الجزء 183 من واش طيبتي اليوم كوزينة القلب الصافي و الذراع الوافي

[nihal159]

وآآاع راني نبكي و قلبي الصغير لحنين كسرتهولي أمينة مولات الكوزينة؛ علاه يا أمينة مايغيضكش قلبي لي حبك من كل قلبو ههههههههههههههههههههههههههههه.
كيفاش ماتعلقيش على الهمبرغر تاعي و العيش و غراتان البادنجال كيفآآآآآآآآآاش ( هههههههههههههههههه).
درتي غلطة فادحة و لازم ترضّيني بأي طريقة مالح أو حلو هههههه دبري راسك.

[أم رقية نسرين]

نهولة سخفتيني عالصباح ابعثيلي هداك البريوش نشرب بيه الحليب امممم يهبل يعطيك الصحة
الله يبارك على الأخت البحر الصافي سخفني المقرود نموت عليه بكل اشكالو
انا اليوم غدايا بواقي درت قراتان بطاطا بالطون و البيشاميل و قعدتلي المحجوبة نزيد سلطة إن شاء الله و الحمد لله

[RIMA.87]

السلام عليكم ،
يومكم مبارك و طيب اخواتي في الله ،ام هدو امنية ،القبايلية و الوافدة الجديدة sam 16

[nihal159]

أم هدول؛ شكرا حبيبتي على التشجيع؛ ماكانش حاجة تضاهي أكلنا التقليدي لا همبرغر لا بانيني يحيا التقليدي هههههههههههههههه واش رايك فالشعار؟؟

[ام هدول]

ام فاطمة ....طالبة تاريخ ....نهولة ..امنية صاحبة الخيمة المميزة ..وقيلة ماشفتيش البريوش ..ولا كيفاش ندير معاك ..خخخخ..شكرا على نقل صور بحورة الرايعة
حيوتة ...يسقسي عليك الخير ...حبيتي ...لنات راهم يسلو عليك وعلى وليداتك ...
سحوبة ....طيور ....البدرية ....ريمة .....كلكم ..كلكم .....ماشاء الله .غدا يا بواقي عندي الجاري والحمص من البارح ..ادن فلابد من القضاء عليهم اولا ...خخخ ونشري الخبز من عند عمي البولونجي لعشية يرحمها ربي ..سلالالالام ....

[طيور الجنان]

سحابة و اخيرا زال العجب انا ماعرفتش الباذنجان خلاص يعطيك الصحة يالفحلة.
حيوتة حشمتيني بكلامك الغسل ياعسل ربي يخليك و يحفظلك احباب قلبك يارب لكن طيابك لا يعلى عليه حنونة بنة و بها.
البدرية الف مبارك مازاد عندك ربي يحفظو و يجعلو من الصالحين .بصحتكم اللفت.
امنية شكرا على الرابط بارك الله فيك و بصحتكم الكسكسي في انتظار صب الرشراش نحبو هاذ القاطو .
قبايلية اختي معريفة خير .
نهولة البريوش خرجلك فوور و الكسكسي قالهم اقعدو هنا سلمي على لميمة و قولها يعطيك الصحة فكرتيني في ميمتي .
البحر الصافي البوراك خرجلك هايل بصح الشخشوخة غطات عليه هههه يامي يامي هاااايلة راكي حرة الحراير الله يبارك

[البحر الصافي]

صباح الخير عليكم يا الزينات واش هذا الخير تبارك الله عليكم يا الفحلات
كل وحدة باسمها وراهي حرة لحراير

[طيور الجنان]

غدايا اليوم بواقي البوراك و زدت معاه عدس و سلطة و الحمد لله.

[ام هدول]

ههههههههه ..نهولة راني معاك في الشعار ..ضالمة او مضلومة .....وفي مايخص امينة ....ياويلها....مسكينة الخدمة والدار وزد ناها حنا ..ههه ربي يكون في العون .....انانروح قبولاتي .....شربات خواتي شربات ....كلكم ...ههههه

ايه قبل مانروح نججد الدعوة ..للحيوتة وللامينة ..وللبحورة ..كلكم ....ولي عندها شعار ...نهولة وحابة تحملو معنا ..وللامام ..

.https://www.djelfa.info/vb/showthread.php?t=2107891

[البحر الصافي]

يالهوي ياامنية واش هذاك الخير ولكلام الزين تعرفي طيابي معرفتوش من الحطة لي درتيهالو ياعيني على هذاك الكادر يهبل وهاذاك الاسم كيفاش متحوف من بداية دخولي للمنتدى ماحطيتش طبق مزوق ومتحوف هكذا نصور ونحط وخلاص ههههه .......زادو في النص شكرا ليك يالالة يامولات القلب الطيب خاصة تعبيرك الراقي على كل طبق
شكراااااااا
طيور الجنان انت ايضا حرة لحراير متشرفين اختي
ام هدول كيفاش اصبحتي اختي راكي منورة وصامدة في الكوزينة
استناوني نزيد نشوف ونعلق اختكم هرمت ورجع مخها قد مخ العصفور

[وردة الرمال43]

صباحكم فل وياسمين يا حلوين يا حبيباتي وعزيزاتي الغاليييييييييييين توحشكم بزززاااااااااااااااااااااف برشششششششة برششششششة اويييييييي اوييييييي وسامحوني طولت الغياب بصح راكم ديما في بالي والله مانقدر ننساكم
ربي يعطيكم الف صحة وعافية على كل اطباقكم ووصفاتكم ونصائحكم وافكاركم والله رانا نستفادو ومازلنا ان شاء الله وان شاء الله نفيدوكم احنا تاني
واش نقولكم فوت ايام صعبة شوية كليتها بزدرة ماعندي مانحكي ابني وقريب فرطت فيه باه مانعديهش وزدت مانجحتش في مسابقة الدكتوراه وااااااااع يعني ماوجدتش روحي مليح كنت لاتية بالتربية هههههه وزاد توفى جارنا وفاميلتنا واب صاحبتي بسكتة قلبية كان والو مابيه فوت الويكاند عندهم وزاد اب زميلة في العمل وزاد خال مرت خويا ربي يرحم الجميع ويصبر اهلهم ويرزقنا حسن الخاتمة وزادت النات ماكان ماكان والله شحال من مرة نكتب رد ومايفوتش
المهم بوركتن على مجهوداتكن ودمتن متألقات

[البحر الصافي]

المشاركة الأصلية كتبت بواسطة nihal159

أم هدول؛ شكرا حبيبتي على التشجيع؛ ماكانش حاجة تضاهي أكلنا التقليدي لا همبرغر لا بانيني يحيا التقليدي هههههههههههههههه واش رايك فالشعار؟؟

اشاطرك الراي اخت نهال ماكانش مثل اكلنا التقليدي وحتى الشبيبة يحبوه
وهاذيك البربوشة ممممم تشهي ربي يحفظ لميمة

[البحر الصافي]

اهلا وسهلا بوردة الرمال.... والقبائلية ....والجدد ...فيفي ....وام فاطمة قالولي على اكلك يشهي حابة نشوفو اكيد .....واننساش ريمة ياريمة نتفكرك نهار درتي مقروضي وصفة مصغرة وحطيتيه راهو في الارشيف تاع الصور والا كنت حطيتو للاخت لي طالبة وصفة المقروض تعرذرني مازال ماحفضتش اسمها جربيه وعينيك مغمضين وصفة ناجحة
نشكركم كامل من كل قلبي وشكرا لي عجبكم طيابي ونستسمحكم نكمل غدايا لي هو حسوة حاااااارة في هذا البرد دفي الركابي

[البحر الصافي]

نسيت نقلكم البوراك التركي عملتو بوحد الوصفة من اليوتيوب رووووعة قناة ماشي معروفة بزاف ويجي هايل ومقرمش ولابات تاعو في العمل نفس طريقة الكرواصو
وراهي طبقاتو الاخت ام وليد ايضا هو بالذات والصفات وللامانة طبقتو قبلها ههههه كان تحبو تحربوه هاذيك هي الطريقة مع بعظ الاختلاف الطفيف ليس مهم
وهاذي حسوتي طبق الاصل على هاذي من الارشيف
يحيا الاكل التقليدي والجزائري

[أمنية غفران]

يا حوجي نهولة و أم هدولة كلو و لا زعلكم تأمنو و قيلة علقت في قلبي ههههه يعطيكم الصحة و ربي يحفظكم من همبرقر للبريوش تسلم إيدكم

وهاكم ملوي مع كويس آتاي الله الله


.........................................

راني شفت الرابط هدولتي من بعد نخصص ليه جلسة سبيسيال يعطيك الصحة

تحياتي