بعدما كل ما جرى هذه الأيام ، ألم تعد إستقالة الرئيــــس ضرورية؟؟؟؟؟

[الأمل الحقيقي]

بصراحة وودت لو رددت على جميع المواضيع ولكن سيكون ذلك في القريب
العاجل إن شاء الله.

لكن ما لاحظته لنظرة خاطفة للردود للأسف طلبة جامعييون وخريجي جامعات وفي فروع عديدة يتكلمون بالجهوية ويقولون

الرئيس أنجز وأنجز ماذا أنجز ؟؟؟أنجز جمهورية كبيرة تحكمها النساء وتحولت البلاد بسببه لبيت دعارة كبير .

والله عار وعظيم .

ولكن هذه هي الجامعة الجزائرية لا تخرج من يحلل الأحداث بطريقة بعيدة عن الأهواء والجهوية المقيتة.

[ل..ب..ن..ى]

المشاركة الأصلية كتبت بواسطة الأمل الحقيقي

بصراحة وودت لو رددت على جميع المواضيع ولكن سيكون ذلك في القريب
العاجل إن شاء الله.

لكن ما لاحظته لنظرة خاطفة للردود للأسف طلبة جامعييون وخريجي جامعات وفي فروع عديدة يتكلمون بالجهوية ويقولون

الرئيس أنجز وأنجز ماذا أنجز ؟؟؟أنجز جمهورية كبيرة تحكمها النساء وتحولت البلاد بسببه لبيت دعارة كبير .

والله عار وعظيم .

ولكن هذه هي الجامعة الجزائرية لا تخرج من يحلل الأحداث بطريقة بعيدة عن الأهواء والجهوية المقيتة.

السلام عليكم

كوني من الطلبة الجامعيين سأرد بقالب خفيف
مانيش سياسية باش ندخل في التفاصيل
ومانيش اقتصادية باش نعطيك ارقام بالتدقيق

المهم ما أعرفه هو:
منين جاء السيد عبد العزيز بوتفليقة وجلس على كرسي الرئاسة
غيّر بزاااااااااف صوالح
منها:

شكون بكري كان يخرج من دارو بعد المغرب؟؟؟؟
وانا اتكلم على سنوات مرّت على الجزائر في التسعينات !!
كان الطالب الجامعي منين يجي خارج من دارهم
يودّع والديه
خايف ادا مايرجعش للدار !!!
علاه؟؟؟ بــــــاين علاه بلاماندخل في التفاصيل السوداء

منين جا الرئيس بوتفليقة في ال 1999
واش لقى؟؟؟
40 مليار ديون !!!
و احتياطي الصرف لا يتعدى 15 يوما استيراد

وضركا واش رانا؟؟؟؟
ماعندناش دينار تاع ديون!!!
والحمد لله


المهم مانيش خبيرة في المجال
نعرف نحكي بمنطق ومانظلمش انسان احسن اليّ

لست أبدا مع تربّع السيد عبد العزيز بوتفليقة على الحكم
ولو ترشّح الى عهدة اخرى ماراحش نفوطي عليه
ربما مانفوطيش كامل ومانفوطيش عليه

بصّح لا انكــــــــــــــــــر مافعله للجزائر
ونفول بلّي لم ينتج غير السراب والدمار

ممكن نعالجو اوضاعنا بطرق أخرى
لا بِ: لوم انسان ونقولو عليه مادار والو للبلاد!!!
alors que دار بزاف حوايج

ملاحظة: عندك كره شديد للجامعيين والجامعيات!!
لا أدري ماهو السبب
بصح حبيت نقولك أخي :
الجامعة راه فيها ناس فاسدين وناس فاهمين
كيما أي بلاصة أخرى
ولكنّك لا تكف أبدا عن التعميم !!!

هاداك الشي شغلك
بالاك كاش ما صرالك مع الجامعة
المهم حبيت نقول بلي الجامعة فيها عقلاء وواعيين


وأغلب الهمجيين اللي راهم يفسدو في الخارج
..... 6 ملاير خسائر في 4ايام!!!.......
ليسو جامعيين

علاه؟؟
خاطر اغلب الجامعيين واعيين
ولك ان تلاحظ مظاهرات الطلاب الجامعيين
للمطالبة بحقوقهم
وتقارنها مع الباقيين
وأنا لا أعمم في البقية ....... لأنني لست من أهل التعميم


أعتدر ان خرجت نوعا ما عن الموضوع


سلاااااااام