مقرقشات الوردة
كيلو فرينة
250 غ زبدة دايبة
بيضة واحدة
2 خميرة كيميائيةما زهر للعجن
نحلها بالمشينة تع البقلاوة على الرقم من 2 4 6 و نطبعها دوائر يعني 4 دوائر كل وحدة اصغر من الاخرى و نحطهم فوق بعضو ندير في وسطهم فتحة صغيرة و نضغط عليها مليح باه يلصقو و نقليها و نعسلها
مربعات الشوكولا ما يطيبش
2 باطات قاطو طوم
250 غ زبدة مدوبة و خليت منها ملعقتين
250غ كوكاو مقلي و مرحي *مدشدش*
2 باطات شامية صغيرة
حوالي 2 ملعقة كبيرة عسل
نخلط كل المكونات و نجمعهم بالزبدة و نضيف العسل و نعجن
نحطهم في بلا كاري و ندوب شوكولا بيضاء و نصبها من فوق و نزيد الملمع و نزين حسب الرغبة
تبرد و نقطعها و نعمل ورود بعجينة اللوز افضل هنا كنت على عجلة استعملت هادو
و نحطو في كيسات
هدا قاطو بيمو و نوعت في الشكل ابحثوا عليه في حلوياتي تجدوه
القريوش اظنكم كلكم تعرفوه
المقرود ايضا معرووووف و عملتو بشكلين
الرفيس عبارة عن
كمية من الدقيق نبسوه بالزيت كما الكسرة و الملح و نبلوه بالماء و نعجنوه مليح مليح
من بعد نرش بالماء و نعجن حتى نتحصل على عجينة طرية
نكورها و نخليها ترتاح
نفتح الكرية الاولى بالزيت حتى تصير رقيقة جدااااا
نطيبها في المرى*كاجين حديد* و لكم نخف التقليب باه تطيب صفراء مالازمش حتى تحمار نقلبها و نحط فوق الكرية الاوخرى اللي كنا حليناها بالزيتو هكدا حتى يصيرو عشرة طبقات و بين كل طبقة و طبقة نرش بالزيت حتى تخرج مورقة
نحكهم على السيار الخاص و لي ماتعرفوش نصورهولها
من بعد نفورو مع كمية قليلة من السكر و الزبدة مليح
حتى يصير طري و نحطو في طبق و نحط فوقه العسل و المكسرات و الشامية
اي استفسار انا في الخدمة
( تقرير عن مشاركة سيئة )، و الموجودة أسفل كل مشاركة .
2011-06-20, 20:07
العرض المتطور
