بدون هدف !!!

[lina loulita]

المشاركة الأصلية كتبت بواسطة ~ هبة الله ~

راح نخرج على موضوع الدراسة لكن نوعا ما لن أخرج نهائيا ههه

صراحة راني في متاهة و مالقيت عليها وين قلت نحكي و نفرغ قلبي من جهة ، و من جهة بلاك نصيحة شخص ما تقدر تغير العديد من الأمور

كما يعلم الأغلبية أني أعيد البكالوريا للمرة الرابعة و العام المقبل باذن الله سأتخرج
المشكل أني أعيد البكالوريا بدون هدف و هذا ما يثبطني نوعا ما
نغير كي نشوفكم متحدين الخمول و الكسل على جال الهدف الذي ينتظركم في نهاية الطريق
ماذا عني ؟ لماذا أعيد البكالوريا ؟!
السبب الأول هو أنني لا أحب تخصصي الحالي و أنا أدرسه لأنني مرغمة فقط
ثانيا كنت أفكر في تحقيق حلم الصغر و هو الطب و مزال في قلبي لكن المشكلة فات الأوان فظروفي لا تسمح الآن
لست مثلكم في بداية الطريق فأنا مقبلة على 23 سنة و عدة مشاريع بانتظاري و التي ستكون عائقا لي اذا اخترت الطب
أحيانا أستيقظ لأفكر بقلبي و أقول أنا لها سأختار الطب و أتجاوز كل شيء
و أحيانا أستيقظ لأفكر بعقلي و أعالج كل الامور حتى أجد أنني غير مؤهلة لدراسته الآن حتى و لو اخترته لا يمكنني البدء فيه هذه السنة بل حتى السنة المقبلة بعد تخرجي و ها هي سنة أخرى تضيع لأجد نفسي في نواحي 24 سنة
في هذا العمر الواحد يكون كمل قرايته و بنى مستقبله
هذا التفكير أرهقني كثيرا و في أغلبية الأحيان أنهيه بالبكاء و التحسر على الماضي

كل ما اتمناه حاليا التوقف عن التفكير الذي يلهيني حقا عن الدراسة
و إيجاد هدف و محفز لي يدفعني للتضحية و الاجتهاد و المقاومة

كل ما أحتاجه منكم نصيحة أو دعوة من القلب

آسفة على الإطالة ، أعلم أن موضوعي إضاعة الوقت لا غير ، لكن لم أجد مكانا غير هذا لأحكي عما أعانيه كل يوم

سلاام
شوفي ختي فكرة انو معندكش هدف مستحيل لانو كان مجاش عندك هدف و هو الطب ماكيش تعاودي في الباك
فقط الاحباط و تخوفك انك متوصليش لحلمك راهي تنعكس عليك هكدا
ثانيا متهتميش ابدا ابدا ابدا للسن بسك ماهوش سبب كامل
وين راه المشكل كي راكي 23 سنة ؟؟ مادام راكي بصحتك و عافيتك و تقدري تقراي هادا الصح و الشي الاهم انك كان تدرسي حاجة تحبيها و طالما حلمتي و نتي في سن 40 ماكيش راح تنظري للسن .. كان جا السن عيب و دايرين الواحد لازم يدخل الجامعة من سن 18 فقط ميديروش بكالوريا احرار
نتي على الاقل عندك فرصة وراكي تقراي كاين لي مصحتلهمش كاامل احمدي ربي
انا تان كيما نتي راني في اختصاص مانيش حاباتو ومانيش مهتمة ليه خلااص نقراه زيادة برك و راسمة في عقلي طريق تاعي وين ...الطب و مهما صرا نبقى نعاود و نعاود حتى نوصل ليه
ربي سبحانو ميحرمكش من حلمك طبعا اذا كان خير لييك و فقط يأخرلك فرحتك و ان شاء الله تكون هدا العام * ربي سبحانو عادل*
يا ختي نعرف ناس كملو قرايتهم و راهم يقراو في قراية خلااف و بناات ماشي ذكور و مهمش مراعيين السن ابدا دارين حب الدراسة
متفشليش مهما كانت ظروفك بالعكس خليها حافز ليك
ابدااي من جديد و امسحي الافكار السلبية من راسك و قولي نوصل للطب مهما كانت عدد المحاولاات
تقولي حاولت احسن كاان محاولتش اتوكلي على ربي صلي و ادعي

انشااء الله تكون وصلت فكرتي و ادا تحتااجي اي مساعدة راني هنا اكيد مع باقي الاعضااء
معااااا من اجل الطب