إحذروا إخواني وائل غنيم ماسوني

[H_SRM]

اتفضلوا رد يغلق كل الافواه!!!!!!!!!!!!!!!!

رداً على حقيقة وائل غنيم(عميل وماسونى)

انتشرت على الفيس بوك صورة لوائل غنيم يرتدي تيشيرت عليه لوجو يشبه لوجو لمعبد ماسوني يهودي في كندا

وبعدها بيوم انتشرت صوره له وهو يرتدى ( الحظاظه) نفس النوع الذى يرتديها غيبس المتحدث الرسمى للبيت الابيض

وللاسف هناك من يريد إفساد الفرحة والوطنية يريدون ان ينتزعوها من المصريين

ومن المؤسف ايضا هناك من يسمعون لهم بل ويصدقوهم (دون تفكير )

ولكنى أرجوا منكم اعزائى ان نستخدم نعمه العقل ( نعمه عظيمه محدش مقدرها)

ــــــــــــ

اولا موضوع التيشيرت والوجوه



واليكم بعض الحقائق الذى غفل عنها معظمنا

1- اللوجو مش هو هو بالظبط

اللوجو اللي على التيشيرت رجلين الأسد الاتنين تحت أما لوجو المعبد فإحدي الأرجل مرفوعة عن الأخري بدرجة أكبر

و ملحوظة عن لوجو التيشيرت ..

2- عادي جداا لوجو أسد عادي ممكن يكون بالصدفة نفس لوجو المعبد الماسوني

ولكن هذا هو اللوجوه الاصلى للماسونيه



3- إذا كان فعلا وائل غنيم ينضم إلى الماسونيين .. طيب ايه اللي يخليه يلبس التيشيرت دي بالذاات عند لقائه

في التليفزيوون

يعني مش معقول …!! أعتقد ان الذكاء مش للدرجة دي .. ولا ايه ؟؟!!

4- ممكن يكون اللوجو دة .. لوجو ماركة ملابس

وهذا هو الدليل : فالتيشيرت من ماركه جيوردانو

https://www.giordano-me.com/polo.aspx

ـــــــــــــ

ثانيا قصه ( الحظاظه )



فقد ركز البعض من مروجى الاشاعات

اشاعه سخيفه بارتباط وائل غنيم بمنظمه امريكيه

ودليلهم هو انه يرتدى نفس الحظاظه التى يرتديها غيبس المتحدث الرسمى للبيت الابيض



واليكم الحقيقه :

ففي عام 1994 تم عمل مؤتمر لدعم مرضي السرطان وتم عمل هذه الحظاظات كنوع من التبرع وكان لونها اصفر ومنذ هذا التاريخ صارت كل مجموعة تدعم نشاط اجتماعي معين لها لون خاص فمثلا الاخضر لداعمي البيئة الأزرق لداعمي مرضي سرطان الدم والبنفسجي لداعمي مرضي التوحد(التخلف العقلي)والاسود لمكافحة العنصرية حتي الشواذ لهم حظاظة بالوان قوس قزح وهكذا وهكذا وثمن هذه الحظاظة كان ربع دولار وهي مصنوعة من المطاط ومنتشرة جدا علي مستوي العالم .

وأخيرا الكليب الذى يظهر فيها وهو يرقص مع اصحابه احتفالا وابتهاجا برحيل الطاغيه


السؤال هنا اليس وائل غنيم مصريا ..؟؟ اليس من حقه ان يحتفل برحيل النظام كثائر شعب مصر ..؟؟

للاسف هناك بعض السذج الذين يحملون فوق عاتقهم مسؤليه تشويه الثوره وكل من له علاقه بها

وبصراحة الموضوع ده الكلام فيه بقى كتير جدا وبقى بايخ بصورة مستفزة

وده اللى خلانى ارد :

أولا فكرة انه خاين او عميل فده حوار مستهلك جدا و كل اللي قاعدين يدوروا على التي شيرت بتاعه و الحظاظة و جوجل و غيره فده كلام ناس فاضية و مش معقول يعني الناس العبقرية اللي بتكتشف الاكتشافات الفظيعة دي ان عبقريتها و قدرتها على الملاحظة تخطت جهاز المخابرات و الجيش و كل الناس و كفاية كل واحد يحاول يعمل فيها المفتش كرومبو و يبص لقدام بقى و البلد اللي محتاجة كل فرد فيها
ثانيا احنا مش في محل حكم على حد و الراجل ما ادعاش انه ملاك و كفاية نركز عليه هو مجرد شاب عادي من شعب كامل بيحب مصر كان ليه دور كبير لا يمكن نغفله اه من خلال صفحة على الفيس بوك لكنه مش اكتر حد ضحى من اجل الثورة و لا اكتر واحد تعب فيها و لا قائد الثورة لأن الثورة كانت من غير قيادة هو فضله بعد الله عز وجل طبعا يرجع انه صحى ناس كتير من خلال صفحته على الفيس بوك و كان اول من دعى ليوم 25 و كمان مش اول من دعا للثورة هو شاب بيحب مصر بجد فيه زيه ناس كتير فياريت مانحملش الناس اكتر من طاقتها
و ما نبخسش حق الراجل و نسيبه في حاله و نركز في دورنا بقى
كل واحد يبص لنفسه و يغير منها و يتقي ربنا في دوره و يدور على مصلحة الامة لأن هو اللي باقي مش فقط المصلحة الخاصة و نركز مع نفسنا شوية علشان ما نكونش
أتأمرون الناس بالبر و تنسون انفسكم


ملحوظه : انا لا أعرف وائل غنيم ولا يهمنى ان تظهر برائته من عدمها

كل ما يهمنى ان الثوره لا تشوه من قبل بعض الجهلاء المنساقين وراء الاشاعات دون تكلفه انفسهم التحقيق من صحتها

وعملا بقول الله تعالى "{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6