الخوف من الفيزياء

[لهيب الحلم]

المشاركة الأصلية كتبت بواسطة امـــة اللـــه

وعليك السلام ورحمة الله وبركاته
انتي ذرك ماراكيش تدي مليح فالفيزياء ومتشاءمة وكارهة . هل استفدتي؟
لوكان نقولك هذه اللي راي تهدر معاك ذرك كانت تدي 3 و4 3 يآآآآآآآآناس
مي ذرك الحمد لله أنا كي نتفكر روحي بكري نضحك نشبع ضحك كنت نية كيفاه نصعب فالحالة ونرضى بهاذيك النقاط
الفكرة ومافيها التمارين التفوق فالفيزياء = حب المادة +حل التمارين+ كي تحلي تمرين ولا سؤال صحيح أشكري روحك وحفزي روحك عن تجربة والله كيما نقولك
أكيد لوكان نحكيلك قصتي معاها ماهيش راح تفرا
بالمختصر المفيد واش نقولك أولا كي تقرايهاماتقوليش صعيبة ولازم نقراها وانما ساهلة نقدرلها بالشوي برك تهزي الاساسيات صايي ماتفيقيش تلقاي روحك تدي ف19
ابداي بالوحدة الاولى اذا ماكيش فاهمة خلاص أقرايها من اليوتيوب أفهمي الدرس على واه يدور ومن بعد جيبي تمرين بالحل أقراي التمرين ممكن متقدري تجاوبي حتى على سؤال نفترضو شوفي الحل واحولي تفهمي الاساسيات تاع الحل ومن بعد حاولي فالتمرين بلا ماتشوفي فالحل الفكرة اللي جاتك أكتبيها واخدمي بيها ماتحقريش روحك وماتفشبيش ومن بعد صلحي لحل تاعك وشوفي وين بقات المشكلة مرة زوج حتى اذا 10مرات نورمال الافكار هاذوك مستحيلا تعودي تنسايهم ( باه نطلعلك المورال أنا العام اللي فات درت هكذا لحد الآن تمرين مازلت نشفا حتى على القيم العددية تاعو م كثرة ماحليتو وجانا فالاختبار )
ومن بعد روحي جيبي تمارين عندهم نفس المستوى حليهم قبل ماتطلعي على الحل هكذا المرة اللولا 5 مرات .4مرات حتى تحلي تمرين كامل صحيح من أول مرة ان شاء الله
ومتنسايش الرسمي فالارادة والله والله تفوتي تحبي تقرايها صايي تجيك الخبرة من حيث لاتدري تلقاي روحك تعرفي مي كنت تفشلي برك
علابالي طولت مي خرجت من القلب
ربي يوفقك وييسرلك

يعطيك الصحة ة الله كلاااامك وصل للقلب
لوكان طولتي اكثر كنت مستمتعة بكلامك
وادا كان هتاك المزيد فقولي
والحمد لله شفت بلي لاباس عليا
هههه نحل نص التمرين و نحصل
المهم ان شاء الله نجرب طريقنك
بارك الله فيك وربي يوفقك
ملاحظة ههههه انا جامعية ايضا وفي الكيمياء تاع الجامعة جبت16 ههههه سبحان الله