اخر الروتوشات في الانجليزية

[اسلام123]

المشاركة الأصلية كتبت بواسطة Qu_een

اللي حاب يفهم دروس الــconditinals يتبع
شوف أول شيء المعنى تع الكلمة باللغة العربية معنااها الشرطية كيشغل تقول لوكاان مانعرفوش شكون رمى الفليشة على عاشور العاشر مانقدرش نكمل حياتي .. المهم هههههه
شوف كاين أربع أنواع للشرطية وهوما
Type 0 :
هنا كيما نقولو
If you heat water , it boils
لوكان تحط الما فالسخانة ، يغلي
القاعدة ديالها هي :
if + verb fel present simple , verb fel present simple !
هاذي نستعملوها باش نوصفو حقيقة علمية أو عامة
ماشي علم كبير ومايستاهلش تضيع عليه 3 نقاط
...
Type 1 :
If she works hard , she will go to university
لوكان تقرا مليح ، رايحة تروح للجامعة ( الله ينجحنا كاملين )
القاعدة ديالها هي :
if + verb in present simple , verb in future ( will + stem )
واللي مايعرفش كيفاش يصرف فالـ future
will +stem w stem = lverb bla ma t7et To sahla khlaaass
to kill ===> will kill
هاذي نستعملوها باش نهدرو على حالة من الممكن أن تحدث ماشي مستحيلة
...
Type 2 :
If i were you , i would buy a car
لوكان جيت أنا نتا نشري سيارة
القاااعدة :
If + verb in past simple , would + stem
هنا باش نوصفوا حالة من من المستحيل أن تحدث ... تقدر تكون في بلاصتو ؟؟ باش تشري سيارة يا غليظ الأنف يا اللي عندك خمسطاشنالف فالجيب :'( ... ( اني نهدر على روحي )

...
Type 3 :

If i had read the question well , i would have taken
لوكان قريت السؤال مليح لوكاان خديت المعدل ..
القاعدة :
If + verb in past perfect , would i have + past participle
( التصريف ساهل اذا كان ماتعرفوش قولولي ندير تعديل للمنشور )
هنا نعبرو على الندم .. نندمو على حاجة صرات فالماضي :'( يااا ندااماتي ماقريت حتى حصة العام لي فات وماجبدت كراس وفوتها نتفرج ف ليسيري و ليزانيم ..

اختي queen حبيت نستفسر كي ندير الطريقة تاع الوضعية تاعك نتي شحال يعطوني عليها ؟؟ توسوست ههه