العطلة

[بلال القلعة]

السلام عليكم يا اصدقاء
حبيت ندير هدا الموضوع باش نشوف كل واحد فينا كيفاش جوز العطلة وكيفاه كانت مليحة سامطة
انا بالنسبة ليا جوزتها فالبحر شهر ونص وانا فيه غير البارح رجعت للدار والله منكذب عليكم غير اسمط عطلة صيفية شفتها معلباليش علاه البحر عيان خلاص سامطة قع
وانتم كيفاه جوزتو العطلة وكيفاش كانت
ارجو من كل واحد منكم ان يعطي رايه الصحيح بدون تمسخير وشكرا

[mahboula15]

أنا العطلة تاعي سامطة حتى لهاد الوقت مارانيش حاسة روحي في عطلة مارحت لحتى بلاصة

[kenza94]

ana jazet 3liya nourmal ro7et l oran grat chhar wrani sa3a 3la, sa3a nkherjo ......... mais ma7assitlhach kemel jazet tem tem

[بلال القلعة]

وين راهي اراء الباقين

[safi4]

و انا عقبت العطلة في مسعد وراكم تعرفو مسعد والحمد لله

[سمية الجيجلية]

انا عديت العطلة في العاصمة كانت رائعة لكن عدات في لمح البصر

[sirina_angel]

العطلة تاعي في الدار ما خرجتش خلاص و كيما العادة غير السماطة

[etudient2009]

أنا أول مرة جوز عليا صيف كيما هكا سبحان الله شهر الأول عقبت في دارنا بصح الثاني رحت البحر ضحكت شويا بصح فوق
القلب صراحة ماشي كيما مالف بذما حبيت نحي شويا القلقة والعام الشيق الي عقبت

[ابن القلعة]

sa7a ramdhank akhi bilal....... hadi riba win kont

ana vacances ta3i kant mli7a ......Mem fiha digotag chwiya

droka rana m3a ramdhan w mamazlch bzaf w narj3o na9raw w yarja3 kolchi ki bkri.....mais nchalah rabi ysahal w


nanj7o fi BAC2012

[بلال القلعة]

وانت تاني صح رمضانك خولة ونشاء الله ربي يوفقنا كامل ونجحنا ويسهل علينا

[بلال القلعة]

وين راكم يا اعضاء المنتدى علبالي غلبكم رمضان

[asma764]

أنا و الله عقب صيفة فووور خلاص رحت لتونس و للعاصمة و عقبت وقت رايع صح و أنا اصلا نحب نقعد في الدار كلش كاين فيها ما عندي علاه نخرج يعني كي نقعد فيها ما نقلقش خلالالاص

[فتونة]

انا العطلة التاعي فوتها شوية شوية بصح الروتين راه مهبلني

[amine244]

انا عطلتي عقبت شهر في العاصمة درتها كاملة و بحرت في سيدي فرج من ثم رحت لتيبازة عقبت 15 يوم وروحت لدار في قالمة سمانة ومن ثم رحت لعنابة بحرت سمانة

[بلال القلعة]

وين راكم يا شباااااااااااااب