استفدت من طريقة مراجعتك , افدنا بها فضلا لا امرا

[فتاة مغامرة]

المشاركة الأصلية كتبت بواسطة .ندوشة.

السلام عليكم
فكرة جميلة أختي
بالنسبة لبرنامج مراجعتي
اليومية :
لست من النوع الذي كل ما يكتب درس يحفظو لكن في المواد العلمية نحب نعاود نقرا الدرس و نشوف عليه تمرين و لا زوج باه نفهمو ملييح و المواد تاع لحفاظة نشوف معاهم غير كي يقرب الامتحان
ايام العطلة :
كيما يقولو كامل هه السمانة لولا نريح و الثانية نقرا انا لا نقرا ابتداءا من الويكاند لول بعد نحضر جميع الدروس تاع عربية و المواد تاع لحفاظة ندير وش عندي وظائف نحاول نكملهم في يومين كامل مبعد تجي السمانة اذ كاين بروجيات ندير وش عطاونا في يومين لا أكثر من بعد نروح نحفظ الدروس لي زدناهم على الامتحان باعتبار االفصل الثاني قصير و علابالي راح نحفظ في وقت محصور و ما نخدمش دونك نحفظ فالعطلة نحي عليا و الايام لي بقاو نحل تمارين ووضعيات ادماجية وقت ما نحب مش نهار كامل يعني ما نضغطش روحي تقول باك
و السمانة الثانية نريح و نحوس و نكونكتي في راحتي ههه
اما ليلة الامتحان
المواد تاع لحفاظة نكون ديجا ريفيزتهم فالويكاند لي قبل الامتحان اما لعشية تاع كل نهار و لا الصباح بسك كاين لي يعقبوا الصباح و لالعشية ندير فيها اللغات (عربية فرنسية انجليزية ) على حساب واش عندي النهار لي وراه و المواد العلمية ثاني نحل فيهم تمارين بزاف لاني نكون مريفيزية قبل (مراجعة يومية)
هذا برنامجي البسيط جدا جدا
موفققةة

ماشاء الله عليك ندوش
طريقتك مميزة في الدراسة
وحتما ساجربها وساستفيد منها
وفك الله حبيبتي وان شاء تدى المعدل اللي حابتو