اقتباس:
المشاركة الأصلية كتبت بواسطة only
السلام عليكم
اولا الموضوع جيد للنقاش وبارك الله فيكم على طرحه
ثانيا لا يجب ابدا القول : انا ضد تعدد الزوجات فهذا يعني انك ضد ارادة الله وشرعه فهذا الشي اقره ربي بشروط مقنعة متلا المراة لا تنجب او مريضة مرض يعفيها من مسؤوليتها كزوجة هدا على سبيل المتال لا الحصر
اما ثالثا وهو رايي الشخصي في المسالة او الموضوع فهو ان نناقش اسباب الي تخلي الزوج يعاود الزواج على زوجته الاولى
فهنا نقول شي مهم جدا في الحياة الزوجية ويهمله كل من المتزوجين والمقبلين على الزواج وهو الصراحة
واش يمنعني اني نكون صريح مع زوجتي او خطيبتي انا شخصيا نحب زوجتي تلبس لباس معين فالبيت حتى ادا وصادف واني خرجت من البيت وشفت بنت بلباس فاضح فالشارع مانقيمهاش علاش؟ عندي زوجتي فالبيت وهي حلالي وربي مايحاسبنيش عليها اذن ادا ربي كتبلي وتزوجت نكون صريح مع زوجتي نقولها ها لي يعجبني وها لي مايعجبنيش وهي تانيك تقولي ولا حياء فالدين احسن من اني نفتتن فالشارع باخرى او نتزوج عليها وراكم كلكم جزائريين وعارفين واش كاينت فالشارع هدا متال فقط عن امور كثيرة
وانا كشاب مزال ماقدرليش ربي الزواج لكن الحمد لله جمعت مع ناس كبار وحكيت وقلت افكاري والحمد لله لي صح زدت اكدتها ولي خطا صححتها
المهم فالعلاقة الزوجية هو التفاهم والصراحة والثقة المتبادل وماهوش عيب ولا حرام انو الزوجة تغير على زوجها بل هنا تكمن لذة الحياة وقيمة الزوج عند زوجته ماشي انها تكون سبب شقاق ونزاع دائم خاطش كل مايدخل تقوله وين كنت حتى لضرك
ومن هنا نقول للاباء ولو انو موضوع جانبي لكن هو مهم تانيك انهم يخففو على الشاب لي يتقدم للخطبة ماشي يحطولو شروط تهبل المهم التفاهم وحسن العشرة وفقط
ربي يهينا لصالح الاعمال ورسالة الى كل بنت خافي ربي في شباب اليوم لانو عرض لحمك للشباب يتفرج عليه الجاي والرايح راه اثمو عند ربي كبير
اسف ادا خرجت عن الموضوع ونعاود نركز كل شي يبنى على التفاهم وحسن المعاملة والثقة
|
كلامك في محله اخي
بالرغم من اني امراة الا أني لا انكر ان بنات الشوارع الكاسيات العاريات المائلات المميلات هنّ السبب في تهافت ذوي القلوب الرهيفة الضعيفة عليهن همّهن الوحيد اقتناص الرجال المهم يتزوجن
و هذا لا يعني أن الرجال خاطيهم (الا من رحم ربي)
حتى هوما يمدّولهم وجه كيما يُقال بالعامية
( تقرير عن مشاركة سيئة )، و الموجودة أسفل كل مشاركة .
2010-11-05, 16:48
العرض المتطور
