مسابقات وزارة المالية و الضرائب

[khire eddine]

المشاركة الأصلية كتبت بواسطة merynoss

هههههه .. والله راكي زي حالتي .. شقاونا هكاك
المهم اختي هاكي تشوفي الاخ خير الدين قالي نجيبلك الأسئلة وكل يوم يدخل
بصح ورا ما عقب ماظهر مابان
بخلنا ولا ماعرف كيفاه
ماعندوش الكلمة وماتسنايش واحد يجاوبنا
اختصاصك هو نفسو اختصاصي .. وبلاك حتى نعرفك وتعرفيني .. هههه

السلام عليكم
اولا ..تحية الى الاخت merynoss وشكرا جزيلا على الكلام الزائد .....
ثانيا ..كان عندي مشكل مع الانترنت .تورح وتجي ..حتى اليوم باه تعدلت .
ثالثا ..انا عقبت يوم الاربعاء ..كان هناك الغاشي بزاف ..واحد 300 ولا 400 مترشح ..دون ان ننسى 300 او 400 كدالك فوتو نهار الثلاثاء ..وكدالك 300 ولا 4000 الي مازالت ماعقبتش .
المهم ..بالنسبة للامتحان .
مانعرف انا عندي الزهر بزاف ولا ماعنديش خلاص الزهر .
الرجل الي طحت عندو دارلي المقابلة ..واعر بزاف بزاف ..وقاوي في الراس تع الصح .
المهم قعدت .بدينا نحكيو ..قالي واش قريت .قلتلو علوم اقتصادية .سنة التخرج .2009
قالي على واش تحب نحكيو ..قلتلو من عندك يا استاد .قالي لا اعطيني موضوع ..قلتلو هات على الضرائب ولا الميزانية العامة لاني راني فور فيهم .
قالي لالا ..شوف شركة تبيع وتشري ..كيفاه يحسبولها الرسم على القيمة المضافة ..وكتاه تسددو .وهل يظهر مبلف الرسم على القيمة المضافة كيما تشري ..ومباعد قالي وهده الشركة هل عندما تبيع السلعة للمستهلك كيفاه الدير للرسم .وهل يظهر في الفاتورة ويدفعة المستهلك .المهم انا الحمد لله جاوبتو صحيح لاني اشتغل في مجال التجارة .
زاد سقساني واش هي الفاتورة ..واش هو الشيك .
وفي الاخير ..زادني سؤال واعر .قالي 2 باعو وشراو بقيمة 500 مليون ..لكن من دون فواتير ..كيفاه نثبت بانه صح باعو وشرواو ب 500 مليون .
جاوبتو قلتلو بلي هدي امور محاسبية ..نروحو للحساب على ما اظن 597 وهو فواتير قيد التحرير ..لانه اي بضاعة تخرج من المخزن تجل في هدا الحساب .
المهم حكيت معاه مليح مليح ..وغير انا الي طولت ..بقيت معاه حوالي 25 دقيقة ..حكيت معاه مليح وقنعتو وتعرفت عليه ..وقالي انا مفتش رئيسي مركزي لولاية قسنطينة ..معناه اناا هو باباها .زاد بقى يسقسيني على مشاريعي المستقبلية ..وبقي يركز ويقول مادابيا تولي تخدم معانا خير من تروح بلاصا اخرى وراك عجبتني بزاف .
المهم نقوللكم كيفاه دارو مع الجماعة الاخرين ..يقولك ماهو تخصصك يسئلك ماهي الضريبة والفرق بينها وبين الرسم .واثارها ..ولمدة 2 دقائق او 5 دقائق على الاكثر .
كملاحظة .كيما كنت قاعد معاه في المقابلة ..رن هاتفه النقال مرتين ..في الاوال قالولو كي تجيك فتاة تحمل الرقم ........ اتهلى فيها ..والمرة الثانية قالولو اي جايتك طفلة بنت المدير المركزي .وزاد جاه واحد من اللجان الي واقفين ..جا قالو اي جاتك بني المدير المركزي ..قالو دخلها جيبها عندي .