يا طلاب الطب لا تشتروا Larousse medical

[amedjour]

في السنوات الأولى الطلبة كامل راهم ضعاف في اللغة وقاموس فرنسي فرنسي رايح يضيعلهم وقتهم وما رايح يفهموا منه والو فأحسن حل قاموس المنهل فرنسي عربي + القاموس الذي أوصتكم به الأخت الفاضلة ناشدة السؤدد هوDictionnaire illustré des termes de médecine الذي سيساعدكم كثيرا ولايمكن الإستغناء عن كليهما وراني نأكدلكم هذا الحديث ونزيد نوصي الطلبة الجدد مساكن اللي رايحين يقروا أي تخصص يحتاج الفرنسية عندما تروحوا لجامعاتكم في البداية أول شيئى تبدوا بيه هو الترجمة ثم الترجمة لكل الدروس اللي يعطوهالكم الأساتذة و إلا يكتبوهالكم وما تفشلوش لأنه إذا افشلت وقلت نرحم نفسي شوية دير في بالك مليح راهم ما راحش يرحموك و كل هذا لتكوين رصيد من المصطلحات لا بأس به قبل ما يجوك لكنترول وتتعب وإن قلت هذا الشيئ لأنه عن نفسي في البداية الديكسيونارالنتاعي طاب وقريب يتمزقلي من كثرة الإستعمال. ومن بعد وحده وحده رايحين تنسوا القاموس.
ماتنسوش إذا راه كل شيء من البداية وما تقولوش القواميس راه غالية ما نشروش وإلا نسلفوا ...لا راني نقلكم راه تبقالكم مدى الحياة و أنتم تستعملوا فيها ورايحين تورثوها حتى لأبنائكم...
حاجا أخرى اللي يقلك استعمل قاموس فرنسي فرنسي من الباية راه يهف فيك ...كيفاش رايح تستعمله و أنت أصلا ما عندكش الرصيد الكافي من اللغة الفرنسية لذلك........ وفي النهاية أرجو من الله أن أكون قد أفدتكم ولو بالقدر القليل و أتأسف للذين لم يعجبهم كلامي وبالتوفيق إن شاء الله