ارجو المساعدة

[toulay]

السلام عليكم
مين عاد راح يهبل عليها ويحبها بزاف علاش متزوجش بيها من الاول علاش درك رجع مراهق
و en plus الطفلة هاذي متحشمش معندهاش دار يحكموا فيها لاصقة في واحد متزوج
شوف يا اختي درك متبقاش تبكي وتحلل فيه وطيح من قيمتك لانه ببساطة ميستاهلش ومشي راجل
هو مثير للشفقة والاشمئزاز والقرف لانو قاعد يتصرف في تصرفات طائشة تاع واحد فارغ شغل وبلا عقل والاهم من كل هذا مدايرش ربي سبحانه وبين عينيه
اذا قالك مجددا نحبها قولوا ياسيدي ربي يدوم المحبة ان شاء الله واذا قالك حايب نتزوجها قولوا مبروك عليك وربي يسهل
اقتلوا بالبارد والسماطة وخليه ينفجر
لانو كون تبقى تقولوا علاش وكيفاش ومشي حق عليك السيد يدير قرون ويحسب روحه شخصية وهو لا علاقة مالا انت تاني كون ذكية واتغدى بيه قبل مايتعشى بيك
بالتوفيق