اخبروني

[ورد الاوليف]

المشاركة الأصلية كتبت بواسطة ~ قدس ~

بالنسبة ليااا .. لو تشجعتي وتبدي بقوة اكيد مازال الحال ..
اما تبدي بإستهتار ونهار تقري وعشرة لا .. وتقولي راني نقرا .. حتى نجاح ماتنجحيش لا قدر الله ..
ياخي علاه عاودنا البااك .. ماعجبنااش المعدل تاع عام ليفات .. كانك بش تبقي هكا .. حتى عام هذا مايعجبكش ..
وانتي في غنن عم انك تخسري عام في باطل ..
لازم عام هذا ورقة رابحة في ايدك ..
وحاجة ثاني لو ما بديتيش ديري في نهار بار اقزومبل .. تسع ساعات .. ولا حتى ثمنية وتقري المواد العلمية والادبية ..
غير احسبي مش حا تلحقي .. لازم انطلاقة قوية ابدااي بثمنية سمانة لولا ومبعدها لازم تبقي في ريتم عشر سوايع في نهار ..
مابقااش بزاف خمس شهر برك .. وشهر رمضان ماتحسبيش .. سمانة لولا مفشلك صيام سمانة قبل لخيرة غالبك الصيام وسمانة لخيرة حنا لبنات القاطو .. وسمانتين بعد رمضاان مش تاع قراية مراجعة برك ..
غير عسي روحك ملييح لتندمي منبعد .. وتاكل صباعك وتقولي قريت وماديتش .. لازم لازم قرااية تاع صح .. وحتى معدل المدسين ولا ب16 للعلوم والمات والتقني 17 .. ماعادش ساهلة الحكاية عزيزتي .. غير بداايليلة هاذي روحي قرااي ساعتين ورقدي العشرة ونوضي غدوة عن ست .. غيرلك راهو .. وانتي ادرى ..
اذا حبيتي نعطيك برنامج او مراجع اوكي انا في الخدمة ..

والله كي كتبت كلمة نقد جيتي في بالي قلت عضوية قدس هي لي مالفة تخوفنا لملحتنا وقلت كن حتى تشوفي موضوعي الحمدلله يا رب
اي نصيحة هذه روعة الله يعطيك ماتتمني حقا فادتني وانقذت ليا ضميري خممتي صح لبعيد باذن الله غدا ابدا ربي يوفقكم كامل لواش حابين يا ربي
نعم اذا امكنك اعطيني برنامجك ربي ينجحك

[~ قدس ~]

المشاركة الأصلية كتبت بواسطة ورد الاوليف

والله كي كتبت كلمة نقد جيتي في بالي قلت عضوية قدس هي لي مالفة تخوفنا لملحتنا وقلت كن حتى تشوفي موضوعي الحمدلله يا رب
اي نصيحة هذه روعة الله يعطيك ماتتمني حقا فادتني وانقذت ليا ضميري خممتي صح لبعيد باذن الله غدا ابدا ربي يوفقكم كامل لواش حابين يا ربي
نعم اذا امكنك اعطيني برنامجك ربي ينجحك

هاذي ورد الاوليف لي نعرفها وش اسمك ههه ؟
بون برنامج تاعي ا نا قبل كان في نهار نقراا ثلاث مواد : مادة علمية ،لغة من اللغات ، مادة حفظ
من 7 حتى 10 مادة علمية ، من 10.30 حتى 12 لغة ، من 16 حتى 18 مادة حفظ ، من 18.30 حتى 22 تغاودي تحلي تمارين مادة لي قريتيها صباح طبعا من 18.30 حتى 22 تنحي منها وقت صلاة العشاء والعشااء ..
مثلا سبت واحد تقري .. فيزياء فرنسية فلسفة ..
اثنين ثلاث رياضيات انجليزية اسلامية ..
اربع خميس علوم عربية اجتماعيات ..

جمعة راحة .. بين قوسين قضية الداار ..

تقدري تديري برنامج مكثف عن هذا .. مثلا من 6 حتى 8 حفظ .. من 8حتى 12 مادة علمية .. من 14 حتى 18 مادة علمية وحدوخرة .. من 19 حتى 21 لغة من اللغات ..
انا برنامجي من اول العام لحد الان الاول .. لكن بدلته للبرنامج الثاني ابتداء من اليوم ..
وطبعا انتي وحاجتك في توزيع المواد ..
عطيتك نسخة عن برنامج ممكن يفيدك ..
بالتوفيق غاليتي .. ابداي ابداي مابقاش بزااف .. والله لوكان لا قدر الله تفشلي .. يديؤو عرس عديانك .. وين تجي باش تفشلي تفكري الاشخاص لي حابينك تفشلي وعاودي ديماري من جديد .. ساحة لينا حنا عام هذا .. بالنسبة تقولي الاحرار بلاك يصوبوطوهم كيما عام ليفات ..تهني كاين انتخابات هههه .. مايقدرو يديرو والو .. مهم اخدمي واقرااي ..