هل تجرؤ ان تفتح قلبك لنراه من الداخل ؟

[ليلى الجزائرية1]

المشاركة الأصلية كتبت بواسطة thorpe

يا اخي الحبيب راك جيت للمكان الغير مناسب وتريد من الملائكة الافصاح عما في داخلها هههه اكيد سوف يخبرك الكل انهم محبين وحنونين
هههه يا راجل ما تامنش كلش هاني نوصيك
اما عني انا وما هو بداخل قلبي الكبير ضرك نقولك
قلبي فيه كبة والله من المنتدى والحقرة
قلبي حنين بزاف بصح اذا غلط فيا واحد طفرت فيه اذا خرج ما يرجعش قاعد كيما الكلابي نتاع لابلومبري يدخل الماء وما يخرجوش
قلبي لونو احمر وفيه الدم سخون بزاااااااااااااف
قلبي يحب الي يحبو ويكره الي يكرهو ما نكذب عليك ما نلعبهالك رسول انا الي يحبني ويعاملني معاملة حسنة نحبو ونتهلا فيه ونحطو في قلبي وبين عينيا بصح الي يلعبها موح اللومبا ويحاول استفزازي نتعامل معاه بدون قلب ولا مشاعر
امممممممممم
هذا هو خلب خيك نتمنى يكون عجبك ههه
اتهلا في روحك خويا لعزيز

شكرا خويا حسين على صراحتك اللي عودتينا عليها.............................

[thorpe]

المشاركة الأصلية كتبت بواسطة نجمة ساطعة

أحسن حاجة في الرد ....

ههههوالله شفتها بصح تفنينت باش نصححها كي العادة وقلت راكم موالفين بالغلطات نتاعي
ههه خلب = قلب لمن لم يفهم ههههه

المشاركة الأصلية كتبت بواسطة ليلى الجزائرية1

شكرا خويا حسين على صراحتك اللي عودتينا عليها.............................

لا شكر على واجب اختي ليلى مليح الستيل ديراكت
كما نقولها هنا عندنا
خارجها صحا صحا ( طاي طاي ) ههه زنقة زنقة
سلااااااااااام كي لا نفسد موضوع الاخ بالدردشة

[امين صالح]

ههههههههههه

شكرا اخواتي الي نبهتوني كي قريت خلب حسبت بلي ناس قسنطينة يقولو للقلب خلب ، قلت في نفسي اختلاف اللهجات لا غير

[امين صالح]