا كمية من الدفيف تاع لعجين او عاودي افتليه و رشيه