لست متحمسة كثيرااااا لهاذا العام

[المُعادلة الصّعبة]

اا سيبون فهمت مشكلتك بالضبط
خليني نقولك سبب شعورك
السبب يا مريم انو بعد ما كنتي تحصلي نتائج ممتازه في مرحله ما فكانت ثقتك بنفسك عاليه تحسي روحك قادره تحققي الاكثر
عقلك الباطني اقتنع بهذي الفكرة لانو تكررت نجاحاتك
وبعدها جاتك فترة اللي هي هذي الفتره وقدّر ربي تنزلي فالمعدل ايًا كانت اسباب نزولو
هنا جات الاخفاقات متتاليه فصار في بالك انو مريم القديمه انتهى زمنها وولى
وخلاص ماعدتش نقدر نجيب وضاعت الثقة بالنفس تاع زمان
واقتنع عقلك الباطني بالفكرة
رح نشرحلك انا الوضع اللي تمري بيه من خلال تجربتي
انتي هنا تعانين من فترة ضعف و عدم ثقة بالقدرات
شوفيني ماقلتش انتي ماعندكش قدرات وامكانيات ولا قللت منها
قلتلك انو انتي مكيش مؤمنه داخليا بنفسك وبقدراتك
يعني المشكل منك
رح نقولك انا السيناريو كيفاش رح يفوت قبل ما يبدا
وعن تجربه طبعا
انتي كي تدخلي بالعقليه المنهزمه هذي من البدايه؟ قولي هيه
حاطه في بالك ديجا ومقتنعه بلي نتيجتك رح تكون سيئة
حكمتي على نفسك بنفسك واحد لا اجبرك تعتنقي هذه الفكره عن نفسك
كي يواجهك درس صعب شوية ولا اي صعوبة رح تزيد تكمل عليك وتشجعك باش تكملي في تفكيرك السلبي
كي تجي تحلي التمرين الفلاني ومتقدريلوش؟ رح تقولي هاني عارفه روحي من بكري مانيش رح نقدر مابقيتش كي بكري وراهو صعيب ياخاه علابالي مهما حاولت منيش رح نرجع كيما بكري
وتبداي تحدثي نفسك بكلام مثل هذا
صدقيني والسبب في تحطيم مريم هنا في هذه الحاله هي مريم في حد ذاتها
انتي تصنعي في افكار ومبعد تقتنعي بيها
لذلك رح نقولك انا وش ديري
بما انو عقلك الباطني قاعد يمشي في فكرة ؟ انتي ديري عكس هذيك الفكرة باش يزيد يقتنع بيها
حبيت نقولك حاربي نفسك هذيك السلبية اللي تجلدك وتحطمك
مهما كان ضعفك واستسلامك قاومي قاومي
الحل هو انك تعاودي تجيبي معدل ممتاز بش تثبتي لنفسك انك مزالك كيما بكري
وانا نقولك مزالك كيما بكري غير تغيرت فكرتك عن نفسك فقط والاسباب ذكرتها في الاول
لذلك ماطاوعيش نفسك وماطيعيهاش جاهدي نفسك عالاقل هذا الفصل باش تجيبي حاجه مليحه عالاقل ترجع الثقه
لانو صدقيني كون تكملي هك رح تقضي على نفسك بنفسك
خليني نكملك السيناريو تاع قبيلة
المهم كي ماتقدريش تحلي التمرين هنا رح تقولي خلاص نجيب علامه مش مليحه وربي كبير
زدتي حكمتي على علامتك قبل ما تجي
العلامه هذي مهيش رح تجيك كبيرة من السما هكاك هدية
حتما رح تجي مش مليحة لانك انتي ارسلتي طاقتك السلبية وهي تحققت
كي تجيبي هذيك العلامه رح تستمري في تفكيرك
لذلك قلت لك هنا راكي انتي لي تقضي على روحك
قاومي افكارك مهما تحطمتي و استنزفتي اكملي مسيرك لازم تكوني قوية قوية
حاولي في كل مرة سقطتي عاودي نوضي مرة اخرى. وجاهدي جاهدي لاخرر نفس
قوتك هذي طبعا رح تجيب نتيجه مليحه بحول الله
اذا ماكانتش نتيجه مدرسية رح تكون نتيجه نفسية
لذلك مختصر كلامي انو متسمعيش للافكار اللي تضعفك
الهدرة لي تقوليها لروحك ديما ديري عكسها
غصبي نفسك اجبريها و ديري فوق ارادتك وحتما رح يجي يوم وتكون بارادتك
صدقيني العام هذا تاع الباك مهوش تاع هداير كيما هك
مهوش تاع تجارب ولا ضعف
عام حاسم يحددلك مصيرك ومهوش رح يستناك حتان تفيقي وتفطني
لذلك اني نبهتك من ضرك
ونفس الشي رح نديرو انا لاني حاسة بضعف من وحد الجوانب هك
المقاومه والمجاهدة و"الصبر" هوما الحل صدقيني
اتمنى افدتك