طلب عاجل من أخيتي ميميشة أو أي وحدة تعرف

أمل العرب · 2011-06-30, 18:36

ربي يحفظك أخيتي الغالية ويرزقك الجنة بغير حساب
والله غير قستيني كي فتحت المنتدى ولقيتك رديتي
تعرفي الدمعة فاتتني

ربي يفرحك ويسهلك كل صعب آمين ,,, وخيرك ما ننساهش باذن الله

واذا ماكنتيش حابة تحطيها ظرك ما فيها والو أختي كيما حبيتي ما نكلفكش

mimicha1977 · 2011-07-01, 17:11

اقتباس:

المشاركة الأصلية كتبت بواسطة أمل العرب

ربي يحفظك أخيتي الغالية ويرزقك الجنة بغير حساب
والله غير قستيني كي فتحت المنتدى ولقيتك رديتي
تعرفي الدمعة فاتتني

ربي يفرحك ويسهلك كل صعب آمين ,,, وخيرك ما ننساهش باذن الله

واذا ماكنتيش حابة تحطيها ظرك ما فيها والو أختي كيما حبيتي ما نكلفكش

شكرا لكلامك الطيب و رانا هنا باه نساعد بعض وانا ادا عندي وصفة مش راح نبخل بيها
الله يجعلها لي صدقة جاريه

هي ليك الوصفة مش راح نخليك تستناي حتى رمضان ان شاءالله تنجحي فيها

المقادير

3كيلات سميد خشن الخاص بالقلب اللوز( كيلو)

2كيلات سكر عادي

كيلة كوكاو او لوز محمص و مطحون

3علب ياغورت

4ملاعق زبدة

ماء الزهر

شربات
كيلو سكر

2لتر ماء نصف كاس ماء زهر

الطريقة

فى اناء ضعي سميد+سكر+كوكاو+زبدة + رشة ملح ضفي الياغورت حركي الخليط ثم رشه بالماء الزهر مع التحريك بالملعقة خشب حتى تتحصلي على عجينة مطلوقة قليلا ( يعني ماتكون جافة و ما تكون سائلة )

ادهني صينية و كبي الخليط اغطسي يدك فى ماء الزهر و قرصها (سصحها) لان عجين لين مايهبطش وحده لذلك قرصيها باليد

اغرسي حبات اللوز ادخلها الفرن حتى تتحمر الجوانب و السطح يصبح بني فاتح

انزعها من الفرن اسقيها بالشربات على 2 مراحل

يعني اسقيها مرة الاولى اتركها تشرب 30د ثم زيدي شربيها مرة ثانية اتركيه يرتاح نصف نهار و قطعية مربعات