الجزء 183 من واش طيبتي اليوم كوزينة القلب الصافي و الذراع الوافي - الصفحة 73

أم رقية نسرين · 2017-11-10, 21:51

بالنسبة لوصفة اليوم**** هي وصفة اقتصادية سهلة وسريعة والنتيجة رااااااائعةهي عبارة عن كيكة من دون بيض ومن*دون اواني فقط نحتاج الى قلب لطهي الكيكة وملعقةاشكر كثيرا صاحبة الوصفة الاصلية* للامانة انا غيرت في المقادير*لكن الفكرة اخذتها من النت*المقاديرانا استعملت كأس سعته مل250كأس فرينةكأس حليب5 م ك سكر5م*ك زيت3 م ك كاكاوكيس ونصف خميرة كيميائيةللتزيين علبة شكولة امباسادور انا استخدمت مزيج بين شكولة سوداء وشكولة بالحليب علبة دانيت ذوق شكولة
الطريقةناأخذ قالب متوسط الحجم** بدون دهنه بالزبدةنضع فيه الفرينة* والسكر والكاكاو والخميرة*نخلط هده المقادير بالملعقة داخل القالبثم نضيف الزيت والحليب ونخلط بالملعقةنمسح اطراف القلب وندخلها للفرن مسخن مسبقا على 180 درجةهذا شكلها بعد الطهينتركها تبرد تمامابعدها نذوب الشكولة على حمام مائي ونضيف لها علبة الدانيتنضعها فوق الكيكة وتزين حسب الرغبة انا وضعت شعيرات الشكولة يعني تزيين بسيط جدا بساطة الوصفة

Fifilondon · 2017-11-10, 21:51

السلام عليكم واش راكم لباس ؟
نشكر كل من هناني بعيد ميلادي يعطيكم الصحة وربي يفرحكم ان شاء الله
اليوم فوت نهار شباب جبتلكم تشوفو الكواليس كل شيء كان بسيط وسامبل ملشي حاجة كبيرة بصح للحمد لله .
.

أم رقية نسرين · 2017-11-10, 21:53

ريمة ختي راني نقلتلك الوصفة من المدونة بصح دون صور النت ثقيلة عندي و راكي مغلطيش في الإسم

أمنية غفران · 2017-11-10, 21:55

مرحبا اخواتي و صح عشاويكم كامل

و اسفاه راحت عليا شربة بيضا الليلة يا اختي ريمة جاونا ضياف درت غراتان كرم محشي بدجاج مرحي ماكانش متوفر اللحم

ام هدول بصحتك اللوبيا ماشطو خرجت لك هايلة يهمني راي الجمهور شا قالو لك و فكرة مليحة كي خليتي صوص بجيهة انا نحاول ما نخليش غراتان ماشف نديرها كيما شفتي في الصورة امممممممممممممممم بصحتكم

أخواتي كامل يعطيكم الصحة واش حطيتو ربي يحفظكم

تفضلو عشانا و درت بريوش لقهوة الصباح بالعجينة عشر دقايق زدت شوي سكر برك

تفضلو وصفة غراتان الليوبيا الي دارتها صديقتي ام هدول

في أمان الله

أم رقية نسرين · 2017-11-10, 21:55

امممم بصحتكم فيفي ختي ربي يطول عمرك المهم هو القيمة المعنوية ربي يخليلك حبابك و يخليهم ليك

Fifilondon · 2017-11-10, 21:56

وهدا اطباق وجدتهم للعشا خفيف سىطة مقارون و براك تركي بالسلق والفرماج واعواد الشواء بالدجاج

طيور الجنان · 2017-11-10, 21:57

ريمة بصحتكم لابيري و زيد بالمرقاز يامممم اكيد تهجمو عليها . الوصفة حطتهالك مريم .
مريم انا تاني نوض جيعانة لازم نشرب الحليب ههههه.
فيفي اكيد كل شي بسيط يكون جميل بصحتكم الكيكة بسيطة و جميلة و هذاك لاتاي يشهي بصحتكم بالهنا ان شاء الله.

Fifilondon · 2017-11-10, 22:00

الله يسلمك اختي طالبة تاريخ على ما اظن مريم يعطيك الصحة شكرا على كلامك الطيب يا طيوبة

طيور الجنان · 2017-11-10, 22:01

امنية بصحتكم الغراتان قصدي بصحتهم ضيوفك روحو عليك الشربة و زادو تمتعو بالغراتان و روحو ياسعدهم يبان يشهي .
فيفي بصحتكم لعشا و البوراك خرجلك هايل حتى لي بروشات ماعندي مانقول ربي يهنيك.

Fifilondon · 2017-11-10, 22:02

الله يسلمك سعيدة ختي ربي يفرحك ويعيك ماتتمناي شكرا ربي يحفظك

Fifilondon · 2017-11-10, 22:05

اممممم امنية الله يبارم كل شي يشهي بصحتهم ضيوفك

طيور الجنان · 2017-11-10, 22:07

امنية الغراتان تاع لوبيا ماشطو تشبه لطريقتي بصح انا نقلي الماشطو في الزبدة و نديرلها ثوم و ملح و فلفل اسود وكي يتبدل لونها نحطها تتقلى مع اللحم و طيب معاه تكون مرقة قليلة برك و نكون قليت بطاطا نحط الماشطو و البطاطا و نفتت اللحم و نصب هاذيك لاصوص و نكسر البيض و نحطها تتجمر في الفور و المرق نديرو احمر و ساعات نديرلها تاني لاصوص طومات من فوق و نكسر فوقها البيض.

طيور الجنان · 2017-11-10, 22:08

اااامين فيفي اختي ربي يخليك.

أم رقية نسرين · 2017-11-10, 22:52

هههه سعيدة رانا كيفكيف
يعيشك فيفي ختي
امينة بصحتهم ضيافك القراتان كرم راهو يسخف و تاني البريوش هايل و خفيف يعطيك الصحة
ايا تصبحو على خير

RIMA.87 · 2017-11-10, 23:54

اقتباس:

المشاركة الأصلية كتبت بواسطة طالبة تاريخ

ريمة ختي راني نقلتلك الوصفة من المدونة بصح دون صور النت ثقيلة عندي و راكي مغلطيش في الإسم

جزاك الله خيرا اختي مريم