فضفض ......أكيد سنسمعك

[روح القلم]

المشاركة الأصلية كتبت بواسطة مصريه جدا

وعليكم السلام ورحمة الله وبركاته
انا بصراحه فى الوقت ده محتاجه افضفض بجد
الفتره الى فاتت مرينا بظروف صعبه جداجدا كل مصرى بلااستثناء مر بالظروف دى

بصراحه انا اول الناس الى خرجت فى المدينه الى انا ساكنه فيها لكن بعد خطاب الرئيس الخطاب الاول
قررت انى ارجع لانى اقتنعت اننا حققنا كثير من مطالبنا الى كنا بنحلم بيها
وبعد الخطاب انقسم المصريين لقمسين قسم مؤيد وقسم معارض
انا من القسم المؤيد

القسم المعارض لما اصر على ان مبارك يمشى بصراحه كنت من جوايه رافضه تماما انه يخرج بالشكل المهين ده
خصوصا ان مبارك قدم كثير لمصر حتى لو ظلمها
وع اصرارهم انه يمشى وفعلا تخلى عن الرئاسه بس وهما بيعلنوا خبر تخليه حاسيت انى قلبى اتسحب منى
وانجرفت فى بكائ شديد لانى مكنتش تمنى يخرج باشكل ده ابدا
وصدقنى اخى الكريم محستش بفرحه زى الفرحه الى حاسيت بيها فى خطاب الاول
مبقتش عارفه امال انا خرجت ليه فى المظاهرات دى ياترى انا خرجت وانا جوايه احساس ان مفيش شئ هيتحقق كالعاده
حاسيت بالذنب تماما لما مبارك خرج بالشكل ده
ولحد دلواتى حاسه بحزن شديد عليه بالرغم ان بحب بلدى جداجداجدا
بس كمان بحب مبارك الانسان الى فتحنا عيونا لاقناه رئيس
انا مش خاينه بالعكس انا قبل كدا انطردت من الكليه وانا بناقش مشروع التخرج
لان دكتور الى كان بيناقشلى المشروع كان عايش فى فرنسا وقال كم كلمه على مصر مش عجبونى وانا بنقاش المشروع
فرديت عليه بكل عصبيه
وقلتله ان مصر هيا صاحبة الفضل عليك لان لولا مصر مكنتش هتبقى دكتوراه من فرنسا
فطردنى بس كل لما حد يعرف انى بحب مبارك يقول انى مواليه وكمان يقلولى انى هاخد ذنب انه ظلم


بس مش بايدى والله انا بحبه ومقدرشى اكرهه حتى لو ظلمنا لكنه بشر قبل كل شئ
والله احترت حاسيت انى بقيت تايهه

اختي المصرية باذن الله ربينا حيشيل عنكم كل التعب و الإرهاق و حينزل عليكم الهدوء و الأمن و سكينة عن قريب انتم بس عليكم بالصبر و إن الله مع الصابرين
تقديري