إليـــــكم التساؤلات المُتبادرة الى ذهنــي ~

[اللوتس الاحمر]

المشاركة الأصلية كتبت بواسطة الريانة الطموحة

السّلآم عليكم ،،
اخوتي في بالي وحد التّساؤلات كون تديروا مزية تجاوبوني وتفيدوني باش نحسم امري ،،
لأنها مأرقتلي تفكيري وحبيت نستشيركم
اوّل حاجه اني نخمم كيفاش ننظم المكتب لي نقرا فيه باذن الله ~
وش نحط فيه وش مانحطش
الحوايج تاع المواد الاساسيه ولا الورق لي نطبعهم ولا الكتب ولا ولا ولا .....
حبيتو يكون منظم لأنو النظام والترتيب رح يأثر بدرجه اولى على نفسيتي
خممت خممت ولكن ما لقيتش حاجه تناسبني
كل فكره نفكّر فيها نلقى روحي ما وصلتش للترتيب لي اني حاباتو
اقتراحاتكم من فضلكم
اولا اعتقد فقط انك كثيرة القلق و التفكير مجرد ملاحظة مني و انصحك بان تبعدي عنك كل هذا التفكير فلن ينعكس الا سوءا علك عن تجربة
لنعد للموضوع بالنسبة للمكتب اعتقد انه يجب ان يكون واسعا /حجمه كبير/ فيتحتاجين لوضع الكتب المدرسية .الكتب الخارجية.الكراريس.الملفات.قد تستعملين الحاسوب احيانا عليه لذلك وجب ان يكون بمساحة كافية
حاولي ان تبعدي كل ما من شانه ان يشتت انتباهك كالهاتف النقال او اللابتوب او حتى الحاسوب الا في وقت الحاجة فمكتبك يجب ان يكون اريح مكان لك اكيد بعد سرير النوم -ابتسامة عريضة-
حسنا لن يمكنني لا انا و اي اي احد اخر ان يقترح عليك النمط المناسب كليا و لا تثقلي راسك فعند بداية العام سوف تعرفين لا اراديا مايجب وضعه مما لا يجب فنحن لا زلنا نجهل البرنامج نوعية التمارين التي في المطبوعات التي طبعتيها لن يمكنك الحكم الان و لكن ان شاء الله سوف تتمكنين من ذلك مع بداية العام

،،
ثـاني حاجه بعد تفكير قررت بشأن المراجع وقررت ننقص على روحي على قد ما نقدر وما نكثرش
شوفوا المراجع لي رح نعتمد عليها و اشيروا عليّ وعطيوني رايكم
رياضيات : الكتاب المدرسي ، المُغني ، الجديد ، سلاسل الاستاذ مصطفاي ، فيديوهات الاستاذ نور الدين ، البكالوريات ، والبكالوريات الاجنبية
فيزياء : المُغني ، موقع الاستاذ فارس فرقاني ، كتاب الاستاذ قزوري ، المُراجعه النهائيه ، البكالوريات ، البكالوريات الاجنبيه *ياخي بزايد عليا ؟؟* قصدي بزايد على الفيزياء ؟
الادب : ممكن الموجه في تحليل النصوص الادبية ، البكالوريات
الفرنسيه : مواضيع البكالوريا ومواضيع اخرى
الانجليزية : المراجعه النهائيه ، البكالوريات
العلوم :الكتاب المدرسي ، حقيبة الاستاذ ابو الريش ، اعمال الاستاذ عقريب كمال ، البكالوريات
الاجتماعيات -ركزولي على وش حانقول- : الدروس نحفظهم من الوجيز لهشام كمال ، والمصطلحات والشخصيات والتواريخ والخرائط كامل من كتاب محمودي عادل ، البكالوريات
الشريعه : مُلخصات الاستاذ جمال مُرسلي ، الكراس ، البكالوريات
والفلسفه : مقالات الاستاذ شهاب اذا عطاهملي ان شاء الله ، و بلاك الانيس ، والكتاب المدرسي
بالنسبة للاجتماعيات فقط اعتقد كراسك اسوف يكون افضل للحفظ خاصة اذا كان استاذك ممتازا
المراجع الاخرى ارى انها ممتازة:d:d
،،
امم واش آخر
كاين واحد الفكرة حاطتها في راسي وقولولي اذا صائبه ولالا
شوفوا انا صحيح رح تاخذ المواد الاساسيه حصة الاسد من وقتي وهذا شي طبيعي ومعقول
ولكني حاطه في راسي بلي لا فرق بين مادة واخرى
والمعنى؟ اني نتعامل مع كل مادة وكأنها المادة الوحيدة وكانها الاساسية ونعطيها كامل اهتمامي
والسّبب اني شايفه هذا التفكير هو الطريق الى الامتياز ، رايكم رايكم محتاجتو
تفكيرك سليم اكيد فكل نقطة لها حقها عام الباكالوريا و لكن سوف تلاحظين ان تركيزك في بعض المواد سوف يختلف عن الاخرى
اصبروا نزيد نخمم كشما جا في بالي اممم
~
مازلت قيد تعديل البرنامج اللي رح نتبعو باذن الله ،، ولكن ما نظنش لاكان نقدر نكملو الا بعد ما يوافيونا بالتوقيت الزمني تاع الدراسة يعني مع الدخول
هذا وش جا في بالي
بالتوفيق
بانتظاركم وبانتظار ارائكم واقتراحاتكم خصوصا اصحاب باك 2017
شكرا

اتمنى انتكون اجابتي قد وصلتك
بالتوفيق و اكرر لا تفكري كثيرا عندما يحين الوقت سوف تبدا الامور بالوضوح شيئا فشئا اريحي ذهنك الان فهي فرصة سوف تشتاقين لها لاحقا اخيتي
اضافة اخيرة بالنسبة للفلسفة حاولي ان تعتمدي على نفسك في البداية سواءا في تحرير مقالات الى غيرها و لا تعتمدي على المقالات الجاهزة
و حاولي ان تصححها الاستاذة فبذلك سوف تقومين ب اشغال و اعمال عقلك اكثر فكم من تلميذ اعتمد على الحفظ /المقالات اقصد/و كانت النتائج وخيمة
في امان الله

[العالمة الطموحة]

اهلا ريونة صاحبة الاسئلة الوجيهة تعجبينني قسما بالله احبك في الله....بعيدا عن المقدمات لا ترتعبي قاع في نفس الوضعية عرمنا و كدسنا الالاف من الاوراق و نستناو في رحمة ربي انا اتيت لنفسي بحل ناجع لطالما استعملته اولا المثال بحبيبتي الرياضيات بعدما سويت برنامج للمراجعة عند العودة اول شئ اعيد قراءة الدرس و ان نكون فاهماتو مليح نظرة طفيفة للترسيخ وبعد احل تمارين الكتاب المدرسي المتعلقة به و كتاب المغني ايضا هنا اتوقف باعتبار اني هضمت الدرس جيدا مع مراعاة نسبية لاحترام الوقت المحدد انا قبل هذا كله احكمت كل المراجع قال هذه باكالوريات للاعوام السابقة احلها عند التحضير النهاااائي و قد احل في الباك بلون و هذه سلاسل الاستاذ مصطفاوي و بعض التماريين الشاملة قبل الفرض و الباكالوريات الاجنبية ايضا احلها قبل الفروض التي على شكل تمارين و المواضيع قيل الباك التجريبي....وان كنتي تملكين باكالوريات تجريبية فاختاري احسنها و قومي بحلها بالزمن تماما لتدرب......................و ثانيا الانترنت صراحة من كل قلبي لا استعمال عقلاني لا خوه لا للانترنت اجمعي كلش كاين مقولة تقول اول الالتزام الاعتزال ادا اردتي الالتزام بالدراسة و تصفية الذهن طيشيها عليكي و اعتزلي مواقع التواصل صراحة و لكي الخيار ثالثا النوم النوم لو ما ترقديش و تديري كيف الناس اللي تقول نوي بلونش تكملي سمانة تولي ذاكرتك بلونش تتوتري و ينساي كلش علاش كلما ....ارتحتي ماشي ياسر قد المطلوب ابدعتي اتمنى ان يزيل كل منا عن اخيه الغموض

[المُعادلة الصّعبة]

المشاركة الأصلية كتبت بواسطة العالمة الطموحة

اهلا ريونة صاحبة الاسئلة الوجيهة تعجبينني قسما بالله احبك في الله....بعيدا عن المقدمات لا ترتعبي قاع في نفس الوضعية عرمنا و كدسنا الالاف من الاوراق و نستناو في رحمة ربي انا اتيت لنفسي بحل ناجع لطالما استعملته اولا المثال بحبيبتي الرياضيات بعدما سويت برنامج للمراجعة عند العودة اول شئ اعيد قراءة الدرس و ان نكون فاهماتو مليح نظرة طفيفة للترسيخ وبعد احل تمارين الكتاب المدرسي المتعلقة به و كتاب المغني ايضا هنا اتوقف باعتبار اني هضمت الدرس جيدا مع مراعاة نسبية لاحترام الوقت المحدد انا قبل هذا كله احكمت كل المراجع قال هذه باكالوريات للاعوام السابقة احلها عند التحضير النهاااائي و قد احل في الباك بلون و هذه سلاسل الاستاذ مصطفاوي و بعض التماريين الشاملة قبل الفرض و الباكالوريات الاجنبية ايضا احلها قبل الفروض التي على شكل تمارين و المواضيع قيل الباك التجريبي....وان كنتي تملكين باكالوريات تجريبية فاختاري احسنها و قومي بحلها بالزمن تماما لتدرب......................و ثانيا الانترنت صراحة من كل قلبي لا استعمال عقلاني لا خوه لا للانترنت اجمعي كلش كاين مقولة تقول اول الالتزام الاعتزال ادا اردتي الالتزام بالدراسة و تصفية الذهن طيشيها عليكي و اعتزلي مواقع التواصل صراحة و لكي الخيار ثالثا النوم النوم لو ما ترقديش و تديري كيف الناس اللي تقول نوي بلونش تكملي سمانة تولي ذاكرتك بلونش تتوتري و ينساي كلش علاش كلما ....ارتحتي ماشي ياسر قد المطلوب ابدعتي اتمنى ان يزيل كل منا عن اخيه الغموض

يا اهليين بشريكتي في لقب الطموح
ههههه ربي يعيشك حشمتيني
احبك الذي احببتني فيه
عجبتني فكرة التدرج تاعك في حل التمارين ,, اقتراح مليح
كذلك الانترنيت اكيد معوله نبتعد عليها هههه ما نعرفش حاجه اسمها عقلانيه في النت الله غالب
نبعد وخلاص
تعيشي على المرور والاهتمام اختي ربي يبارك فيك ،،
اي حاجه احتجتيها كذلك انا موجوده باذن ربي
الله الموفق

[المُعادلة الصّعبة]

المشاركة الأصلية كتبت بواسطة اللوتس الاحمر

اتمنى انتكون اجابتي قد وصلتك
بالتوفيق و اكرر لا تفكري كثيرا عندما يحين الوقت سوف تبدا الامور بالوضوح شيئا فشئا اريحي ذهنك الان فهي فرصة سوف تشتاقين لها لاحقا اخيتي
اضافة اخيرة بالنسبة للفلسفة حاولي ان تعتمدي على نفسك في البداية سواءا في تحرير مقالات الى غيرها و لا تعتمدي على المقالات الجاهزة
و حاولي ان تصححها الاستاذة فبذلك سوف تقومين ب اشغال و اعمال عقلك اكثر فكم من تلميذ اعتمد على الحفظ /المقالات اقصد/و كانت النتائج وخيمة
في امان الله

اهلاً ،،
طبعًا وصلت فكرتك الحمدلله ~
بالنسبة لـ كثيرة القلق والتفكير يا اختي مُش للدرجه لي تتخيليها انتي
صحيح نفكر ونخطط وهذا شي طبيعي
قاعده نهيّـأ من ضرك في البيئه ولازمني نكمل هذي الروتوشات كامل
عالاقل مع الدخول المدرسي ننطلق مباشره في التحضير ان شاء الله
حاجه باينه نخمم ونكمبص هههه بصح منيش نقلق في روحي بالعكس ،، قضية ممكن اني نغيب عالمنتدى وما تصلحليش نستشيركم
لا علينا
شكرا على النصائح رح ناخذها بعين الاعتبار باذن ربي ونقرر مليح
بالتوفيق

[اللوتس الاحمر]

المشاركة الأصلية كتبت بواسطة الريانة الطموحة

اهلاً ،،
طبعًا وصلت فكرتك الحمدلله ~
بالنسبة لـ كثيرة القلق والتفكير يا اختي مُش للدرجه لي تتخيليها انتي
صحيح نفكر ونخطط وهذا شي طبيعي
قاعده نهيّـأ من ضرك في البيئه ولازمني نكمل هذي الروتوشات كامل
عالاقل مع الدخول المدرسي ننطلق مباشره في التحضير ان شاء الله
حاجه باينه نخمم ونكمبص هههه بصح منيش نقلق في روحي بالعكس ،، قضية ممكن اني نغيب عالمنتدى وما تصلحليش نستشيركم
لا علينا
شكرا على النصائح رح ناخذها بعين الاعتبار باذن ربي ونقرر مليح
بالتوفيق

يبدواني صاحبة خيال واسع هههه امزح
لي و لك و للجميع ان شاء الله