جمعة مباركة

[difa]

المشاركة الأصلية كتبت بواسطة فاطمة الزهراء31

يقولك سال المجرب وماتسالش طبيب عام لفات حسبت روحي ندي البك مقالة كاملة حطيتها بالاقوال والطريقة حافظتها من الانترنت وزدت من عندي عطاولي7.5 وتكلت على الفلسفة انتي ماتقلقيش روحك كل واحد واش كتبله ربي انشالله كي تدي باك تلقي نقطة مليحة في فلسفة الباك نص قراية ونصو زهر انا عام لفات قريب هبلت لازم ندي باك ماديتوش هدا العام راني نورمال جا جا ماجاش نورمال مش راح نقتل روحي عجالوا قريتلوا ربي ماكتبوش بلاك كاتبلي حاجة خير من الباك لي دا الباك مزاد عليه والوا ولي مداهش ماماتش ديريها في يد ربي

شحال تعجبيني كي تقولي هكدا باين كهرتي او حرقلك قلبك كي ما ديتهش العام لي فات انا ما نكدبش عليك خدمت شويا برك هدا ماكان او ربي يستر بصح تعبتلوا

[منى 92]

شكرااااااااااا ياايمان بارك الله فيكي

[فاطمة الزهراء31]

المشاركة الأصلية كتبت بواسطة difa

شحال تعجبيني كي تقولي هكدا باين كهرتي او حرقلك قلبك كي ما ديتهش العام لي فات انا ما نكدبش عليك خدمت شويا برك هدا ماكان او ربي يستر بصح تعبتلوا

حاجة باينة غايضني الباك تاع العام لفات لاخطرش قريتلوا شوفي كي يخرجوا النتائج تاع الباك رديلي لخبر راح تتخلعي عباد قاع مايدخلوش صحاب زوم هما لوالا بصح نورمال ربي ماكتبليش الباك ومادمني صغيرة قادرة نقرا ندير لعليا وادا ماجاش العام جاي ثاني نعاوده لازم يكون عندنا هدف في هدي الدنيا عندي صحبتي مسكينة5 سنين وهي تعاود في الباك وماكرهتش انشالله تديه هدا العام

[difa]

انا في الادب بالاك 11 ولا 12
تاريخ 10 ولا 11
تربية اسلامية 17.5
انجليزية ندي 4
فرنسية ماعلاباليش كاش 8
رياضيات 4
فلسفة الله اعلم شحال يمدولي واحد يقول 8 واحد 10 او واحد 11

[difa]

المشاركة الأصلية كتبت بواسطة منى 92

شكرااااااااااا ياايمان بارك الله فيكي

و فيك بركة منى كمليها دوك يجي الاستاذ مولود يصححهالك

[difa]

المشاركة الأصلية كتبت بواسطة فاطمة الزهراء31

حاجة باينة غايضني الباك تاع العام لفات لاخطرش قريتلوا شوفي كي يخرجوا النتائج تاع الباك رديلي لخبر راح تتخلعي عباد قاع مايدخلوش صحاب زوم هما لوالا بصح نورمال ربي ماكتبليش الباك ومادمني صغيرة قادرة نقرا ندير لعليا وادا ماجاش العام جاي ثاني نعاوده لازم يكون عندنا هدف في هدي الدنيا عندي صحبتي مسكينة5 سنين وهي تعاود في الباك وماكرهتش انشالله تديه هدا العام

نستعرف بيك ختي ان شاء الله هادي المرة الاخيرة انا راني كيما انت

[فاطمة الزهراء31]

وكان يعولك 10 في الفلسفة تدي الباك انشالله يعطولك10ولا11 تضمني الباك
في تاريخ درتي موضوع الاول ولا ثاني

[منى 92]

شكرا لكي
راكي طامعة تديه الباك ولالا

[difa]

المشاركة الأصلية كتبت بواسطة منى 92

شكرا لكي
راكي طامعة تديه الباك ولالا

انا يا حنونة يعيطولي الشوافة علا جال عندي احساس كبير بصح في روحي ما ني حاسة ايدا نديه ولا لا

[difa]

دوك نشوف زهري كيفاش داير في التاريخ واقيلا الثاني
عرف الحرب الباردة
التعايش السلمي

علا جال قطعت كل شيئ قريب هبلت وليت حاجة درتها نقول ما درتهاش او العكس

[فاطمة الزهراء31]

انا درت الاول طاحت الو.م.أ في التاريخ وفي الجغرافياانشالله تربح علينا برك هههههه

[difa]

انا الاول جاني صعيب بزاف ان شاء الله انتي يخرج عليك

[فاطمة الزهراء31]

انشالله ندو الباك ونفرحوا ونفرحوا والدينا

[difa]

ان شاء الله تدي الباك او يبعتوك للعاصمة ولا في بومرداس او نشوف هاد الحنونة لي راني نحكي معاها

[difa]

ان شاء الله انا نود نصلي العصر حنونة اتهلاي في روحك الى اللقاء