شكرا على الفسحة التي منحتها لنا لكي نبحر في سجل الماضي .ويا ريت الماضي يعود يوما .
كنا صغار وكانت الاحلام كبييرة اكبر منا بكثير .
كان عمري 8 سنوات ورحت في العطلة الصيفية لبيت عمي وفي هذا العمر كان باب الاحلام مفتوح وكنت نتمنى في هذا الوقت انو نكون طبيبة . وانا نلعب انا وبنت عمي قالتلي عيني راها ضر فيا . قلت لها انا قربيلي نشوفك حبيت نفحصها وقلت في نفسي الفرصة جات باه نبرز مواهبي . دخلت انا وهي للمطبخ وقلتلها درك نداويك . بديت نفتش منا ونقلب ملهيه . قلتلها راني نحوسلك على الدواء. وانا نحوس لقيت قارورة وفيها الفلفل الاسود قربت بنت عمي المسكينة ليا وفتحتلها عينيها وعمرتهم فلفل و ان كلي فرح وسرور . انا ندير في جريمة وانا حاسبة روحي نقوم بعمل إنساني. البنت مسكينة رجعت تطلع وتهبط من الحرقة لي كانت في عينها وانا نقلها راح تبرايي نشاء الله المسكينة نهار كامل وهي تبكي وعينها رجعو حمرين كيما الجمر .
هذه الواقعة رغم انو فات عليها زمان الطويل الا اني نتفكرها كيما اليوم. وكل ما نتفكرها نموت بضحك على روحي
ربي ستر وما كملتش في الحلم نتاع الطب ودرست قانون .
والحاجة الجميلة ي الصغر هي البراءة حتى المشاكسة كانت بنية صافية .
هذي قصة من قصص الماضي ومرة اخرى نحكلكم قصة اخرى
( تقرير عن مشاركة سيئة )، و الموجودة أسفل كل مشاركة .
2011-05-07, 21:38
العرض المتطور
