الجزء 188 من كوزينة حراير الجلفة مرحبا بالاحباب و اشهى طياب.

[nihal159]

صباح الخير يالحراير؛ الله يبارك ماشاء الله؛ الكوزينة راهي عامرة بكل خير؛ ربي يدومها إن شاء الله.
أم رحاب الغالية و الله غير نحشم من طيابك ههههههههه تأمني بربي؛ كي نشوف طيابك ماشاء الله متقون و بنين؛ ربي يسلّم يديك و يحفظك و تكون دارك عامرة بالخير.
نظن أنّ أم مهدي و سوسو هوما إكتشاف جديد يضاف للجزء 188 من كوزينة لحراير؛ تستاهلو أحلى وسام على أطايبكم الجميلة و اللذيذة؛ سوسو أبدعتي و تميّزتي؛ أم مهدي تألّقتي و أظفت نفس جديد للكوزينة يعطيكم الصحة.
حيوتة و سعيدة الصنديدة ههههههههههه راكم قايمين بها كما يلزم؛ كلشي حطيتوه من أروع مايكون.
الجوهرة الغالية أم فاطمة؛ الحمد لله أنو زوجك راهي يتعافى؛ أعملو بنصائح الأطباء و إن شاء الله ترجعلو صحتو كما كان و أفظل.
صديقتي بيونة الحنونة؛ درتيلي خلعة حتى قلبي فسخ ههه؛ الحمد لله جات سلامات؛ استحفظي على روحك؛ ربي يتمم حملك على خير و يرزقك الذرية الصالحة.
أنا طياباتي من الأرشيف فقط؛ مادرتش حاجة جديدة.