سلام أختي(متفتحليش الرابط لي حطتيه) أنا عندي طاجين العجيب هكذا إسموه في العاصمه هذاك لي فيه شباك و عندو غطا. نعمل فيه المطلوع إجي إهبل مره راجلي خذا لصاحبو قالو إسمحلي هذا قاطو مشي مطلوع. المهم 2كيلات سميد رطب كيله فرينة مغرف كبيره خميره شويه سكر مغرف خل إيه خل و 3 مغارف زيت و عجني بالما دافي وهزي لعجينه واخبطي (كاش زعاف يخرج هههه) وتكون لعجينه رخوه خليها تخمر ربع ساعة و عا ودي أخبطي و كرري 3 أو 4 مرات هاد العمليه. من بعد قرصي و حطي ورق الطبخ فوق سنيوه مقلوبة (باه جيك ساهله كترميها في طاجين ) و غطيها و خليها ترتاح شويه مش بزاف باه متخرجلهاش لخميره حوالي 15 د. وفي هذ الوقت حطي طاجين يسخن وكي تفوت 15 د ارميها في طاجين معليش بورق الطبخ باه متفسدش لفورم خاطر تكون مرخوفة بزاف و غطيها ومن بعد قبل متحمار يعني عينك ميزانك غير تحسي بلي حكمت روحها أقلبيها و غطيها وهذ لي خليها جي منفوخة و فارغة كما (خبز شوارما) هذه طريقتي و ربي شاهد انا نقرصها فوق وحد لحليه علا بيها منستعملش ورق الطهي وربي شاهد بلي هذ وش نعرف ويجيني هبال وبصحتكم.
( تقرير عن مشاركة سيئة )، و الموجودة أسفل كل مشاركة .
2019-02-05, 10:23
العرض الشجري