اخي نعطيك مشورع والله ما بخلت عليك شوف اخي انت عندك مزرعة صغيرة اخدم فيها عنبر ( بولاي) مكان تربية دجاج تبعني مليح شوف الاخ المساحة تكون حسب المقدرة تاعك وستفهمني مع مواصلة القراءة تعمل في الداخل تاعة مكان للبيض عبارة عن رفوف لكي يبيض فيها الدجاج. وتعمل في الجهة المقابلة للرفوف رفوف اخر بالعيدان او القصب غرضها هو نوم الدجاج عليها ليلا
الخطوة الثانية من جانب العنبر اعمل مكان لكي يخرج الدجاج اليه في النهار قم بتسييجه ومن الجانب الاخر نفس الشئ مع العلم الدجاج يخرج لجانب واحد برك بيش ياكل الحشرات وغيرها من الأكل المقدم له والذي سنتكلم عليه لاحقا. لما تشوف المكان هذا تراكم فيه الفضلات تاع الدجاج اغلقه ورد الجاج تاع من الجيهة الأخرى وهكدا
بخصوص الدجاج استخدم دجاج العرب المعروف عمدنا في الجزائر ليس دجاج الأحمر تاع البيض دير دجاج عربي لماذا لانه لايمرض يأكل كل شئ
بخصوص الأكل روح للمطاعم يعطوك الاكل لي يبقالهم أرز لوبيا عدس هات برك وانت مرة على مرة جيبلهم كيس قمح او ذرة
رايح تقولي نخدم 50 دجاجة انا نقولك الكمية تكون كبيرة جيب 500 دجاجة اذا عندك دراهم اشريهم صغار كيما بداو يبضو
النتائج اخي بيض الدجاج العرب اغلى من بيض الدجاج الأحمر اذا كانت حبة بيض دجاج احمر تدير 15 دج دجاج العرب تدير 25 الى 20 دج عندك 500 دجاجة نفترض تبيضو نص فيهم يعني عندك 250 بيضة في اليوم أنت تبيعها بالجملة للمحلات ب 18 دج ولا 23دج احسب على 18 تلقاها عندك 450 ألف في اليوم في الشهر تطيحلك 13 مليون و500 هك بلعبة والله يا اخي ما بخلت عليك وبالتوفيق اخدمها والله غير تنجح فيها وما تندمش على كلامي علاش خاطرش ما فيهاش مرض خلاص ماتخاف من والو اتكل عللا بربي
( تقرير عن مشاركة سيئة )، و الموجودة أسفل كل مشاركة .
2018-02-01, 19:50
العرض الشجري