صفحة كل يوم تائب

[مصريه جدا]

انا لما كنت صغيره زى معظم الناس مكنتش ملتزمه اوى فى الصلاه
يعنى اصلى يوم ويوم لا
وكدا لكن فى يوم كانت تيته الله يرحمها كانت مريضه جداجداجدا

وانا كنت عندها على طول لانها كانت احب الناس الى قلبى الله يرحمها يارب
المهم وهيا فى عز مرضها لاقتها بتنادى عليا وصوتها ضعيف جدا
عشان اجبلها مايه تتوضا وهيا فى السرير نايمه ومش قادره تتحرك والدكتور قال بلاش تتحرك كثير وكدا
المهم فعلا جبتلها المايه واتوضت وصلت كنت مستغربه اوى
وقلت فى بالى بالرغم من تعبها وعدم قدرتها على الحركه الا انها قاومت المرض عشان تصلى لله
وانا سليمه ولساتى صغيره ومش تعبانه ويوم اصلى وعشره لالا
ومن يومها كنت زعلانه من نفسى اوى اوى
وقررت انى مسبشى ولا فرض والحمدلله رب العالمين

من يومها مش بسيب ولافرض