كيف اعيش........ وماذا افعل...؟

[سارة المحبة]

بصح انت مزال وليد فاميليا
لكن اخرجها من المدرسة مش حل ممكن تكون في الدار و تعمل اكثر من هكا
الحل الانسب انك تتكلم معاها بسياسة و حاول تراقبها من بعيد لبعيد
و ادا غلطت مرة اخرى هديك الساعة اتصرف تصرف اخر ولكن يبقى معاك الحق
الله يعاونك و يهديها

[عُضو مُحترم]

المشاركة الأصلية كتبت بواسطة سارة المحبة

و ادا غلطت مرة اخرى هديك الساعة اتصرف تصرف اخر
ا

ما هو التصرف الآخر

اذا ممكن يا اختي؟؟؟

[imran.abbase]

أخي لدي حل ربما ينفعك ولكن لابد أن تعلم مني أشياء :
أنك يا أخي صفيت الضمير التاعك مع ربي من ناحية أختك ولكن أخي الفتاة والمرأة لا يقتلها ولا يمنعها الضرب بل تقتلها الكلمة الحارة لأن الضرب لا تبالي به ضربة وفايتة والحمارثاني يضربوه ولكن الكلمة الحارة تقسمها على اثنين.
أخي صراحة أخذك خطأك الى شتم أبيك وهي كبيرة من الكبائر أخي اذن فلابد أن تفكر كيف ترجع الى أبيك لأن الأب لن ينسى أبدا ما قلت له وربما ساندك في رأيك احتراما لك فقط.
وبالنسبة للناس مكاش الي راه يحكم في أخته يروحوا يشوفوا اخوتاتهم وين راهم يروحوا وبعدها يهدروا معاك وعلابالهم بلي أنت درت الي عليك خويا بزاف هادي شيرة والشيرة بلخف تهرب مالطاعة ولذا ما تبين لها لا العين الحمرة تولي تخافك وكي تروح تهبل هي ولا العين البيضاء تزيد دلعها بها .
أنا قليل ما أتكلم الدارجة بصح رديتني نهدر الدارجة بسيف خويا
ونزيدك ماتخممش فالهدرة تاع الناس الي راجل راجل كملت الهدرا مكان لا اخته ولا أي شيء اخر.
وارفع راسك الي يهدر على اختك اعطيه.اختك اختك لا يغرك صاحبك.
حل يبالي مليح :
دير بلي راك مريض وراسك راه ضارك بزاف وكي تدخل للدار ماتهدرش كاع بصح علبها تغاشيت الداخل فالدار وخليهم يعيطوا للحماية المدنية .
وكي تروح للسبيطار مستحيل مستحيل مستحيل تنساك اختك لازم تجي عندك وزيد قول للأم بلي راني باغي نهدر معا أختي ارسليها عندي .
كي تجي عندك اهدر بينك وبينها مكان ولا واحد معاكم بلي بالك ماتزيدش تعيش شريها بالهدرا وفهمها بلي أنت ضربتها لأجل مصلحتها برك وعلابالك بلي بزاف شيرات ضاعوا في الشرف التاعهم ودروك راهم برا متشردين وأنا ما بغيتش أختي تكون كيما كيفهم وانتي أختي يلا راكي باغية تولي كيما كيفهم هاديك حاجة أنا مانبغيهالكش أختي علاخاطرش أنتي عزيزة علي.
أهنا أختك تطلب منك السماح :سلم عليها غاية وخليها تفهم روحها وتهدرش معها على الامر الي دارته .
وخليها تزيد تقرا مادام اهدرت مع ابوها ومابغاش سايي بزاف.
وما تعفش روحك بزاف والله تجيبها في روحك صحتك تروح مالزعاف وتمرض نيشان (لاطونسيان ولا روماتيزم ) الله يعافيك.


لك هاته الأبيات الشعرية تفيدك:
لو أن كل كلب عوى ألقنته حجرا ....لأصبح الصخر مثقالا بدينار
ومن عاتب الجهال اتعب نفسه....ومن لام من لا يعرف اللوم افسدا
كي تزعف اسمع سورة الصافات:
https://67.213.215.128/~server2/sds/037.mp3

أخي الله يكون في عونك .
أي معلومة ولا أي حاجة تبغيها راني دايما في المنتدى نعاونك خويا.
والسلام عليكم ورحمة الله وبركاته