|
|
|
|||||||
| منتدى النكت و الأخبار الطريفة نكت و طرائف... للترفيه عن النفس |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حدث في حافلة النقل... (اقرا، واضحك، وعمَّر راسك)..
 |
|
|
أدوات الموضوع | انواع عرض الموضوع |
2011-07-29, 12:14
|
رقم المشاركة : 1 | ||||
|
حدث في حافلة النقل... (اقرا، واضحك، وعمَّر راسك)..
- حدث في حافلة النقل.. (عمَّر راسك) - نهار الأربعاء 27 جويلية 2011م، خَرجت مِن (شِبه) الخَدمة اللِي راني معوَّل على ربي، ومن بعد عليها: باه ندخل بيها للقفص الذهبي كيما يسمُّوه بعض المدهولين. ...................... ركبت في الحافلة كي العادة، وكنت حامل معايا ساكوشة (حافظة صغيرة): كَروَازِيتها على رقبتي كيما يديروا جماعة جاغيف... كنت (كل زوج) دقايق؛ نحل هاذيك الساكوشة ونَجبَذ واحد البِطاقة: لُونَها أصفر مكتوب عليها عبارة: (مؤهل غير مجنَّد) (يسموها عندنا: كارت جون) من اليوم اللي عطاوهالي وأنا ما قدرتش نلَّم روحي من الفرحة؛ اللي نلقاه نحكيلوا.... ................... الشُوفُور اللي كنا راكبين معاه في الحافلة؛ هو والمساعد تاعو (روسوفار) داروا بينا في المحطة قريب نصف ساعة ومن بعد كي مَشَاو: كل ما يوصلوا لمحطة جديدة يوقف المساعد في الحافلة ويقول للجماعة: خويا قدَّم شوية راهو عندك ليستَاع.... اتفكَّرت واحد قسنطيني تلاقيت معاه؛ قالي: انتوما في باتنة علاه الترونسبور تاعكم يتحاشروا فيه الناس !!؟... ........................... الحافلة كانت تمشي بالثَقَالَة، مرَّة تَدِينَا للقُدَّام... ومرة تَرِيب بِينا للوراء... مرة إيه، ومرة لا لا.... ومرة تَروَّن كروش الرجالة ! ...................... و(الروسوفور) في كل محطة يزيد يلوح الغاشي، والله تقول عليه يبيلي في الكُوفرِيط.. ...................... أنا كنت في حالة يرثى لها. ركبت قدامي واحد المرأة؛ معاها ثلاث أولاد يتهارشوا، ويعضُّوا في بعضاهم بطريقة تقول راك تتفرج في شريط تاع افتراس ! مرة يَطِيح عليا واحد، ومرة تجي فيا ضربة... وأنا ساكت ! ..................... وحدث أن: طاح واحد من هاذوك الثلاثة المشردين على امرأة واقفة من القُدَّام... دارت هاذيك المرأة وتعطيه ضربة للظهر: صرعاتو... أم هاذاك الطفل هاجت؛ وقالتلها: ما تحشميش تضرب في الملايكات ؟! هاذيك المرأة بانت عليها علامات الدهشة: هذا ملايكات، ياخي وجه الحبس ياخي ... ولولا تدخل العقلاء راهي طوالت الحكاية اللي راني نحكيلكم فيها.... .......................... و(الروسوفور تاع الحافلة) مازال يصحح في وجهو ويقول للجماعة: خويا قدَّم شوية راه عندك الاستاع! واحد الراجل كان حامل في يدو طفلة صغيرة قال: واش آااااخويا، راح تديرنا باط ساردين، الطفل صغير قريب يموت في يدي: راه ماكاش زغبة تاع هوا !. ......................... كي تكلَّم هذا السيِّد؛ اعطى فرصة كبيرة للناس، وبدا كل واحد يعبر على رايو.. واحدة قالتلهم: عندك الحق خويا... يحسبوا فينا بهايم... وواحدة أخرى قالتلو: احترمنا خويا.... رانا عباد، رانا بشر... لو كان يفيقوا بيك هاذوك تاع حقوق الانسان يديرولك كيما داروا لصدام حسين... .................. واحد ثاني قالهم: والله راهوا صاير لي كيما (عادل إمام) كي برك عليه هذاك الهايشة تاع (الناحي ناحي نوح) ....................... ومن بعد تكلمت واحدة عجوز (صوتها رقيق) تقول راهي تحت الماء: ماشي الغلطة فيه، الغلطة في الدولة تاعنا.. هي اللي راهي مَطَحنتنَا.... ................ في هاذي اللحظة اللي قوا فيها الضغط، والزعيق.. أنا استغلِّيت الفرصة، و (ما فُقتَش مع روحي)؛ ونرفع يدي على ما جاب قدري، ونهبط بيها على ظهر واحد من هاذوك الثلاثة اللي كانوا يتهارشوا قُدَّامي؛ قريب قتلتو وحصلت في الروح تاعو... ....................... أم هاذاك الطفل اللي ضربتوا؛ شافت معايا، هي مع ولدها، وكي ما لقاتش واش تقولي زادت هبطت على كتف ولدها بواحدة كيما تاع (جُون سِينا)؛ وقاتلوا: بخصتوا بيا قدَّام الناس؛ استنَّى تروح ونوريلك... ......................... هاذاك الروسوفور كي سمع الهوشة بدات تكبار؛ ناض للغاشي: اسمعوا؛ ما تكسروليش راسي، راه قريب يترتق.. اللي ما عجبوش الحال؛ يروح يكري طاكسي...!!! ...................... واحد الشايب كان ساكت طول الطريق؛ كي سمع الروسوفور يهدر هذا الكلام ناض ليه: اسمع ! جابلك ربي تصحَّح في وجهك، وتهدر هاذي الهدرة، تحشروا في الناس، وتزيد تقولهم اركبوا في الفُرود.... ما عندكمش حتى اللسان الحلو اللي تكسبوا بيه المشترية تاعكم... ....................... هاذو الكلمات من هذا الشايب خلات كل الناس يسمعوا وهوما خاشعين؛ حتى هاذوك الأولاد الثلاثة اللي مازالت أمهم تحسب فيهم ملايكات !!! ومن بعد كي سكتت الحالة خلاص؛ جاء واحد الشاب باه ينزل، قال لهذا الشوفور وصاحبوا: خويا ننصحكم، تبنوا الدوزيام (الدور الثاني)؛ وتركبوا النَّاس في العَرض خِير... واللي ما كفاهش قبرو يرقد فوقو... .............
|
||||
|
|
2011-07-29, 14:40
|
رقم المشاركة : 3 | ||||
|
اقتباس:
|
||||
|
|
|
2011-07-29, 15:31
|
رقم المشاركة : 4 | |||
|
هههههههههههههه |
|||
|
|
|
2011-07-29, 18:37
|
رقم المشاركة : 7 | |||
|
ربي ينوب عليك ببنت لحلال و يخليلك الكارت جون نتاعك و ينوب عليك بطاكسي شابة باش تتهنا من هاذ المحنة تاع الطرونسبور |
|||
|
|
|
2011-07-30, 17:40
|
رقم المشاركة : 8 | |||
|
شكرا على المرور، وربي يحفظكم.
|
|||
|
|
|
2011-07-31, 03:58
|
رقم المشاركة : 9 | |||
|
هاذي بلادي |
|||
|
|
|
2011-08-01, 14:50
|
رقم المشاركة : 10 | |||
|
هاذي يلادي |
|||
|
|
|
2011-08-01, 15:47
|
رقم المشاركة : 11 | |||
|
hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhh |
|||
|
|
|
2011-08-01, 15:59
|
رقم المشاركة : 12 | |||
|
قتلتنا بالضحك اصديقي |
|||
|
|
|
2011-08-03, 12:04
|
رقم المشاركة : 14 | |||
|
شكرا على المرور |
|||
|
|
|
2012-01-07, 17:44
|
رقم المشاركة : 15 | |||
|
هههههههههههههههههههههه منجمتش من كثرة الضحك نكتب الرد باراك الله فيك هههههه |
|||
|
|
|
| الكلمات الدلالية (Tags) |
| حافلة، الحشر، المدهولين |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
