#..صباحكم همة ونشاط~ يومكم الاول - الصفحة 3

طالبة لها هدف · 2017-09-06, 13:55

اقتباس:

المشاركة الأصلية كتبت بواسطة abir sweet

والله راني قلقانة اخر معرفتش واش ندير الاساتذة لي حكموني معجبونيش معنوياتي فالزيرو مافهمت والو نبدل ولا لا راني في حالة ربي يجيب الخير

متحيريش روحك عبير
ديري صلاة استخارة يفرج عليك ربي همك
ما تتقلقيش

طالبة لها هدف · 2017-09-06, 13:56

اقتباس:

المشاركة الأصلية كتبت بواسطة mohamed.2000

جاتنا استاذة الفلسفة بدات تتفلسف وتسقسي على الفلاسفة المهم القسم كامل ماشي فاهم والووو الا انا كنت قد اطلعت على كل تفاصيلها
وجا استاذ فيزياء اول مرة يقريني بصح يقولو مليييح شرحلنا جميع الوحدات
المهم قالونا مزيدوش ترجعو حتى نهار الاحد نشاله

نورمالموا رايح تبدل المؤسسة ... لالا !!
ياك حاب تدير طب
الا كانت المؤسسة هاذي متخرجش عليك لازمك تتبدل بالغصب عليهم
مستقبلك ما تضيعوش في خاطر مدير

طالبة لها هدف · 2017-09-06, 13:57

اقتباس:

المشاركة الأصلية كتبت بواسطة ~ ساجده لله ~

السلام عليكم ..

دخوول موفق ..

اناا متحمسة لخرر ..

وزيد عاجبني الحال ..

المميزات والخصائص ..

- الطاولة الاولى في الصف الأوسط ..

- الأستاذة خياارهم أقصد العلمية ..

- المواد العلمية في الصبااح ..

- قسم به 15 تلميذ ..

والله لي مش حاب يقرا يولي يقرا ..

اول عام يجيني زهر كيما هكا .. قولو ربي يبارك ..

هههه ..

وزيد كملت الفرحة فرحتين أختي دخلت للأولى ثانوي وجينا ثاني أقسام تحت بعضاها من حذا الدرووج ..

في الصح الصح .. رووعة وان شاء الله يفوت العام كامل هكا ..

فرحتلك قدس حبوبتي
ربي يكملك كيما هاك
اتعبي برك
ان الله لا يضيع اجر من احسن عملا

طالبة لها هدف · 2017-09-06, 13:58

اقتباس:

المشاركة الأصلية كتبت بواسطة عزيزة aziza

بالنسبة لصباح اليوم كان عادي رحت الصباح تفاجئت انو في القسم نتاعنا 38 واحد اكل يحوسوا يخطفوا لبلايس الاولى جاتنا غير استاذة الاجتماعيات معطاوناش التوقيت ربي يستر الاجواء غير مشجعة للدراسة

لا باس عليك برؤية اساتذة المواد الاساسية كل شيء يعتمد عليهم و عليك

طالبة لها هدف · 2017-09-06, 13:59

اقتباس:

المشاركة الأصلية كتبت بواسطة إينَاس

الحصة الأولى كانت علوم ، استاذ لاباس الحمد لله ، أعطانا لمحة عن البرنامج و شرح بعض النقاط المهمة بشكل سطحي

المشكل أنو قسمي العام يلي فات كان قسم رائع و جد تنافسي ، وش دارو السنة هادي ؟ ،
حطو الطلاب تع قسمي يلي فات كلهم في قسم واحد إلا أنا حطوني في قسم وحدي

لازمك تلقاي حل و ترجعي
ولا نقلك سع شوفي القسم لي راكي فيه
بلاك ممتاز و افضل
استمري ليوم اخر و شوفي واش يناسبك بسرررررررعة انوسة

طالبة لها هدف · 2017-09-06, 14:00

اقتباس:

المشاركة الأصلية كتبت بواسطة amina dina

اليوم كان يوم رائع الساعة الاولى قرينا العربية والاستاذ هايل قراني العام لي فات مي الساعة الزاوجة قرينا مات وهاد الاستاذة جديدة ماعلاباليش الا تفهم ولا لا
وهي جد بطيئة فالنطق نعستني ههه
ومن بعد خرجنا
وتفاهمنا ما نروحوش حتى نهار الاحد

استغلوا الايام هاذي في المراجعة و الحفظ
لا للتسويف

ترانيم الامل · 2017-09-06, 14:30

السلام عليكم ورحمة الله تعالى وبركاته
طبعا بالنسبة لليوم الاول كان يوما جد عادي ، لم نعلم بعد بالاساتذة الذين سيدرسوننا
لا نعلم بعد متى سنبدأ الدراسة رسميا
بصراحة ذهبت اليوم للحصول على التوقيت لكن لم يعلمونا به اليوم
بالتوفيق ان شاء الله

sousi.dz · 2017-09-06, 15:07

يوم رااااائع بأتم معني الكلمة
الساعة الاولى كانت فراغ روووعة
الساعة الثانية شريعة : وكانت الصدمة كنت حاطة يقريني ولد عمي نفس استاذ العام اللي فات وكانت الصدمة استاذ ثقيييل رهج صامط يقتل مايعرف والووو
ومباعد ساعتين مات مي قرينا ساعة برك الاستاذ قمة ربي يبارك احسن استاذ على مستوى الولاية
لعشية فرنسية استاذة ربي يبارك روعة باتم معنى الكلمة وساعتين sport خؤجنا
اساتذة المواد العلمية قاااااع ملاح احسن اساتذة فالولاية قاااع
التوقيت مهوش مليح خلااااااااااص خلااااص معجبنيش قااااع رهج
المواد العلمية قااع ورا بعضاهم صباح كامل مواد علمية فرات ولعشية مواد ادبية فرات
رياضيات , فيزياء ، ساعتين علوم زوج ايام يطيحلي هاك الاحد والثلاثاء ياخاااه معاناة
بيانسير الطاولة الاولى الصف اللي فالوسط
القسم يعيي طلعنا نفس كلاستنا تاع العام اللي فات ممتازين ربي يبارك ومنافسة شي هوا زادولنا 4 تلاميذ مشاغبين تخلطت دوماج
على العموم يوم رائع مي راح الحماس هذاك قااع اللي كنت متحمساته بيزار

jieona · 2017-09-06, 15:20

مالغري ماعجبونيش لي بخوف نتبع استاذة العلوم هادا العام باك
نسمط عليهم حتى يقبلو يالوكان نقعد في الساحة و نبكي ههههه
الحاجة اللي عجبتني كي تطوعو تلاميذ باك 2016 و جاو هدرو معانا
جاو 2 واحد منهم جارنا جابو ب16 الله يبارك و صاحبو جابو 15 الله يبارك
مخلاوش حاجه ماقلوهاش صح استفدت منهم بزاف جزاهم الله خيرا
اللي عندو أي سؤال نقدر نسقسي جارنا و نجيبلكم الإجابة
النهار اللول صح ماكاش مليح مي راني حاسه بلي الباقي أحسن إن شاء الله
و من دوك درت بروقرامي و طلعت بزاف حوايج مازال يخصني شوي بصح نقدر نكمل بالجمعة و السبت قبل ما يبدا السيريو
ان شاء الله ننجحو كامل و نفرحو والدينا

المُعادلة الصّعبة · 2017-09-06, 16:21

العشيه رحت لليسي كي عباد ربي وقف المدير فالباب عا جال الطبليه وانا نسكن حذا الليسي قالولي قبل ما نوصل بلي لازم الطابليه رجعت للدار جبتها
رحنا ستنينا ستنينا ستنينا ستنينا والو =)
ماخلاوناش ندخلوا
والسبب ؟ الله اعلم
المدير حلف لا ندخلوا
والمشكل وين ؟ دخلوا جماعه وجماعه لالا
يعني انا والبنات حصلت مع الجمايع هذوك لي مش لابسين طابلية هذوك لولاد
ايه قلنا معليش بلاك كي عاد راح الحال ويتحسب تأخر
بقينا حتى ل2:30 قالك والو روحوا لدياركم مكاش قراية
وانا كلاستي اي تقرا والكلايس كامل يقراوا وجات فينا حنا حبات مادخلناش
يعييوا قسما عظما -_-
تعبوني والله
فففففف ستغفر الله الليسي تع الميزيرية
غاضتني العشيه مالقري كنت باغيا نغيب
ف نفس الوقت كنت متحمسه نشوف شكون يقريني مات وفلسفه
وثانيك انجلش
ماخلاونيش الله لا يتربحهم
المهم بلاك فيها خير
شكرا عالانصات لتذمري =)

المُعادلة الصّعبة · 2017-09-06, 16:27

المهم انا فلسفه غدوة صباح نقراها ان شا الله مي واحد كي تضيعلو الحصه ولو الاولى يحس روحو روطار على البقيه
هذي لي ما تمنيتهاش :'(
سيرتو الماده هذي بالذات شوقي ليها كبير
لعله خير

طيف الملاك¤اماني¤ · 2017-09-06, 16:57

اهل لينة انت لم تدخلي بعد
فات عنك يوم رااائع
كاننن روووعة

بشرئ عاشقة العلم · 2017-09-06, 17:56

انا رح نغير الثانوية غدا بادن الله
الوم عييييت و الاساتدة صراحة شجعوني بصح قلتلهم خلاص باغي نبدل مبغاوش
عياتني المديرة باش وقعت و اللله

!~•عًــ سُــيّــدٍ ــلــيّ •~! · 2017-09-06, 17:57

ربي يستر برك رحت نقرا على 8 خرجوني من المدرسة خطراتش لابس بونتاكور ومانيش مسجل سجلت وهزيت كشفي ورحت روحت للحد ان شاء الله

طيف الملاك¤اماني¤ · 2017-09-06, 19:13

عبالك اليوم يالينة كان يوم رااائع مي الادب معجبتنيش الاساتذة مي الكلاسة لخرى استاذتهم تهبل
والعلوم 3سنوات حكمتني واااع والكلاسة لخرى حكمتم استاذة تمنات نطيح عندها وتمنيت نطيح عندها