الجزء 183 من واش طيبتي اليوم كوزينة القلب الصافي و الذراع الوافي

[ام هدول]

الحمد لله سعيدة لي ريحتي من السعله .....يأبر ألبي معز يخي هكه اسمو مانسيتش....ههه الوصفة..لي معتمدتها تع مشرفتنا زينب نبعنلها تحياتي عندها مدة مابنتش ان شالله تكون بخير ...اسناي دكه نجيبهالك

[ام سراج وملاك]

المشاركة الأصلية كتبت بواسطة طيور الجنان

ام يوسف بصحتكم البيتزا حتى انا جربتها عجينتها خفيفة تهبل.
ام سراج و ملاك الف مباااارك مازاد عند خوك يتربى في عزهم ربي يجعلو من الصالحين.
ام سراج و ملاك حبيت نشكرك على وصفة خبز بدون لمس العجين عندك بزاف من لي حطيتيها هااااايلة صارت وصفة معتمدة عندي منين نسخف على الخبز ندير خبزة سااااهل و مايديش الوقت يعطيك الصحة و ان شاء الله تزيد تدخل الاخت ام فراس تزيد تفيدنا بوصفاتها.

صباح الخير للجميع
شكرااااااا اختي طيور الجنان على الثقة بارك الله فيك

[ام هدول]

هاي ليك الوصفة طيور ....
صباح الخير ام ملاك ..حتى عندي تطبيقات ليك ...وكانت ناجحة ..كما الروز ..بشكل قراتان ..يحبو اطفالي يموتو عليه ....تحلية دورالشمس الرائعة .
https://www.djelfa.info/vb/showthread.php?t=1932530

تطبيقي لي بني للاخت ام فراس ..كانت اولى تطبيقاتي الناجحة في المنتدى ....
https://www.djelfa.info/vb/showthread.php?t=1874641

الشكر ليك ولام فراس طبعا ...

[طيور الجنان]

ام فاطم صباح لهنا و الفرح.
ام هدول هههه ايه راكي مانسيتيش اسمو راني نسنا في الوصفة يعطيك الصحة حبيبة.
ام سراج الحق يقال هكذا كي تنجح وصفة نستفادو منها كامل ان شاء الله.

[طيور الجنان]

شكرا ام هدول حبيبة على الوصفة تعيشي ربي يخليك لينا.

[طيور الجنان]

انا نروح نكمل اشغالي .غدايا اليوم حمص ان شاء الله.

[ام هدول]

يا مليح ..طيور فرحتني مازال عندي داكرة ...هههه.نروح ..هداك هو الوقت ...تحياتي للجميع وصحة غدواتكم ...سلالالام...مموااحاتي

[سحابة باردة]

G]صباح الخير يالفحلات وشكرا لكل لي سقساو عليا وحتى لي نساوني نقولكم يسقسي عليكم الخير توحشتكم كامل كنت في دارنا ميمتي مريضة شوي بصح تحتمتلي نرجع لداري شفتو اللي تسكن بعيد تسوفري
أم هدول مقدرتش نقاوم لي بيني يشهو مع الصباح ام فاطمة نتي ثاني كملتي عليا بصابلي
امنية شفت في الإقتباس درتي الدولمة بصحتكم يالساجية
سعدودة راكي ناشطة في الكوزينة منخافش عليك وبن كنتي مخبية علينا هذا المواهب هههه الله يبارك
المهم مارجعتش بزاف متعبونيش راني جاية من سفر بعيد ساعفوني انا خيتكم ولو ههههه
شفت ثاني دخول أختنا ام سيراج وملاك نورتي الكوزينة بطلتك وألف مبروك المولود الجديد يتربى في عزكم ان شالله



و مع قاطو الشيرات زدتكم عصير التشينة الطبيعي خلطت معاه حليب أوبي علامة للاقريب ونشاط مع طرونشا من كيكة التفاح
حقا أمنية الكيكة أكيد بنينة وخفيفة ودي عايزة كلام أقرايها بالمصرية

[ملاك ملاكي]

صباح الخير للجميييييع+++موااااااحاااتي الحارة لكل واحدة فيكم حبيباتي
اعتذر والله ماااني مراجعة حاجة والله دخلت على جال هدولتي عيطتلي اختي امي جنتي قاتلي راكي درتي عييييب في ام هدول واااااع والله اعتذر موش بالعاني كي قتلك كنت في دارنا وامس روحت ماكانش النات..... الصباح هادي لقيتهم سلكوها هاهاهاها المهم حبيبتي اعتذر وااااي ليك الوصفة لي انا معتمدتها من بديت نلبز تفضلي حبيبتي
العجينة ومقاديىها بالترتيب:
250غ فرينة+125غزبدة بحرارة الغرفة+برش ليمونة او فاني+م. ك سكر+رشة ملح+صفار بيضة.... ولمي الكل مع بعض حتى تندمج المكونات (خليط رملي) واذا ملتلمتش ضيفي تقريبا 2م.ك ماء بارد جدا ولميها وخليها ترتاح في الثلاجة لمدة(30_45د)
اطرحيها في مول او دي مول واثقبيهم جيدا وحطيهم يطيبوا..... بعدها عمريهم بالكريمة.... ثم زيني بشرائح التفاح نوعا ما رقيقة ثم رشي رشة سكر عادي وحطيهم في الفرن (لون ذهبي)
الكريمة:
من جهة نص لتر حليب على النار حتى يغلي
ومن جهة اخرى 2بيض+100غ سكر عادي+60غ نشاء=5م.ك+برش ليمونة+فاني... وضربي الكل مع بعض تم ضيفي تقريبا كاس حليب يغلي وخلطي.... تم فرغي الخليط كاملةفي كسرونة ورديه على النار مع التحريك باستمرار حتى تعمل فقاعات طفي التلر وكملي التحريك حتى تصبح ملساء+م. ك زبدة وحركي جيدا... فرغيهاةفيةصحن غامق وذري عليها رشة شكر عادي وغطيها بالبلاستيك وحطيها في الثلاجة وعنج الاستعمال عاودي حركيها مليييح وحطيها في لابوش ادوي



واعتذر منك والله ماكان قصدي نهرب بالوصفة هاهاهاها نتمنى تجربيها ونشوف تطبيقك

يالا خلي نبدا في المحااااربة هاهاهاها بما انه ملاكي الصغير رقد ولي عودة باذن الله

[أم يوسف2]

سلام ام فاطمة وام هدول مشكورات نضت على جال ابو الفلوس خخخخ ياك يروح يخدم شوية بعيد
والضرسة لوكان صبت راني نحيتها لكن ماحبوش قالي الطبيب حتى يروح التنفاخ راني نستنى
نقوللكم راهي نافحتلي على قلب اللوز نخدمو لكن حتي نتهنى من الضرسة باش ناكل ونستمتع

[أم يوسف2]

اليوم فطوري شربة بالدجاج وسلطة وديسار تفاح للي عندو سنين صحاح ماشي كيما انا خههخ

[أم يوسف2]

لي عندهم اطفال روحو شوفو طريقة صنع عجينة الصلصال تاع قناة مريومة روعة انا وحدة وليدي يحرن لباباه حتى يشريلو تقريبا كل يوم وريحتها بنزين ويلصق اللون فاليدين يااااع لكن مريومة هناتني ربي يهنيها

[طيور الجنان]

سحابة ربي يشفي لميمة و يخليها تاج فوق روسكم ااامين.صح اللي بعيدة دايما تعاني الحمد لله الصحة و الهنا برك. يعطيك الصحة على الكيك و العصير يبان بنيييين. شكرا على المجاملة لا مواهب لاوالو واش يجي معاكم يالحراير.
ام يوسف بصحتطم شربة الدجاج خسارة راح عليك التفاح هههههه. صح العجينة دايما نشريوها و الاولاد يموتو عليها.
غدايا كان حمص و هاذو لي بينيي درتهم على جال وليدي يحبهم بصح ماكثرتلهمش السكر من فوق لانو زوجي مايحبش الحلاوة بزاف

[سحابة باردة]

سعيدة بصحتكم مرقة الحمص هذا مايليق مع البرد ولي بيني يشهو بصحة معز
حقا نسيت فيفي لندن نقولها يسقسي عليك الخير حبيبتي واش راكي مع الغربة وبصحتكم ماكلة البلاد وربي يخليلك لولاد أيا لحنيها على ذوقك
جبتلكم فطور الجلبانة

[انا هي رزيقة]

السلام عليكم نهاركم زين و معطر ورد و ياسمين و رياحين كيفكم فحلاتي الطيبات ان شاء الله بالف خير يا رب .... اختي سحابة ربي يشفي الوالدة الكريمة يا رب و كل امهات المسلمين ..... و يا عمري على الكوزنية منورة و تفتح النفس بعودة الغوالي ام رحاب و ام اسلام و ام سراج و ملاك الفين هلا بيكم فحلاتي الطيبات و الله سررت برؤية توفيعاتكم الجملية و الف حمدا لله كي راكم بخير ... ملوكتي المدللة و اختها الفحلولة الصغيورة مهذا الجمال سخفتونا بتارت التفاح يا موصايب ... و الله حيرتوني شكون نخير في زوج فيهم واو و نزيدلهم واو .....خخخخخخ مشاء الله عليكم و ربي يحفظكم للوالدة الكريمة و الله انتن فعلا رائعات دون مجاملة
حراير الكوزنية امنية ام هدول الحلوة سعيدة ام يوسف ام فاطمة التلمسانية فيفي لندن حيوتة بنت خالتي بيان سحوبة شكرا على كل الشهيوات لي راكم تحطو فيهم و الله دون مجاملة كل وحدة فيكم راهي تقول لاختها بعدي لهيه ....... خخخخ بصح وين تبعد يا حوجي ماكنش بلاصة.... خخخخ دمتن دائما رائعات حبيباتي..... لاحظت غياب صديقتي نهال ........ وين راكي يا نهال يا ك غير الخير اظهر و بان و عليك الامان يا جميل .....