ما رأيكم بعقلية زوجي

[بناتي نور العين]

لالالالاللالا لاتنصحوها بالطلاق يا اخوان بالعقل يا اختي بالعقل

شكون قالك بلي كامل رانا عايشين بدون مشاكل

يا اختي انا متزوجة و ايضا كاين مشاكل كيما راكي تحكي

لكن مايوصلش الامر الى الضرب لكن صدقيني منزيدش معاه نحاول نسكت ومانردش عليه

و نساعفو و نحاول نرضيع بأي شكل من الأشكال

بأي طريقة نكسب حبه وقلبه

و فيما يخص راكي تقولي انا نصالحه عادي الزوجة قلبها كبير و تتحمل و نتي حافظي على دارك وراجلك وربي يجازيك و يهديه لك

صدقيني زوجي تحسنت معاملاته تجاهي بعد الدعاء المستمر في الصلوات اللهم سخره لي و لين قلبه علي

ننصحك متخشنيش راسك و اكسبيه بالشوية بالشوية

و هدري معاه علابالي من اللول متجيبش النتيجة لكن مع الوقت مع المفاهمة و الدعاء راح يتحسن

قوليله ميهينكش و يتهلا فيك و حاولي تقولي ليماك او باباك يهدر معاه

و ربوا ولادكم مع بعض و ربي يفرج قريبا ان شاء الله

بدلي شوية البسي مليح اصبغي شعرك و خلقي جو بينك وبينه ومتبينيلهش انك كرهتي منه

بالعكس قوليله انك تحبيه و لازم يتهلا فيك و ووو ....

حاولو انكم تستقلو اذا عندكم الامكانيات

و حافظي على زوجك و ضحي شوية اختي و صبري و ماتسمعيش كلام الناس والله تندمي يا اختي متيتميش ابناءك

و الله العظيم الدعاء الدعاء ثم الدعاء و رايحة تشوفي يا اختي

و كاع رانا صابرين و الحمد لله

متخمميش فالطلاق نحيه من راسك

و ان شاء الله ربي يفرج عليك

وننصحك نصيحة من اخت لاخت روحي رضي زوجك و ارجعي له و كيما قلت لك بدلي شوية اللوك قصي شعرك اصبغي اشري قش جديد

و مام ولادك اتهلاي فيهم

وارجعي لبيتك اتصلي بيه و قوليله انك تحبيه وماتستغنايش عليه وهو افضل اب وافضل زوجك اكذبي شوية هههه

و حاولي انك تغيري من عقليته

و حافظي على بيتك متسمحيش في راجلك وتيتمي ولادك


وادعي الله هو خير معين يا اختي