لمن تحصل على معدل 16 فما فوق في البكالوريا يدخل

[sirina_angel]

المشاركة الأصلية كتبت بواسطة الساعية الى التفوق

السلام عليكم و رحمة الله تعالى و بركاته
و الله غير فكرتوني بالعام اللي فات حتا حنا كنا كيما هكدا و علابيها راني هنا كاشما سحقيتو بصح نفضل اسئلة لو سمحتم
متحصلة على الباكالوريا بمعدل 17.
و جاهزة للمساعدة

حابة نطلب منك طلب و نتمنى ما ترودينيش ....يا ريت كون تحطينا نقاطك في المواد على جال باه نشوفو كيفاه لازم المستوى
و تاني حابة نسقسيك على اللغة الفرنسية اذا لازم يكون عندنا مستوى عاي فيها لانو انا متوسطة فيها
و ثالث شئ انت بديتي تقراي في الصيف كيما يفعل البعض
و رابع شيء كيفاه تعاملتي مع مواد الحفظ
و اسمحيييييييييييييييييييييييييييلنا اذا قلقناك بالاسئلة

[الساعية الى التفوق]

المشاركة الأصلية كتبت بواسطة sirina_angel

حابة نطلب منك طلب و نتمنى ما ترودينيش ....يا ريت كون تحطينا نقاطك في المواد على جال باه نشوفو كيفاه لازم المستوى
و تاني حابة نسقسيك على اللغة الفرنسية اذا لازم يكون عندنا مستوى عاي فيها لانو انا متوسطة فيها
و ثالث شئ انت بديتي تقراي في الصيف كيما يفعل البعض
و رابع شيء كيفاه تعاملتي مع مواد الحفظ
و اسمحيييييييييييييييييييييييييييلنا اذا قلقناك بالاسئلة

اوكي نقولك نقاطي مع انو شويا حساس عندي هاد الموضوع
العلوم 16
الفيزياء 18
الرياضيات 19.5
الانجليزية 16
الفلسفة 17
التاريخ و الجغرافيا 17
العلوم الاسلامية 20
اما الفرنسية اخذت ابخس نقطة في نقاطي للاسف لانو ما قريناش العام فرنسية بلاك 10 حصص على ما اظن
و العلوم صراحة صدمتني النقطة توقعت اكتر بكثير بصح ما عليش الحمد لله و الفيزياء تاني كنت دايرة في بالي كلش عندي صحيح تقريبا يعني ما حسيتهاش نقطتي ابدا بصح هدا هوا مكتوب ربي
هذا الجواب عن اول سؤال
نظن ايضا في السؤال التاني جاوبتك بطريقة غير مبشرة اللي حبيت نقولو مام هادا الشي كانت عندي قاعدة من الاعدادي عليها قبضت روحي على فكرة النقطة نتاع الفرنسية ماشي ضعيفة بزاف و ماشي بعيدة على النقاط الاخرين بصح هيا تاني حسبت نجيب فيها اكثر خاصة و اني شفت التصحيح النموذجي حاولي تحسني قدراتك فيها في هادا الصيف انشالله
بالننسبة لسؤالك الثالث لا ما بديتش نقرا من الصيف بصح كنت نجي للمنتدى كانو يديرو مراجعه للسنة الثانية و كنت نشارك معاهم و كان مفيد على ما اذكر بالنسبة لي و في نفس الوقت مسلي
و كنت نحمل الملفات الخاصة بشعبة العلوم التجريبية و استفدت منها بزاف في العام الدراسي
و بالنسبة لرابع سؤال
اهتميت بيهم اكتر مما تتصوري . لاني كنت ندرس المواد العلمية في القسم و نحل التمارين من بعد كامل وقتي للمواد الادبية بصح في فترة محددة برك . يعني اكبر نسبة للمواد العلمية مين يقرب الاختبار نركز عليهم بزاف بصح نكون ديجا حفظت من قبل يعني مين نكتبو الدرس نحفظه علابيها ما جاتنيش واعرة بزاف . وللاشارة انا كانت عندي ظروف خاصة يعني وقتي كان ذيق بصح نظن انتي انشالله يكون عندك الوقت انا معي اخي معيد السنة و يدرس حر و كان لازم عليا كل ما نقرا درس نفهمهولو مليح و هادا الشي دالي وقت اكتر مما تتصوري خاصة في المدة اللي عطاوهالنا باش نحفظو يعني قريته اكتر مما قريت انا اذا ما كنتش مبالغة
و في الاخير ما كانش حتى مشكل رانا كامل اخوة انا مستعدة نساعدك باي استفسار فلا داعي لطلب السماح و دون خجل
دمتم في رعاية المولى و حفظه

[sirina_angel]

المشاركة الأصلية كتبت بواسطة الساعية الى التفوق

اوكي نقولك نقاطي .......................
بالننسبة لسؤالك الثالث لا ما بديتش نقرا من الصيف بصح كنت نجي للمنتدى كانو يديرو مراجعه للسنة الثانية و كنت نشارك معاهم و كان مفيد على ما اذكر بالنسبة لي و في نفس الوقت مسلي
و كنت نحمل الملفات الخاصة بشعبة العلوم التجريبية و استفدت منها بزاف في العام الدراسي
................كنت نختار الحوليات بعناية و ما نركزش على المعلومات اللي فيها كلش يعني من الكتاب المدرسي و من عند الاستاذ فقط لانو المعلومات كثيرة و حتى لو تمكنتي منها تجاوبي بيها في الباكالوريا كلش يولي خطا خاصة في العلوم................دمتم في رعاية المولى و حفضه

انا بديت دوكا نحمل في ملفات باش مبعد ما نضيعش وقت............ بواش تنصحيني بالمواضيع و التمارين و الا بالدروس و التلاخيص........ انت واش كنتي تحملي
و تاني ياريت تقولينا اسماء الحوليات لي كنتي تستعمليها في مختلف المواد
و علابالي رانا كترنا عليك
جزاااااااااااااااااااااااك الله كل خير

[عليان نبيل]

مبروك على كل الطلبة الحاصلين على شهادة البكالوريا .ولكن نحن المقبلين على بكالوريا 2012 نريد كيفية نصائح حول كيفية التعامل مع الوقت للحصول على نتائج باهرة انشاء الله
نريد نصائح خاصة الناجحين بمعدل يفوق 16 /20 في الشعب العلمية