لغة الأفرنج فى الجزائر العاصمه

[~~ أغيلاس ~~]

خويا allamallamallam وش راك لا باس
حبيت نعطيك رايي على المشاركة اللخرة اللي كتبتها للبنى و مادا بيك توسع صدرك و ما تزعفش على خوك
من المشاركات ديالك بان لي بلي راك تبالغ شوية و راك طايح في العاصميين و تنقد فيهم ، يا خويا هادي هي لهجتنا فيها بزاف كلمات بالفرونسي و ما عندهم لولاد الصغار و البنات واش يديرو ، هكداك ترباو خويا ، انا مانقولش السيالة نقول استيلو و نقول لاري ما نقولش المحطة ونقول الديسبونسار ما نقولش المستوصف ونقول ونقول ونقول ، هكدا تربيت بصح دايما نسيي نهدر بالفصحى سورتو معا ختي الصغيرة و مين داك في فالدار ندورها عربية فصحى مع خياتي الصغار و نسيي نغرس فيهم حب اللغة العربية لعزيزة كيما قلت نسيي ماشي معناها راني ضعيف فالعربية راني فور فيها بالبزاف و انا المخير كيما كنت نقرى في البريمار و لا السيام ولا الليسي و حتى فالجامعة راني شافي مرة انا وصاحبي سيينا نهدرو بالفصحى ما قدرش عليا الحمد لله من عند ربي نقرى و نحب العربية ، المشكلة ماشي فالمعرفة المشكلة فالممارسة
و مين داك ندورها فرونسي ، انا ماشي فور فيها بصح نسلكها مع البروغرام تع البريمار نهدر مع خياتي الصغار بشوية جمل بالفرونسي ماشي زوخ بصح للتعليم علاختراكش باش تتعلم لغة مليخ لازم ممارسة، يا خويا انا نموت في العربية و نحبها بزاف بصح كاين كلمات ولاو من لهجتنا ، و حاليا راني نسيي نبدل روحي بالشوية كيما قتلك منقبل ، كنت نقول لا فاك وليت نقول الجامعة ، و كيما نهدر هكدا صحابي يشوفو فيا شوفة آنورمال وليت ما نقولش كور نقول محاضرة و كلمات بزاف و بزاف ، الأفكار ديالك يشبهو لديالي بصح ما نقدروش نلزمو الناس كامل يكونو كيما حنا
و يا خويا اللهجة اللي كتبتلك بيها راهي معربة بزاف لوكان تسمع اللهجة تع صحابي راسك يحبس تقول شينوية هههههههه
و نزيد نقولك حاجة كنا نسكنو في باب الواد و كيما رحلنا لعين نعجة كان في عمري 15 سنة تآمن و لا ما تآمنش اللهجة ما شي قاع كيفكيف علابالك علاش ؟ علا ختركش سكان البلايس لجدد ماشي عاصميين جاو من برا و تخلطو معا لعاصميين و كونو لهجة جديدة صح تشبه بصح ما شي كيفكيف لهجة باب الواد وشامونوف ماشي كيما لهجة عين نعجة و لهجة عين نعجة ماشي كيما لهجة سيدي موسى و لو كان تروح للدويرة تقول راك في كوكب وحدوخر ، حبيت نقولك بلي حتى فلا ويليا دالجي كاين بزاف لهجات واللهجة العاصمية التع الصح قليل اللي يهدرها غير شوية شيوخ و عجايز فباب الواد والقصبة وتيليملي و غيرها و الشباب تع دوك اخترعو لهجة جديدة هههههههههههه بصح انا تجيني حلوة بزاف و تقتل بالضحك سورتو ليجان اللي حاسبين رواحتيهم عاصيميين رجلة ما يجيو يهدرو جملة حتى يعصرو رواحتيهم ههههههههههه و البنات ما يقولوش طارق طارق بالاك الطريق يقولو تارق تارق بالاك التريق ، حلوة بزاف هههههههههههههه انا تعجبني بزااااااااااااااااااااااف
كيما رحلنا لعين نعجة دخلت اولى ثانوي كيما سمعت زملائي يهدرو تخلعت اول مرة سمعت اللي يهدرو بالثا في باب الواد ما تسمعش ثلاثة ثمانية غير التا تلاتة تمانية بصح بالشوية شوية والفت و كيما دخلت الجامعة معا صحابي لي زانتارن تعلمت مليح ووليت نهدر بالثا ماشي بالتا و غير كيما يما و خياتي قالولي وشبيك تهدر بالثا تبان ماشي منا ؟ قلتلهم ما دخلني في حتا واحد و نهدر كيما نحب

واقيلا طولت شوية فالكتيبة ، المفيد يا وليد بلادي لعزيز كنت قاسي معا ختنا لبنى ، و بكلامك اللي كتبتو ما تقدرش تغير الواقع ديال لعاصميين ، راني معاك بلي كاين زواخين و زواخات بصح ماشي كامل
بصح راك معمر بزاف علينا

إيلا كنت تحب العربية و تعتز بيها ـ وانا كيما انتا ـ امالا مادخلك في حتى واحد اهدر بيها وهدر بلهجتك كيما نقولو بالعربية : ولا تبالي ، مادخلك في حتى واحد ماشي معنتها ما تدخلش روحك فينا معنتها كون قوي الشخصية كيما تكون فالعاصمة و تهدر بلهجتك اهدر بيها وراسك مرفوع ما تقولش دوك يقولو هذا ماشي منا ، لا لا ، انت أثبت وجودك و كن عزيز النفس واللي عندو شخصية قوية جامي ويلا يحشم بروحو حتى لوكان يكون باباه فلاح ، راني شافي فالسنة الثانية فالجامعة كانت تقرى معانا فالتي دي وحدة انتارن بصح هي الشاف تع القسم غير هيا تشارك و تقرى مليح انا شخصيا كنت نحترمها بزااااف و هيا كانت حتى كيما تتناقش مع الأساتذة تتناقش معاهم بلهجتها و بما أن تخصصنا أدبي فواحد المادة نقطتنا على المشاركة هاد الطفلة طلع معدلها العام فديك المادة 16 اما حنايا خدمنا فالاختبار مليح وما صحلناش غير14 ( وقيلا راني خرجت على الموضوع بصح معليش منتديات الجلفة قلبها كبير هههههههههههههه )
صحابي فالجامعة يهدرو بلهجتهم و ما يبدلوش ويعجبني الحال بزاف و تعلمت منهم بزاف كلمات و حتى هنا فالمنتدى هدا يعجبني الحال كيما يهدرو الاعضاء بلهجتهم و راني شافي وحدة باش تقول بنات بلادي شاطرات قالت بنات فلادي فحلات ههههههههههههههه و الله حلوة بزاف و تعجبني بزاف بزاف السطايفية و التلمسانية ووووووووووو والقائمة طويلة هذا ثراء لهجوي ـ إن صح التعبير ـ و اللهجة العاصمية بالكلمات المفرنسة من هذا الثراء .

اسمحلي ويلا طولت

ربي يحفضك

[allamallamallam]

المشاركة الأصلية كتبت بواسطة نبيل الموحد

خويا allamallamallam وش راك لا باس
حبيت نعطيك رايي على المشاركة اللخرة اللي كتبتها للبنى و مادا بيك توسع صدرك و ما تزعفش على خوك
من المشاركات ديالك بان لي بلي راك تبالغ شوية و راك طايح في العاصميين و تنقد فيهم ، يا خويا هادي هي لهجتنا فيها بزاف كلمات بالفرونسي و ما عندهم لولاد الصغار و البنات واش يديرو ، هكداك ترباو خويا ، انا مانقولش السيالة نقول استيلو و نقول لاري ما نقولش المحطة ونقول الديسبونسار ما نقولش المستوصف ونقول ونقول ونقول ، هكدا تربيت بصح دايما نسيي نهدر بالفصحى سورتو معا ختي الصغيرة و مين داك في فالدار ندورها عربية فصحى مع خياتي الصغار و نسيي نغرس فيهم حب اللغة العربية لعزيزة كيما قلت نسيي ماشي معناها راني ضعيف فالعربية راني فور فيها بالبزاف و انا المخير كيما كنت نقرى في البريمار و لا السيام ولا الليسي و حتى فالجامعة راني شافي مرة انا وصاحبي سيينا نهدرو بالفصحى ما قدرش عليا الحمد لله من عند ربي نقرى و نحب العربية ، المشكلة ماشي فالمعرفة المشكلة فالممارسة
و مين داك ندورها فرونسي ، انا ماشي فور فيها بصح نسلكها مع البروغرام تع البريمار نهدر مع خياتي الصغار بشوية جمل بالفرونسي ماشي زوخ بصح للتعليم علاختراكش باش تتعلم لغة مليخ لازم ممارسة، يا خويا انا نموت في العربية و نحبها بزاف بصح كاين كلمات ولاو من لهجتنا ، و حاليا راني نسيي نبدل روحي بالشوية كيما قتلك منقبل ، كنت نقول لا فاك وليت نقول الجامعة ، و كيما نهدر هكدا صحابي يشوفو فيا شوفة آنورمال وليت ما نقولش كور نقول محاضرة و كلمات بزاف و بزاف ، الأفكار ديالك يشبهو لديالي بصح ما نقدروش نلزمو الناس كامل يكونو كيما حنا
و يا خويا اللهجة اللي كتبتلك بيها راهي معربة بزاف لوكان تسمع اللهجة تع صحابي راسك يحبس تقول شينوية هههههههه
و نزيد نقولك حاجة كنا نسكنو في باب الواد و كيما رحلنا لعين نعجة كان في عمري 15 سنة تآمن و لا ما تآمنش اللهجة ما شي قاع كيفكيف علابالك علاش ؟ علا ختركش سكان البلايس لجدد ماشي عاصميين جاو من برا و تخلطو معا لعاصميين و كونو لهجة جديدة صح تشبه بصح ما شي كيفكيف لهجة باب الواد وشامونوف ماشي كيما لهجة عين نعجة و لهجة عين نعجة ماشي كيما لهجة سيدي موسى و لو كان تروح للدويرة تقول راك في كوكب وحدوخر ، حبيت نقولك بلي حتى فلا ويليا دالجي كاين بزاف لهجات واللهجة العاصمية التع الصح قليل اللي يهدرها غير شوية شيوخ و عجايز فباب الواد والقصبة وتيليملي و غيرها و الشباب تع دوك اخترعو لهجة جديدة هههههههههههه بصح انا تجيني حلوة بزاف و تقتل بالضحك سورتو ليجان اللي حاسبين رواحتيهم عاصيميين رجلة ما يجيو يهدرو جملة حتى يعصرو رواحتيهم ههههههههههه و البنات ما يقولوش طارق طارق بالاك الطريق يقولو تارق تارق بالاك التريق ، حلوة بزاف هههههههههههههه انا تعجبني بزااااااااااااااااااااااف
كيما رحلنا لعين نعجة دخلت اولى ثانوي كيما سمعت زملائي يهدرو تخلعت اول مرة سمعت اللي يهدرو بالثا في باب الواد ما تسمعش ثلاثة ثمانية غير التا تلاتة تمانية بصح بالشوية شوية والفت و كيما دخلت الجامعة معا صحابي لي زانتارن تعلمت مليح ووليت نهدر بالثا ماشي بالتا و غير كيما يما و خياتي قالولي وشبيك تهدر بالثا تبان ماشي منا ؟ قلتلهم ما دخلني في حتا واحد و نهدر كيما نحب

واقيلا طولت شوية فالكتيبة ، المفيد يا وليد بلادي لعزيز كنت قاسي معا ختنا لبنى ، و بكلامك اللي كتبتو ما تقدرش تغير الواقع ديال لعاصميين ، راني معاك بلي كاين زواخين و زواخات بصح ماشي كامل
بصح راك معمر بزاف علينا

إيلا كنت تحب العربية و تعتز بيها ـ وانا كيما انتا ـ امالا مادخلك في حتى واحد اهدر بيها وهدر بلهجتك كيما نقولو بالعربية : ولا تبالي ، مادخلك في حتى واحد ماشي معنتها ما تدخلش روحك فينا معنتها كون قوي الشخصية كيما تكون فالعاصمة و تهدر بلهجتك اهدر بيها وراسك مرفوع ما تقولش دوك يقولو هذا ماشي منا ، لا لا ، انت أثبت وجودك و كن عزيز النفس واللي عندو شخصية قوية جامي ويلا يحشم بروحو حتى لوكان يكون باباه فلاح ، راني شافي فالسنة الثانية فالجامعة كانت تقرى معانا فالتي دي وحدة انتارن بصح هي الشاف تع القسم غير هيا تشارك و تقرى مليح انا شخصيا كنت نحترمها بزااااف و هيا كانت حتى كيما تتناقش مع الأساتذة تتناقش معاهم بلهجتها و بما أن تخصصنا أدبي فواحد المادة نقطتنا على المشاركة هاد الطفلة طلع معدلها العام فديك المادة 16 اما حنايا خدمنا فالاختبار مليح وما صحلناش غير14 ( وقيلا راني خرجت على الموضوع بصح معليش منتديات الجلفة قلبها كبير هههههههههههههه )
صحابي فالجامعة يهدرو بلهجتهم و ما يبدلوش ويعجبني الحال بزاف و تعلمت منهم بزاف كلمات و حتى هنا فالمنتدى هدا يعجبني الحال كيما يهدرو الاعضاء بلهجتهم و راني شافي وحدة باش تقول بنات بلادي شاطرات قالت بنات فلادي فحلات ههههههههههههههه و الله حلوة بزاف و تعجبني بزاف بزاف السطايفية و التلمسانية ووووووووووو والقائمة طويلة هذا ثراء لهجوي ـ إن صح التعبير ـ و اللهجة العاصمية بالكلمات المفرنسة من هذا الثراء .

اسمحلي ويلا طولت

ربي يحفضك

سلام اخى.الكريم........ نبيل الموحد.........وشحالك لباس .........

والله يا اخى نبيل انا لست متحامل على اخوتى العاصميين.....فهم مهما كان سيضلون اخوتى رغم انفى...........

لكن انا مازلت اكره استعمال الفرنسيه فى لهجتنا........وكنت اتمنا لو تكون لى قدره على ازالتها من لهجة كل الجزائريين..................لا تفهم اخى الكريم انى ضد تعلم اللغات .........

والله اخى دراستى فى الجامعه فى العاصمه.....بينت لى اللهجه العاصميه الصحيحه من المخلوطه..........وانت اخى نبيل

يعجبك اللهجه الممزوجه بالفرنسيه.....وهى لهجة وسطك الاجتماعى ...والله انت معذور على كل حال رغما انك من الناس الذين يحاولون التغيير امام هذه الموجه العاتيه التى تعمل على فرنسة الجزائريين بداية بى عاصمتهم ............
والله يكون فى العون


من المشاركات ديالك بان لي بلي راك تبالغ شوية و راك طايح في العاصميين و تنقد فيهم

واخى والله بل عكس انا ادرس فمه ولى زملاء عاصميين.....تعجبنى فيهم الكثير من الاخلاق الطيبه....مثل الكلام النظيف و حنانتهم..و عدم سكوتهم على الظلم............وكان حاجات اخرى ما تعجبنيش فيهم. من بينها اللهجه المفرنسه واشياء اخرى لاداعى لذكرها......كل بلاد فيها المليح والقبيح......والله انا انتقدهم لحبى لهم فقط خوفنا على لغتنا الجميله ...
وايضا هم يمثلون الجزائر كامله........مثال لما تشاهد نشرة الاخبار يبثو خبر على البطاله مثلا...ويبعثو مراسل التلفزه لى ساحة اودان فى ديدوش ....ويتكلمو مع ناس اغلبهم لا يتكلم لهجه عاصميه صافيه و فيهم من يتكلم الا بالفرونسى
ماذا يقول مشاهد فى مصر فى السعوديه فى العراق........ان الجزائريين فرنسيين......وقالوها فى وقت الماتش انتاع السودان......راك علابالك ؟؟؟؟؟..........المهم اخى العزيز......ندعو الله ان يؤلف بينا قلوبنا......

اما فى ما يخص الاخت لبنى والله انا قاصى مع امثالها من ناحية اللهجه فقط .....اما فى الامور الاخرى فانا من مبادئى احترام الاخريين

والله اخى نبيل قد افدتنا بسردك بعض الاحداث الشخصيه التى وقعت لك لى تحاول ان تعطى تفسير للهجه العاصميه الجديده المخلوطه البعيده عن لهجة الاجداد........................................؟؟؟ ؟؟؟

شكرا اخى نبيل على الاهتمام بل الموضوع........................................بار ك الله فيك وسلام عليكم