الاباء وزواج ابنائهم

[سمية محمد عطية]

شوف يا وليدي نقولك كلمة حطها في وذنيك مليح من ام عندها اولاد في سن الزواج وممكن تشعر بما راه يشعر ابوك

اول حاجة ربي راه مد حاسة سادسة للام والاب بحيث اشترط الشرع ولى في الزواج

انا نعطيك قصة وقعت لواحد قريب منى

الابن قرر يخطب فتاة الام رفضت بشدة وبعد ها سار مشروع الزواج وبقيت الام رافضة بصمت
اثناء العرس وقعت مشاكل ومشات الامور
بعد العرس بدات المشاكل تنهال على الابن من طرف العروسة من اهمال متعمد وصمت وطلبات ارهقت الزوج وخصام رهيب
لمدة اشهر كانت الزوجة تحلل حمل كل شهر باش تعرف اذا كانت حامل
بعد الحمل انقلبت اكثر واكثر ولما عرفت انها حامل مباشرة وقعت مع الام في خصومة وكادت ان تضرب الام وانتقلت الى بيت ابوها
غضبانة تحوس على دارها
بعد ايام رجعوها بالجماعة
وما ان رجعت حتى عملت مشكل اخر
راهى ناوية على الشر من الاول
بعدها رجعت تانى بجماعة

الزوج قال نتركها تريح بلاك من الحمل وخلاها حتى تهدا النفوس شوية
واش دارت المخلوقة راحت رفعت قضية على الزوج بالاهمال وعدم النفقة وبعد اشهر طلقها وانجبت بنت بقيت في دار باباها عامين تزوج الزوج والمراة التانية ما انجبتش واكنت شوية مريضة وكان هو يروح يجيب بنتو ويصرف عليها ربا عليها الكبدة وهو حنين بزاف بزاف

وفجاة قرر يرحعها من اجل بنتوا
المراة التانية طلبت الطلاق والاولى شرطت الدار اللى كانت تحلم بيها خاطر عندو والديه كبار في السن وحيدين

شوف الخطا التانى اللى وقع فيه كان يفكر بقلبووما فكرش بعقلو الام قالت له البنات بزاف والله الف وحدة تتمناه
اصر ان ترجع الاولى
ما علينا التانى طلقها والوالدين اصبح ما عندهم حتى احد يرعاهم رغم كبر سنهم
رجع المراةبصح تشوف حياة الجحيم اللى راه عايشها ما يعلم بيها غير ربي

وكل يوم يروح لوالديه يشكى منها و

بكات الام كثير كثيرا وقالت له شف يا ولدي لاه قلبي رفضها



فكر مليح ورضى الوالدين راه من رضى الله مافيها والوا اذا طعتهم ومهما طعتهم بقناعة منك انت اللى راح تكسب في الاخير

حاول تكون لين وحنين وتفاهم معاهم بالعقل فزواج القلب شيء وزواج العقل شيء
ولما تتزوج بفتاة انتووالديك راضيين عليها بصلحوا اولادك قبل ما تتصرف اي تصرف
ننصحك بمطالعة مواضيع عن الام وخاصة والوالدين راح تشوف الحنان والرحمة يملاو قلبك تجاهم
واستخير الله وربي يقدم ما فيه الخير