منشور للاطمئنان

[LIONPOLI2]

المشاركة الأصلية كتبت بواسطة ~ شُـمــــــوخٌ ~

اهلا اختي
كيف حالك
نحن بحاجة اليكم كثييييييرا
لدي بضع اسئلة لك
المواد الادبية كيفاه تعاملتي معاها خاصة مواد الحفظ فصليلي رجااااء لاني متاخرة فيهم
الفلسفة ثاني اسكو حفظتي مقالات ولا درتي ملخصات ومقالات منين جبتيهم

أعلم ذلك لكن قدر الله و ما شاء فعل ان شاء الله نعو ضلكم هاذي الأيام
المواد الأدبية عليك بفهم الدروس و حلي مباشرة البكالوريات ف ق ط
أما مواد الحفظ
إجتماعيات كنت نعتمد على الفهم يعني في الاخير حفظت (من كتابي محمودي عادل كنت نقرا من و من "الازرق و الاخضر"
التواريخ اكتبيهم كامل في ورقة بيضاء و مرة غطي التواريخ و شوفي الاحداث و Vice versa و شوفي النتيجة و كي تكملي اختبري حفظك بحل البكالوريات و في الوضعية الادماجية اعتمدي على المنهجية يعني مقدمة و خاتمة متفوتش سطرين و العرض جملة و المطلوب تكتبيه على شكل مطات
تربية اسلامية كتاب مرسلي هو لمخير هااايل بكل معني الكلمة كل وين تكملي مجموعة من الدروس روحي حلي الباكلوريات لي راهو ذاكرها في الكتاب حتان تكملي (صدقيني ساهلة التربية الاسلامية تقدي تجيبي 20 بكل سهولة باذن الله)
الفلسفة تعرفت عليها في الشهر الاخير و شوي في الاختبارات ههههه (ليس شيء افتخر به على أية حال) بصح متكرهيهاشي و ناكد على هذا عامليها كأي مادة احفظي المنهجيات تع تحليل نص و البقية و زيدي احفظي بعض الاقوال المنوعة و مقالتين على الاقل تكوني متهنية
بالنسبة للاقوال ديري مقولتين الى ثلاث كل يوم من الان كي يجي الباك تلقي روحك حافظة ما شاء الله كان منها
تلقيهم في الموقع الاول للدراسة في الجزائر تلقي مقالات و اقوال ملاح يعطوك افكار باذن الله
و متخافييييش توكلي على ربي هو بيده التوفيق
وفقكم الله ان شاء الله نكون افدتك

المشاركة الأصلية كتبت بواسطة مريم المتفائلة

هلا بالغالبة اشتقنا لك



نحمد الله انكم هنا بجانبنا كدنا نضيع


احتي لدي مشكل مع الحفظ بجانب وحدة الميكانيك


دعواتك لناا

أهلا ههه يشتاقلكم الخير شكرا (لم اكن ابدا جيدة في المديح سوووري)
فضل من الله باذن الله متضيعوش كوراج مبقالكومشي يااسر زيروا رواحكم شوية و فيها خير ان شاء الله
الحفظ ماهوش مشكل (حقيقة يعني نيا ايضا لا احب الحفظ و منفلحشي مليح فيه بصح) جربي وش كتبت في الأعلى لشموخ ان شاء الله تساهلك و كشما احتجتي انا هنا ان شاء الله
الميكانيك كانت دايرتلي الرعب العام ليفات لذا تقدي تقولي اتفهمك شعورك
شوفي تبعي فيديوات مولاي عمار في لميكانيك كاملة و ناكد و نعاود كاااملة حتى من حل الباكلوريات في لميكانيك لي يديره باذن الله تشوفي قداه الوحدة رانا مصعبينها على رواحنا بعد الفيديوات ارجعي و رديلي بالخبر
ردي بالك تقولي لا و الفيديوات تضيعلي الوقتابدا تحكمي في روحك احكمي نهارين و انت مع لميكانيك حتان تفهميها مش تتهني مرة و للابد باذن الله
و ربي يوفقكم

أية أسئلة أخرى أنا في الخدمة ان شاء الله (أي كانت لا مشكلة)
نصيحتي الابدية لكم جااااااااامي تقولوا فات الوقت منلحقش حاولوا حتان اخر دقيقة من اخر نهار و الله لا يضيع أجركم ان شاء الله +++توكلوا على الله سبحانه بيده التوفيق و اعملوا بجد