كاين بعض النقاط مانتفقش معاها
مثل المعاملة الحسنة من الوالد يعني يعاملو خير من خوتو
شوف أنا من صغري ماعطاولي حتي معاملة خاصة عاملوني نورمال حتي أنو بابا كان يقولي أنجح فقررايتك وماتنجحش لاشتا ماتقراش مليح ماش حاجة مهمة وهو معلم ههههههههه و أنا أصم 100 بالمائة
ومن الأساتذة لي قراوني كاين غير 3 برك عاملوني مليح
المعظم منهم كانو يهينوني ويسخرو مني حتي ولا عندي عقدة منهم وكل فرصة نتضارب معاهم حتي العامين لي فاتو قريب -كدت- تعرضت للطرد مرتين من الجامعة فماستر1 وحد الأستاذة قالت ماكانش منها أنك أصم و نتا قريت حتي للجامع بلاما تدوبلي أنت باين تسمع
و أنا فقدت أعصابي عليها
و من كي كنت فالإبتدائي وأنانتعرض للسخرية والتنمر وكنت نقول لبابا بصح مايتدخلش وماحامييش عليا ويقولي أتعامل مع المشاكل تاعك وخدك والله يبارك فيه لوكان ماقالهاليش كون مازلت نتعرض لنفس المعاملة ومن بداية الإكمالية إلي نهاية الماستر إعلام آلي و انا أي حد يحاول يسخر من الصمم تاعي و لا يتنمر نهشملو وجهو ماتفهمونيش غالط مانيش شيطان ولا.... هذا هو الحل الوحيد لي لقيتو مانشكي لحتي حد واش يصرالي نتعامل مع المشاكل تاعي وحدي هاذي كامل بسبب التربية تاع الوالدين
وهكذا نقول لأي والد عندو طفل من ذوي الإحتياجات الخاصة ماتهتمش بالمعاناة لي يعطيها الغير لإبنك أهتم بتعليمه كيف يتعامل معها .... والله يكبر مليح
مايهمش تعامل المعلم أو الجيران أو الأصدقاءء أو الناس بل الوالدين فقط
( تقرير عن مشاركة سيئة )، و الموجودة أسفل كل مشاركة .
2018-01-06, 16:42
العرض الشجري