حل موضوعي الرياضيات بكالوريا 2018 شعبة رياضيات

[bouss2013]

السلام عليكم

اليكم في مايلي


حل موضوعي الرياضيات بكالوريا 2018 شعبة رياضيات

https://drive.google.com/file/d/1SWs...zbeQfvXUs/view

[raouf07boy]

اهلا استاد اظن لا احد شاف التصحيح تاع الرياضيين ههههههه ربما التلاميد الان راهوم في البحر

[المُعادلة الصّعبة]

ههههه علاش اني كاينه انا نشوفو
مي صح نظن نشوفو وحدي ههههههههه
شكرا بزااااااف استاذ

[raouf07boy]

المشاركة الأصلية كتبت بواسطة المُعادلة الصّعبة

ههههه علاش اني كاينه انا نشوفو
مي صح نظن نشوفو وحدي ههههههههه
شكرا بزااااااف استاذ

اي الموضوعين اجبتي؟؟؟

[mohamed06]

شكرا لك أستاذ

[المُعادلة الصّعبة]

المشاركة الأصلية كتبت بواسطة raouf07boy

اي الموضوعين اجبتي؟؟؟

حليت الثاني
معليش نسقسيكم استاذاي
في تمرين الاعداد المركبة
انا في تعيين قيم ألفا باش يكون متقايس اضلاع
كان علابالي و كان علابالي وكان علابالي بلي لازم نناقش زوز قيم ونرفض واحد لانو الفا اكبر من -2 كان علابالي باللي الشرط هذاك ما داروش عبث
بصح الشيطان وسوسولي اللحظة هذيك درت قيمة وحدة ديراكت رحت تبعت صياغة السؤال بلا ما نناقش !!

يحسبوهالي غالطة ؟

[bouss2013]

السلام عليكم


الى الاخت المُعادلة الصّعبة

ان وجدت قيمة الفا صحيحة على الاغلب سيتجاوزون ذلك ويحتسبون اجابتك كاملة حتى وان لم تعطي تعليل رفض القيمة الاخرى فالاساتذة المصحيحين ياخذون بعين الاعتبار نفسية الممتحنين

[المُعادلة الصّعبة]

لكن يا استاذ ما هدرتش اصلا على القيمه الاخرى
مافهمتش وش صرالي اللحظه هذيك تاع علابالي وجايتني في راسي الفكرة والمشكل اني كتبتها ومبعد محيتها بليفاسور يعني ربي كي يكتب حاجه
هدرت ديراكت علا القيمه لي سقساوها فالتمرين علا اساس انو هدروا عليها فالتمرين

[bouss2013]

السلام عليكم


الى الاخت المُعادلة الصّعبة هل كتبت كيف وجدت تلك القيمة ان كان كذلك على الاقل تاخذي نصف العلامة

[المُعادلة الصّعبة]

نعم كتبت الطريقه وفصلت فيها

اذا كانت عليها 0.25 لا نصف علامه لا والو استاذ هههه خلي تروح

لعل فيها خير ...

[imadsec]

السلام عليكم أستاذ بالنسبة لتمرين المتتاليات الموضوع الاول لم انتبه للاشارة عند حسابي للنهاية فكانت نتيجتي زائد مالانهاية هل يمكن اعطائي نصف العلامة و حسب تفديرك ما هي اكبر نفطة يمكن ان تكون على السؤال ؟
وشكرا

[bouss2013]

السلام عليكم

الى الاخ imadsec على الاغلب 0.5

[imadsec]

المشاركة الأصلية كتبت بواسطة bouss2013

السلام عليكم

الى الاخ imadsec على الاغلب 0.5

و هل يمكن ان يكون على الطريقة نقطة و على النتيجة و حدها نقطة ؟؟
و شكرا

[bouss2013]

السلام عليكم

الى الاخ imadsec السؤال في حد ذاته هو استنتاج النهاية اي لاتوجد خظوات كثيرة للاجابة وقد تعطى لكم 0.25 على استعمال طريقة الحصر لاستنتاج النهاية

[المُعادلة الصّعبة]

استاذ في تمرين الجبر كي سقيا على باقي قسمة 42l على 9
خدمت كلش وجبدت قيمة l و بصح درت هفوة ضيعتلي اجابتي كامل
رحت قلت بلي 7 اس 2019 توافق 0 كنت نزرب حليتو فالدقائق الاخيره
سؤالي هو اذا يحسبولي كي حسبت l ولالا !! درتو بلي هو مجموع متتاليه هندسية ومنا و هدرت بزاف بصح هوما ماسقساوش على حساب l
هل يديروا عليه نقطة الحساب هذاك ؟ ولا يحسبوا ديراكت على باقي القسمه ؟؟