سؤالي اليــــــــــــــكم

[SELIM2019]

المشاركة الأصلية كتبت بواسطة kimjia

في الحقيقة الطريقة الجدلية اسهل من النص بالف مرة لا افهم لحد الان معظم تلاميذ العلمين يتجهون الى تحليل النص مع العلم انو النص الفلسفي عندو اكثر من 7 قراءات باه تجيب العلامة الكاملة واذا غلطة في جزء صغير ستكون العوافب وخيمة لاسمح الله اضافة اجباري حفظ مذهب الفيلسوف وعلى الاقل الاستدلال بكتاب او اثنين ومعرفة النص حول ماهية المنهج الذي يسلكه هل هو اجتماعي او سياسي او
.....
الذي يقرء ماذا كتبت سبقول لماذا تعقدين الامور ويكفي حفظ المنهجية سطوندار واتحصل على الاقل 12 ولكن هذه هي الحقيقة وفي العوض انك تحفظ منهجية تحليل النص ونبعدا كي يحطولك نص الفيلسوف جامي سمعت بزريعتو منين جابوه والنص مخلط داك الوقت تحصل
من الافضل تدرب على منهجية الجدل والاستقصاء بالوضع افضل هذا راي والسلام

راني شفت الموضوع تاعك, لكن كما قلت لكي 12 نقطة اكثر من 8 نقاط
عندي سؤال لو سمحت لا اعلم ان كنت قد طرحته من قبل
لكن هل اراجع من الدروس ام المقالات؟ عندي مخططات ايضا فيها الانصار والخصوم هل اعتمد عليها؟ وكم من اقوال فلسفية يجب ان توظف لأخذ علامة جيدة؟؟
شكراا

[kimjia]

المشاركة الأصلية كتبت بواسطة selim2019

راني شفت الموضوع تاعك, لكن كما قلت لكي 12 نقطة اكثر من 8 نقاط
عندي سؤال لو سمحت لا اعلم ان كنت قد طرحته من قبل
لكن هل اراجع من الدروس ام المقالات؟ عندي مخططات ايضا فيها الانصار والخصوم هل اعتمد عليها؟ وكم من اقوال فلسفية يجب ان توظف لأخذ علامة جيدة؟؟
شكراا

شوف مدام مبقاش وقت اضرب طلة على الدرس اعرف غير الاساسيات مثال واش هو الموقف الاول على واش يحكي اهم الفلاسفة والمدارس نتاوعو نفس شيء بالنسبة للموقف 2 و هز المقالاة لازم تكون مضمونة اقراها 4 مرات راح وحدك وحدك تلقى روحك تقدر تصيغها بطريقتك الخاصة وتزيد وتنقص من عندك كي شغل نثر في الشعر تبدل الكلمات وتشرحم وشفت رد نتاعك نقولك بلي هاذي النظرية غالطة نتاع المقالة الجدلية منهجية نتاعها عليها غير 8 وتحليل النص 12 بصح هذا لي تحصل على 12 في المنهجية برك راهو جاب المنهجية نتاع صح حتى في تقطيع الافكار وشرح هذي ابسط حاجة لي مقراش الفلسفة كامل يديرها عادي وزاد شكون لي عندو الحق حنا الادبين لي معاملة المادة 6 او نتوما العلمين 2 برك لو عادت هاذي النظرية صحيحة لكان الاجدر اننا حنا الادبين نديرو تحليل النص اكثر منكم لانو عارفين انو تحليل النص يتطلب جهد اكثر ملي راكم ظانينو نتوما ومنهجية مهيش كيما منهجية سطوندار لي راهي دور في كل بلاصة صحيح انه يشترك في بعض الاشياء ولكن كرؤوس اقلام فقط كن هو مشرحلكش كيفاه تعرف النص يندرج تحت اطارماذا والفيلسوف هل ينقد فيلسوف او يعالج قضية اواو... وكن برك نحاول نشرحلك طريقة تخليل النص لي تضمن نقط مليحة لازم اكثر من 15 يوم
نمدلك معلومة فقط صغيرة التحليل النموذجي للنص يتطلب 7 قراءات اكيد هاذي اول مرة تسمع بيها والمعلومات الاخرى تستغرق وقت اطول وزيد تحليل النص ماهوش كي فقرة نتاع انجليزية او اسبانية تو كونتروندي نتاع لفرونسي نحفظ سطوندار ونلصق الافكار هاذا شيء غالط
لهذا اغلب العلمين ميديوش مليح في الفلسفة حنا الادبين نقراو على الاقل 6 سوايع فلسفة في الاسبوع وندربو على كل منهجيات ومنها تحليل النص وتلقانا نهابوه فيا بالكم نتوما اول عام وياربي تقراو 2 في اسبوع انا بعيد الشر كن تخلى عليا ندير استقصاء بالوضع ومنديرش تحليل النص

هدرت بزاف بصح نتمنى انك هزيت نظرة قصيرة على تحليل النص القلسفي
وعلى الافكار نتاع صح واحد ما يحشيهالك ويقولك دير نحليل نص ونتا حر اخي الكريم