صـــــباح الخــــــــــير.............ارواحوا نقلكم حاجة

[Soo Cat]

السلام عليكم
صباح الخير
كيف حال الجميع؟
مممم لقد كتبت هذا الموضوع في الليل لاني على وشك الخلود للنوم وكنت اود كتابة موضوع منذ فترة لذا لا تستغربوا من اني كتبته امس ليلا (اكشلي صباحا ههه سهر وش يدير)
حسنا....بسم الله
ما اود اخباركم به هو انه بقي 45 يوم وتنتهي عطلتك الكيوت هذه (اذا خليتها تكون كيوت اصلا ) هذا بلا ما نحسبو اليامات تع توجدوا للجامعة نشالله ومتنساوش بلي عام كامل ونتو تحفروا ( تعبير يضحك) ومعنوياتكم ربي لي يعلم بيها غير انكم بديتو اغلبكم من البدية تع العام (هذا اذا مش من لعطلة) حتا جوان
جماعة لاباس؟
راكم عباد وتحتاجوا للراحة راكم قاريين بالمنهاج الجزائري في مدارس جزائرية ( وعلى الارجح عند اساتذة-شكوبي-غالبا وليس الكل-مثلا انا اغلبهم-مع احتراماتي للي خدموا بضمير هذوك فوق الراس)
الباك البوكيمون هذا راهو مش كلش هذا كان مجرد محطة صغيرة وللي يشوف فيه خلاص هو كلش راك غالط خليكم واقعيين ....فاهما الخوف تاعكم تاع هذو ليام وتاع ليام لي فاتو مي اكم غير تفسدو على رواحكم وتضيعوا في هذه الاوقات اللي متتضيعش
هذي اوقات هامة تع هوايات وتفراج و رقااد و تمسخير و راحة راحة قدر الامكان راكم مش حتبدلو والو يزيكم بلا جياحة
خلاص طبقو علينا مواضيع الخرطي تع الباك هذا
جربوا حوايج جديدة.....ونحو علينا المواضيع هذي اللي تهدر على الخرطي تع الباك مش 4 يام كام و واحد محط كاش فكرة جديدة (مش نحسب في الاعضاء لي تفضلوا ليوم) ديرو مواضيع تع تمسخير هدرة مليحة افكار دردشات مع بعض نتعارفو اكثر ونوروا لبعض هواياتنا خلونا من الاقسام الاخرى هذي الفترة حطوهم هنا مؤقتا حتى على شكل مواضيع عشوائية الادارة قادر تتفهم هذا الوضع
المهم
تهلاو في رواحكم وتلقاوها زينة
وتقدروا تبداو في اقتراحات هنا وتفتحو مواضيعكم
بالتوفيق

[TakouaQueen]

صح، عندك حق، مشكورة

[الإسكندر الأكبر]

صباح النور اختي ، ممممم وجهة نظر ^^.

عندك حق ،. بارك الله فيك على الموضوع ،. عجبتني تاع راحة راحة رقاد رقاد ، شعار رائع

[Hou Da Lar]

عندك الحق و الله
درك الواحد يجي يدخل للمنتدى باش يريح يزيد يمرض من المواضيع لي كلها تهدر على الباك لي يقولك راح لباك و لي يقولك باغي نقرا للباك
خلونا نريحو شويا مبعدا سقسو على رواحكم
لاحقين على الباك و لعيا تاع الباك

[Soo Cat]

المشاركة الأصلية كتبت بواسطة Hou Da Lar

عندك الحق و الله
درك الواحد يجي يدخل للمنتدى باش يريح يزيد يمرض من المواضيع لي كلها تهدر على الباك لي يقولك راح لباك و لي يقولك باغي نقرا للباك
خلونا نريحو شويا مبعدا سقسو على رواحكم
لاحقين على الباك و لعيا تاع الباك

شفتي اختي هذيك هي بعد
ربي يهدي
وكي تكتبيلهم هكا ميعجبهمش الحال
لازم "غبن جماعي" [IMG]https://vignette.wikia.no*****e.net/kancolle/images/7/75/Italy_i_surrender_by_alexthehedgehog15-d4xycq1.gif/revision/latest?cb=20160530001515[/IMG]
تحسيهم شوي هك يديرولو نعي ولا جنازة ( المشكل في اللي خادم ويجي ينعي ثاني + كاينة ومتلعبوهاش هههههه زعما يبعدو في العين )