مسرحية من تاليفي ؟ما رايكم

[هزيم 07]

السلام عليكم إخواني
حقيقة هو موضوع للترفيه ويتعلق بشاب خريج جامعة يبحث عن زوجة يرتبط مها مدى الحياة ,هل تعرفون من هي هاته الزوجة المثالية التي يبحث عنها صاحبنا إنها الوظيفة فدار بينه وبينها الحوار التالي

الخريج والله يا الوظيفه غير راني معجب بيك 4 سنين نتاع الجامعة وانا نشوف غير فيك نقلك الصح ما خليتي فيا والو

الوظيفة ( زعمة حشمانة) راك حشمتني خويا ايا واش راك تحوس

الخريج نحوس على علاقة تربطني معاك طول لعمر وما يفرقنا غير ربي سبحانو

الوظيفة (زعمة زعفانة) بالاك تحسابني من هاذوك الوضائف الهاملين انا شريفة ونحوس على واحد شريف

الخريج لو كان ماجيتيش شريفة وحلايلية انا ما ندورش بيك فهمتي

الوظيفة إذا كان كيما هاك انا ماعنديش مشكل روح اهدر مع والديا وربي ايسهل

الخريج قوليلي بارك وين تسكني وراني غدوة انجي نخطب

الوظيفة انا نسكن في الجزائر راني انقول لوالديا راهو جايني اعريس غدوة بصح انقولك حاجة انا والديا صعاب بزاف لازم تعرف كيفاش تقنعهم

الخريج خاطيك هذا شغلي 4 سنين انت الجامعة ما راحوش هاك
(وفي الغد يتقدم الخريج لخطبة الوظيفة وتصورو من هم اهلها (الوزارة هو الاب و لمديرية هي الام )

الخريج السلام عليكم يا اهل الدار والله راني معجب بوظيفتكم وحاب نرتبط معاها طول العمر وماذبيا نسمع شروطكم

الوزارة(الاب) والله يا وليدي انا ما نحكم في والو الهدرة الرسمي مع امها اتفضل راهي معاك
المديرية (الام) واش من مؤهلات عندك يا وليدي
الخريج عندي ديبلوم ليسانس وديبلوم إعلام آلي
المديرية قصدي انا ..
الخريج (مقاطعا) آه تقصدين الخبرة نعم عندي خبرة عامين خدمتهم إدماج
المديرية تخاطب الوزارة (في همس) واقيلا هذا ثقيل في الفهم كيفاش انديرو امعاه

المديرية (في غظب) المفيد المفيد كاش ما عندك دراهم انا وظيفتي مهرها غالي عليك وما تقدرلهاش وما راكش وحدك لراك جاي تخطب طل على الباب وانت تعرف

الخريج المسكين يطل على الباب يلقى نص الجزاير يسنى
الخريج ولي ماعندوش كيفاه ايدير

المديرية انا مانيش رايحة انخليك بلا زواج شوف عندي جارتي عندها ينتها ايسموها البطالة راهي اتحوس على اعريس وراني متاكدة بلي يعطوهالك

يذهب الخريج متثاقلا فيجد البطالة فيحكي لها ما حدث له فتقول له ما تخمم ما والو راني هنا وإذا راك حاب نتزوجو من ضرك
يفكر الخريج قيلا ثم يرفض طلبها بكل لباقة آملا ان تتحسن الاحوال في العام القادم إنشاء الله.

(بربكم اليست هاذه حالنا)
ارجو ان يكون الموضوع قد اعجبكم
و السلام عليكم

[تَــــــيْمَـــــآءْ ,]

هههههههههههههههههههههههه
هم يبكي وهم يضحك
والله غير صح اخي
ربي يسر الامور
مشكوووووووووور

[صبرينة 2023]

ههههههههه
هايلة اخي والله غير عندك الحق هاذي هي احوالنا ظرك صح

[bigboy]

بارك الله فيك على المجهود المبذول

[ღصمتـﮯ~ لغتـﮯღ]

ههههههههههههههههههههههههههههه
شكرا جزيلا

[تَــــــيْمَـــــآءْ ,]

[بهاء الغروب]

هههههههه هايلة

[حداد فؤاد]

بارك الله فيك

[هُدوء آلفَجر]

هههههههههههههههههههههههه موضوع مميز شكرااااااااااا

[هزيم 07]

والله من وحشكم ماني لاباس

[سهول الجلفاوي]

رووووووووووووووووووووووووووووووووعة شكراااااااااااا
على الابداع

[تاج الايمان]

هههههههههههههههههههههه
شر البلية ما يضحك

[الشاوية98]

hhhhhhhhhhhhhhh hayla

[ghecham mohamed]

و الله انت تصور الواقع فعلا
بارك الله فيك

[هدى المتفائلة]

ههههههههههههههههههههههههههههههههههه