ما يحس بالجمرة غير اللي كواتو................................

[الأخ خالِـــد]

السلام عليكم

لا أحد ينكر حجم المعاناة التي تعيشها المتأخرات عن الزواج ، والعزاب من جهة أخرى

ولكن علينا أن لا ننظر لتلك المخطوبة فقط في سن العشرين ، لماذا لا ننظر لتلك المطلقة

وربما بأولادها ، إسأليها وستجيبك عن ما تعيشه من معاناة ؟

لماذا لا ننظر لمن أبتليت بزوج طالح ، يعيش بالمعاصي ، لا هو عاشرها بالمعروف ، ولا هو

سرحها بإحسان ، إسأليها وستجيبك عن ما تعيشه من معاناة ؟

لماذا لا ننظر لمن أبتلي بأولاد مرضى (عافانا الله وإياكم) إسأليها وستجيبك عن ما تعيشه من معاناة ؟

عندها نتيقن أن الله مامنعنا إلا ليعطينا ، وما كتب لنا إلا ما فيه خير لنا ، وإن كان ظاهره

عكس ذلك ، فلنعد إلى الله ونسأله الخير وهو العليم الخبير بما يصلح لنا.

[نسائم الهدى]

المشاركة الأصلية كتبت بواسطة طالب عفاف

أخت كريمة ربي يرزقك باش تتمناي ويعوضك خيرا عما فاتك

ومزال الخير ان شاء الله تعالى

وكل شيئ بالمكتوب

انا عمتي مسكينة ما خصها والوا عاملة ولا باس عليها

وهكذاك تزوجت وعمرها 40 سنة

بعدما خطبت مرات عديدة لكنها فشلت

والحمد لله راهي متزوجة الان وولادها وراهي كارهة منهم

حبيت نقول باللي هذا الزمن صعيب اللي ما يحبش يتزوج تلقايه لاباس عليه كافي مكفي

يتحجج بالمشاكل وكثرة النفقة يقولك نتزوج باش يروح دراهمي في ليكوش نتاع الذراري

والي يحب يدير عايلة يستر روحو فيها تصعاب عليه

على كل حال كل شيئ بتقدير الله وما علينا الا الصبر والاحتساب والرضى

وإن شاء الله تعالى ربي يرزقك زوج صالح متدين لا بأس عليه يكون كفؤا لك

يسترك في الدنيا والاخرة أنت والأخت تفاحة خطاش غضتوني بزاف

كيما زوج جاراتنا مساكن يتيمات ربي مازال ما كتبلهمش الزواج

دايما ندعيلهم ربي يزوجهم ويسترهم ويفرحهم

أما الان عليك أختي بالدعاء والصلاة والصدقة

تقبلي احترام أخيك الصغير

شكرا لك أخي الصغير وتشرفني أخوّتك
وشكرا لشعورك النبيل ولتعاطفك سواءا معي أو مع أختي تفاحة
حفظكم الله ورعاكم ورزقكم على حسب نيتكم
والسلاااااااااااااااااااام عليكم
فلقد دخل وقت الصلاة

[abdel02]

كلمة مسكينة ما نبغيهاش...شوف كلمة اخرى في بلاصتها يا طالب العفاف...انا تاني مسكين امالا

[نسائم الهدى]

المشاركة الأصلية كتبت بواسطة نائب عضو

السلام عليكم

لا أحد ينكر حجم المعاناة التي تعيشها المتأخرات عن الزواج ، والعزاب من جهة أخرى

ولكن علينا أن لا ننظر لتلك المخطوبة فقط في سن العشرين ، لماذا لا ننظر لتلك المطلقة

وربما بأولادها ، إسأليها وستجيبك عن ما تعيشه من معاناة ؟

لماذا لا ننظر لمن أبتليت بزوج طالح ، يعيش بالمعاصي ، لا هو عاشرها بالمعروف ، ولا هو

سرحها بإحسان ، إسأليها وستجيبك عن ما تعيشه من معاناة ؟

لماذا لا ننظر لمن أبتلي بأولاد مرضى (عافانا الله وإياكم) إسأليها وستجيبك عن ما تعيشه من معاناة ؟

عندها نتيقن أن الله مامنعنا إلا ليعطينا ، وما كتب لنا إلا ما فيه خير لنا ، وإن كان ظاهره

عكس ذلك ، فلنعد إلى الله ونسأله الخير وهو العليم الخبير بما يصلح لنا.

معك حق حق أخي فالمرء في بعض الأحيان يجهل ويشوف اللي خير منوا وما يشوفش اللي قل منوا
أستغفر الله العظيم و حسبي الله ونعم الوكيل
شكرا لك مع كل احترامي
حفظكم الله ورعاكم ورزقكم على حسب نيتكم
والسلاااااااااااااااااااااام عليكم

[نسائم الهدى]

المشاركة الأصلية كتبت بواسطة abdel02

كلمة مسكينة ما نبغيهاش...شوف كلمة اخرى في بلاصتها يا طالب العفاف...انا تاني مسكين امالا

وعلاش خويا عادل انت تاني حتى وحدة ما جات خطباتك معليهش خويا يجيب ربي ساعة الخير ههه هههه هههه
قالك هم يضحك وهم يبكي
وكيما تقول خالتي اضحك يا فمي على همي
خويا عادل انت راجل يعني باش توصل للعنوسة مازالك 21 سنة أوكي.
ملاحظة:ما تزعفش عليا خويا عادل راني غير نحاول نلطف الأجواء
حفظكم الله ورعاكم ورزقكم على حسب نيتكم
والسلاااااااااااااااااااااااااااام عليكم

[عُضو مُحترم]

حبيت نقول كلمة في موضوع الدعاء برك

الامر بسيط و بعض الناس يعقّدو فيه

شكيل يعني

عندك حاجة مع ربي سبحانه و تعالى

ادعيه ببساطة

و ليس شرط تدعيه باللغة الفصحى

اذا تعرف و تحفظ هذا أفضل

اذا ما تحفضش ادعية باللغة الفصحى


ادعي ربي بالدارجة

يفهمك ما تخافش

يفهمك و دعائك مقبول

تحتاج دراهم

قول : ياربي اغنيني انت الغني و أنا الفقير

حاب تتزوج

قول : ياربي زوجني و استرني

حاب يكون عندك رزق

قول : ياربي ارزقني انت هو الرزاق

راك مريض

قول : يا ربي شافيني و عافيني



ببساطة و بدون أي تكلّف مع الله

غريب أمر بعض الناس

تتكلّف و تتصنّع مع ربي؟؟؟؟

[صاحبة السمو الفكري]

لذلك قال له النبي :" ونحن ندندن حولها"

[abdel02]

المشاركة الأصلية كتبت بواسطة كريمة 82

وعلاش خويا عادل انت تاني حتى وحدة ما جات خطباتك معليهش خويا يجيب ربي ساعة الخير ههه هههه هههه
قالك هم يضحك وهم يبكي
وكيما تقول خالتي اضحك يا فمي على همي
خويا عادل انت راجل يعني باش توصل للعنوسة مازالك 21 سنة أوكي.
ملاحظة:ما تزعفش عليا خويا عادل راني غير نحاول نلطف الأجواء
حفظكم الله ورعاكم ورزقكم على حسب نيتكم
والسلاااااااااااااااااااااااااااام عليكم

لالا ماشي 21....30....راني كبرت بيفيه

[نورسين.داية]

المشاركة الأصلية كتبت بواسطة abdel02

لالا ماشي 21....30....راني كبرت بيفيه

مبارك عليك العنوسة إدن أهلا بك في عالم العنوسة

[abdel02]

المشاركة الأصلية كتبت بواسطة أسماء 05

مبارك عليك العنوسة إدن أهلا بك في عالم العنوسة

الله يسلمك اختي اسماء...والله غير رحبتي بيا في عالم العنوسة تقول جيتك ضيف يا محاينك...انا مازالني صغير....باغي نعيش حياتي...هههههههههه

[نورسين.داية]

المشاركة الأصلية كتبت بواسطة abdel02

الله يسلمك اختي اسماء...والله غير رحبتي بيا في عالم العنوسة تقول جيتك ضيف يا محاينك...انا مازالني صغير....باغي نعيش حياتي...هههههههههه

و الله صدقني العنوسة عبارة إستعملها الفكر الجاهل و اراد أن يرسخها في عقولنا بالقوة لكن قوة إيماننا تدفعنا الى القول كل شيئ بالمكتوب و انا مؤمنة بهده الحقيقة و حتى لو كتب لي المولى أن أموت دون زواج عادي جدا لم يقدر لي المولى و إنتهى المهم أن تكون للإنسان حسن خاتمة على الطاعة و الرضى و لي جابو ربي خير

[نبيل البسكري]

بارك الله فيك وجزاك كل خير ورزقك الفردوس الأعلى

[gali]

حتى نحن الرجال دخلنا من باب العنوسة

كانوا يطمعوا فينا بان الرجل كي يحب يتزوج ساهل عليه الحال
بالصح ما كانش منها غير إذا كان يحوس من والا يعني لا يختار

وانا راني نعاني في ارضاء واحدة منهم

[نسائم الهدى]

يا سيد غالي يعني راك حاب تفهمني بلي حضرتك تخدم أستاذ(كما هو مكتوب في ملفك الشخصي)وما صبت حتى وحدة تتزوج بيك؟؟؟
على حساب الشوفة راك عايش في بلاد اخرى ماشي في الجزائر.
حفظكم الله ورعاكم ورزقكم على حسب نيتكم
والسلااااااااااااااااااااااااااااااام عليكم

[**د لا ل**]

الله يستركم ويستركن جميعااااااااااااااااا