حلوياتي للعيد ار

[ياسمين177]

المشاركة الأصلية كتبت بواسطة ليلى الجزائرية1

شكرا أختي ياسمسن راني نستنى.ويا ريت لو تعطيني وصفة نتاع أساور بالقلاساج

اساور بالطلية او كعيكعات بالطلية
عجينة:4 كيلات فرينة +1 كيلة سمن ذائب وحكي مليح بين يديك + 2 مغارف ماء زهر وماء حتى تتجمع العجينة خليها ترتاح 15 دقيقة
حشوة: 250غ لوز مرحي + 125غ سكر عادي + ملعقة صغيرة فاني + 4 ملاعق ماء زهر حتى يصبح حشو متماسك
حلي العجينة بسمك رقيق قطعي مستطيلات طولها 15 سم ضعي حربوش من الحشوة ولوي العجينة 3 مرات ثم شكلي الاساور او الكعيكعات وغلقيهم ببياض البيض ودخليهم يطيبو في فرن 150 درجة خليهم يبردو
حضري قلاساج:2 بياض بيض + فاني + 4 مغارف عصير ليمون خلطي وزيدي سكر قلاسي حتى تصبح طلية مطيحش جربي حبة اذا سال زيدي سكر قلاسي
حضري عجينة اللوز وطبعي بطابع المارغريت الكبير تكون لونتي عجينة اللوز بالاصفر انا نخدمها فدار باللوز تقدري ديري عجينة الاصطناعية وتلونيها بالاصفر اذا درتي عجينة اللوز تاع اللوز حليها بالسكر قلاسي اما اذا درتي الاصطناعية حليها بالمايزينة ديري القلاساج للحلوة خليها قليلا يشد مبعد حطي فوقه وردة المرغريت وفي الوسط حلي الكاكاو بشوي ماء وزوقي غي بصبعك في وسط الوردة نتمنى تكون فهميتي
وهذا شكل الطابع مرغريت