على طريقتي الخاصة السهلة و الاقتصادية عجينة الشو les éclaires بالخطوات المصورة

[غزالة الصّحراء]

المشاركة الأصلية كتبت بواسطة remadna

بسم الله الرحمن الرحيم

السلام عليكم و رحمة الله

كيف الحال أخواتي . اليوم عندي لكم وصفتي الخاصة الاقتصادية و السهلة طبعا لعجينة الشو . عملتها منذ قليل. لذيييييذة و عجبت كل العائلة. صراحة هذه ثاني تجربة لي منذ 3 سنوات . غيرت في الوصفة و استبدلت الزبدة بالزيت (طبعا علبالي بلي عمركم ما شفتو عجنية الشو بالزيت ) . راهي سهلة و خفيفة جربو و ما تندموش . و زيد خير من المشرية
المكونات
العجينة: 1 كاس ماء ، 1 كاس فرينة، 1/2 كاس زيت ، 2 م ك سكر أحرش، رشة ملح، 3 بيضات.
الكريمة : كريم باتسيير في هذا الرابط https://www.djelfa.info/vb/showthread.php?t=402734 فقط اعملي نصف لتر و احذفي الكاكاو و استبدليه بعطر الموز أو اي عطر من اختيارك، 2 م ك غبرة الشانتي تضاف في الأخير

التحضير
بسم الله توكلت على الله
في اناء ضعي الماء+ زيت + فرينة+ ملح + سكر. تخلط جيدا حتى تصبح ملساء


توضع على النار متوسطة و تحرك جيدا بتواصل حتى تصبح عجينة و تنزع وحدها من حواشي الإناء.


انزعي من النار و واضيفي حبة بيض و حركي بالملعقة جيدا 4 دقائق حتى تتداخل في العجينة، ثم البيضة الأخرى و حركي جيدا 4 دقائق أخرى حتى تتداخل في العجينة ، ثم البيضة الأخيرة و حركي جيدا حتى تتداخل و تصبح عندك عجينة طرية قليلا و ليست صلبة هكذا

في كيس حليب أو بملعقة شكلي لزيكلار أو دوائر شو صغيرة هكذا في بلاطو مدهون بالزيت


تطهى في الفرن على نار متوسطة (5/10) مدة 20 دقيقة حتى تحمر و اتركيها تبرد نصف ساعة

تحضير الكريمة: في نفس الاناء الذي طهيتي فيه العجينة شلليه بالماء فقط ثم أخلطي في الكريمة (لتفادي كثرة الأواني). بعدما تطهى الكريمة غطيها بغلاف بلاستيكي و اتركيها تبرد في الثلاجة.


ثم أضيفي غبرة الشانتي

و خلطي بالخلاط و تصبح هكذا


افتحي حبات لزيكلار بموس منشار . لااحظي كيف راهي فارغة و مثقبة من الوسط . الدليل على انها صالحة




ضعي الكريمة بملعقة فقط حسب الرغبة



و في الأخير تزين بالشكلاطة


هذه لكن اخواتي بصحتكم تمتعن بالذوق


تذكروني في الدعاء

مشكورة على الوصفة. وصفاتك الرّائعة راني دايمن أنتبّعهم . معنديش برك بزّاف أنتاع الوقت باش أنجرّبهم.

لكن للأسف ياأختييremadnaجرّبتها بصّح مانجحتليش. .
شوفي واشن درت. تبّعت طريقة خلط المكونّات كانت ناجحة . ثمّ أضفت البيض كما ذكرتي . لكن الخليط كان بزّاف سائل ( جاري ) مايحكمش روحه. وضعته مرّة أخرى على النار حتى تلّمت العجينة . بصّح أخرج منها الزّيت بزّاف. . المهم العجينة كانت فاشلة التّطبيق. من فضلك أريد توضيح أكثر. أنا قست الفرينة بالكاس كيما قلتي . وأضفت البيض كيما قلتي . وينراه سبب الفشل .. أرجوكي وضحيلي أكثر. ونتمنّى تنجح لي مرّة أخرى لمّا أنعاودها.
شكرا لك ، وفي انتظار ردّك تحياتي .

[remadna]

المشاركة الأصلية كتبت بواسطة غزالة الصّحراء

مشكورة على الوصفة. وصفاتك الرّائعة راني دايمن أنتبّعهم . معنديش برك بزّاف أنتاع الوقت باش أنجرّبهم.

لكن للأسف ياأختييremadnaجرّبتها بصّح مانجحتليش. .
شوفي واشن درت. تبّعت طريقة خلط المكونّات كانت ناجحة . ثمّ أضفت البيض كما ذكرتي . لكن الخليط كان بزّاف سائل ( جاري ) مايحكمش روحه. وضعته مرّة أخرى على النار حتى تلّمت العجينة . بصّح أخرج منها الزّيت بزّاف. . المهم العجينة كانت فاشلة التّطبيق. من فضلك أريد توضيح أكثر. أنا قست الفرينة بالكاس كيما قلتي . وأضفت البيض كيما قلتي . وينراه سبب الفشل .. أرجوكي وضحيلي أكثر. ونتمنّى تنجح لي مرّة أخرى لمّا أنعاودها.
شكرا لك ، وفي انتظار ردّك تحياتي .

السلام عليكم و رحمة الله
اولا
لقد كنت غائبة لمدة يومين و عندما دخلت و وجدت سؤالك لم أستطع الرد سريعا لغياب اللغة العربية عندي (بدلت الجهاز) لذا انا اسفة جدا على الانتظار
ثانيا
بالنسبة للعجينة انا استعملت كاس اينوكس وزنه 200غ فرينة ، و الفرينة المستعملة عادية و ليست ممتازة و الكيل الذي اعطيته من عندي شخصيا (اغلب الوصفات يحددون البيض من 3 الى 4)ربما كانت فرينتك من النوع الممتاز احتاجت الى 2 بيض فقط و عنذما اضفت الثالثة اصبحت جارية.او ربما كان البيض المستعمل كبير جدا(انا استعملت المتوسط). لو جربت طبخت حبة و شفتي لربما كانت تصلح فقط الشكل يكون مفروش و هابط ( اتمنى تكوني مارميتيش العجينة لانني لا احب التبذير و احب الاقتصاد في الغنى و الفقر).
نصيحة:المرة المقبلة اذا غلبتك العجينة و جاتك جارية اتركيها بجهة و اعيدي عجينة أخرى نفس الكمية او نصفها و انقصي البيض لكي تجيك قاسية ثم اخلطيها مع الاولى الجارية و المهم ان تكون النتجية النهائية مثل عجينتي في الصورة لا جارية و لا قاسية. اذا اضفت البيض لا ترجع ابدا الى النار لانها تفقد فاعليتهاو خصائها.
لو كنت مكانك لبدلت الوصفة الى قاطو آخر و او اطهيها كما هي و تصبح نوع آخر من القاطو.
ما فيها والو اذا لم يصلح لك قاطو من المرة الاولى انا كاين وصفات صلحو لي من المرة الاولى و كاين من المرة الثانية الى السابعة
المرة المقبلة اذا فسد لك اي نوع اخر من قاطو حتى ليست وصفتي راني هنا اعطيك افكار للقاطو الغير الصالح ( ماعنديش خبرة في الحلويات لكن الحمد لله خبرتي كبيرة مع الوصفات الخاطئة و الغير الصالحة و حتى المحروقة كالفحم)