هل تذهب الفتيات للأعراس بغرض الزواج ؟

[1954مريم]

السلام عليكم ورحمة الله تعالى وبركاته
اختي هي طريقة موجودة في كل مناطق الوطن تقريبا وتبقى وجهات نظر واهداف .....
لكن ليس كل من ذهبت بذلك الغرض ...
وتوجد امهات يطلبن من بناتهن الذهاب والتزين والرقص حتى يروها النساء ويخطبهن لكن هذا عادي ان لم يكن مخاف لشرع من لبس فاضح ووو ..
ويبقى الزواج رزق ما يفنع معه والوا لا شاطرة لاقفاز لاهم يحزنو ن
نحكيك قصة وحدة صحبتي كانت رايح تهبل على الزواج وهي عاملة كل يوم تشفيه لوحة زيتية تهتم بكل صغيرة وكبيرة في جمالها ودوما تشبح في عمرها تروح للعراس للخطوبة معروضة ولا مش معروضة المهم اختك دوما في المقدمة ...
وصلت لسن 36 سنة لم تخطب ولم تتزوج احبطت اعتزلت التزيين وقالت خسرت دراهمي باطل ...اعتزلت الاعراس ...لا قريب ولا بعيد ...جاء مرة عرس جارهم ...وهذاك جارهم عنده صاحبوا من ولاية اخرى ممكن احكالوا اعليها المهم هذه صحبتي نهار عرس جارهم قالت ما نروحش اخلاص راه في حالة حداد نفسي .....ومن بعد لعشاء قالت عيب نروح نغسل لمعان وراحت بروبة اتاع الدار قديمة شعرها مربوط بخمار وجهه ما فيه والوا المهم حالة حداد حاولت معها امها قالت لها لا نروح هاك ولا نقعد المهم راحت لالة تغسل في المعان
وام السيد تبحث عليها شفتها قالت لي اصبحت تراقبها صحبتي تقلقت قالت لي قريبة ضربتها ربي ستر من كثرة المراقبة
المهم كملت لماعن وراحت لدار لا سهرة لا شطيح راحت العجوزة لامها وخطبتها الام وافقت على طول الصباح جاءت الام فلانة البارح خطبوك ؟ قالت صحبتي امي مارنيش مهبولة تتمسخري بيا البارح وين شفوني وزيد شفتني عجوز قريب ضلربتها وشكلي كان تقول عجوز فقالت لها مها هذيك خطباتك
بعد اسبوع تمت الخطوبة رسمي شهر تزوجت ولان عندها بنت وتنظر الثاني وهي في حذ ذاتها مش مصدقة طريقة خطبتها ؟

ربي يقدر الخير

اما عن نفسي لا اذهب نادرا