نمدلك نصيحة تمنيت يمدوهالي
عندك تبيني روحك اكي تقراي و حابة تدي مونصيون و تشاركي قدام الاساتذة و التلاميذ عندكك
اقراي بالسكيتي و من المرة الاولى حطي العين تسلفي كتبك و مراجعك لكاش واحد
بالنسبة للتحضير اول حاجة لعاد عندك فيس او انستا حاولي تنحيهم من ذرك
تفرجي افلام تحفيزية على النجاح
اشري مذكرات او كراس خليا عندك من بداية العام اكتبي فيها التاريخ و احكي مع روحك هاك كي يوصل نص العام او نهايتو تشوفي بلي اكي كنتي تقراي شغل يعود كلش محفوظ عندك كتذكار
لعدتي تحلي التمارين في اوراق مترميهمش كامل اوو عودي حلي في ريجيستر باه يبقى معاك حتا نهاية العام تسحقيه لاجل الملاحظات
و عودي كل ماتقراي وحدة لخصيها و اجملي كامل الافكار بعد متحلي تمارين في ذيك الوحدة في نهاية الملخص و ديري كلاسور ذوك لي يجو الشوميز لاصقين فيه و قسميه للملخصات
احفظي بفهم من بداية العام متقوليش ننسى بالعكس راح مع التكرار تتحفظ في مخك كيما اسمك
اوثقي في روحك
بعدي على كل انسان قادر يطيحلك المورال او ينقس من قيمتك
احضري للقسم و سجلي ملاحظاتك و سقسي استاذك حتا و اسئلة غبية و تافهة اخظئي بزاف بسك اخطائك جامي تنسايهم
هاذو بعض النصائح لي تمنيت واحد يمدهملي من بداية العام و موفقة
حاولي تريحي فالصيف و ابداي قبل شهر تحضيرات مثلا اطبعي كامل البكالوريات فكل المواد وجدي مراجعك و هاك اهتمي بتنظيم كراريسك و متظغطيش على روحك من بداية العام
و حاولي تولفي روحك بالاستيقاظ فالفجر من ذرك
( تقرير عن مشاركة سيئة )، و الموجودة أسفل كل مشاركة .
2020-08-05, 13:02
العرض المتطور
