فكرة هاااااااااااايلة اذا لم يصلح لك المقروض و تفتت لك

[remadna]

المشاركة الأصلية كتبت بواسطة غزالة الصّحراء

يعطيك الصحة يا أختي رماضنة. وصحّ فطورك. بصّح أسمحي لي راني رايح أنتعبك أشوية أمعايا بهاذي الأسئلة.
مانوع السميد ألي درتيه. ؟
قلتي 3 كيلات بكيلة. يعني 3 كيلات من السميد وكيلة أنتاع السمن . والعسيلة أشحال . ثاني كيلة؟؟؟؟؟؟؟ والماء . أو الماء الزهر . أنديروا في لعجينة وإلا لا لا؟
ربي أيشافيلك خوك. ويجمع شمل العايلة وتفرحوا كامل ياربّ.

لست انا من عمل المقروط و الدقيق من النوع المتوسط
نعم دارو 3 كيلات سميد بكيلة سمن
و انا عاودت عجنت الفتات بالعسل فقط عيني ميزاني حتى أصبح يتلم في اليد

[غزالة الصّحراء]

المشاركة الأصلية كتبت بواسطة remadna

لست انا من عمل المقروط و الدقيق من النوع المتوسط
نعم دارو 3 كيلات سميد بكيلة سمن
و انا عاودت عجنت الفتات بالعسل فقط عيني ميزاني حتى أصبح يتلم في اليد

حبيت أتفهميني. الصور ألي أرسلتيهم . خاصة بمقروط أنتاع الفتات ألي زيدتي لهم العسل؟
شوفي حنونة. سقسيلي أمليح كيفاه داروه.في الدّار . وإلاّ أنقولك: كيفاش أتديروا أنتوما المقروطّ؟
أنا اندير كيلة سميد متوسط + كيلة فرينة+(كيلة زيت + القليل من الملغارين ). + كيلة ماء الزهر . ونخليه يرتاح.
وأنتيا كيفاش أتديره عادة؟
من فضلك تعودت على كيفياتك لأنّها ناجحة. فساعدينا ساعدك اللّه في حياتك. فأنا أنموت على المقروط.

[remadna]

المشاركة الأصلية كتبت بواسطة غزالة الصّحراء

حبيت أتفهميني. الصور ألي أرسلتيهم . خاصة بمقروط أنتاع الفتات ألي زيدتي لهم العسل؟
شوفي حنونة. سقسيلي أمليح كيفاه داروه.في الدّار . وإلاّ أنقولك: كيفاش أتديروا أنتوما المقروطّ؟
أنا اندير كيلة سميد متوسط + (كيلة زيت + القليل من الملغارين ). + كيلة ماء الزهر . ونخليه يرتاح.
وأنتيا كيفاش أتديره عادة؟
من فضلك تعودت على كيفياتك لأنّها ناجحة. فساعدينا ساعدك اللّه في حياتك. فأنا أنموت على المقروط.

نعم الصور تاع فتات المقروض وفيه الغرس تاعو
انا عمري ما درت المقروض و هذاك المقروض داروه في عرس ولد صديقتي أمي ، أم العريس قالت لنا بلي دارو 3 كيلات بكيلة
المهم اليك وصفة امي و تجي رووووووووووعة و كل من يذوقو يعجبو
3 كيلات سميد عادي (تاع الكسرى و المطلوع)، كيلة سمن تمحر جيدا جيدا حتى يصبح الخليط كالرغوة البيضاء الخفيفة ثم تضيف كيلة فرينة ثم ماء الزهر تعمل عينها ميزانها ، تجيب كمية قليلة جدا و تضيف لها الغرس و تجرب تطبخها اذا جاها يابس تزيد السمن و اذا جاها يتفتت ما يتهزش تضيف الفرينة
هاذي طريقة امي اتمنى أنك فهمتيها
اذا راح تجربي ديري كمية قليلة جدا و شوفي

[غزالة الصّحراء]

المشاركة الأصلية كتبت بواسطة remadna

نعم الصور تاع فتات المقروض وفيه الغرس تاعو
انا عمري ما درت المقروض و هذاك المقروض داروه في عرس ولد صديقتي أمي ، أم العريس قالت لنا بلي دارو 3 كيلات بكيلة
المهم اليك وصفة امي و تجي رووووووووووعة و كل من يذوقو يعجبو
3 كيلات سميد عادي (تاع الكسرى و المطلوع)، كيلة سمن تمحر جيدا جيدا حتى يصبح الخليط كالرغوة البيضاء الخفيفة ثم تضيف كيلة فرينة ثم ماء الزهر تعمل عينها ميزانها ، تجيب كمية قليلة جدا و تضيف لها الغرس و تجرب تطبخها اذا جاها يابس تزيد السمن و اذا جاها يتفتت ما يتهزش تضيف الفرينة
هاذي طريقة امي اتمنى أنك فهمتيها
اذا راح تجربي ديري كمية قليلة جدا و شوفي

يعطيك الصحّة. راني أفهمت. بصح راني أنسيت ماكتبتلكش في الوصفة أنتاعي الفرينة. أنا ثاني أندير 3 كيلات سميد + كيلة فرينة.
كيعود عندي الوقت رايح أنجربو . راكي عارفة في رمضان يكثر الشغل. أنا دايمن نعجن المطلوع. الخبز مايدخلش للدار.
يعطيك الصحّة على الشّرح. ربي يعطيك ماتتمناي. ويشفيلك خوك . ويطول في عمر الوالدين. باش يفرحوا بيك.